ഉ​ച്ച​കോ​ടി പ്രാ​ദേ​ശി​ക സ​ഹ​ക​ര​ണ​ത്തി​ന്റെ സ​വി​ശേ​ഷ നാ​ഴി​ക​ക്കല്ലാ​കും -ജി.​സി.​സി സെ​ക്ര​ട്ട​റി ജ​ന​റ​ൽ

കു​വൈ​ത്ത് സി​റ്റി: 45ാമ​ത് ജി.​സി.​സി ഉ​ച്ച​കോ​ടി സം​യു​ക്ത പ്രാ​ദേ​ശി​ക സ​ഹ​ക​ര​ണ​ത്തി​ന്റെ മ​റ്റൊ​രു സ​വി​ശേ​ഷ നാ​ഴി​ക​ക്ക​ല്ലാ​കു​മെ​ന്ന് ജി.​സി.​സി സെ​ക്ര​ട്ട​റി ജ​ന​റ​ൽ ജാ​സിം അ​ൽ ബു​ദൈ​വി. ഉ​ച്ച​കോ​ടി​ക്ക് മു​ന്നോ​ടി​യാ​യു​ള്ള മ​ന്ത്രി​ത​ല സ​മി​തി​യു​ടെ 162ാമ​ത് സെ​ഷ​നി​ൽ സം​സാ​രി​ക്കു​ക​യാ​യി​രു​ന്നു അ​ൽ ബു​ദൈ​വി.

സ​ഹ​ക​ര​ണം ശ​ക്തി​പ്പെ​ടു​ത്തു​ന്ന​തി​നും വെ​ല്ലു​വി​ളി​ക​ൾ നേ​രി​ടു​ന്ന​തി​നും അം​ഗ​രാ​ജ്യ​ങ്ങ​ൾ​ക്കി​ട​യി​ൽ ശോ​ഭ​ന​മാ​യ ഭാ​വി കെ​ട്ടി​പ്പ​ടു​ക്കു​ന്ന​തി​നും ല​ക്ഷ്യ​മി​ടു​ന്ന ജി.​സി.​സി നേ​താ​ക്ക​ളു​ടെ വ്യ​ക്ത​മാ​യ ദ​ർ​ശ​ന​ങ്ങ​ളി​ൽ അ​ൽ ബു​ദൈ​വി ആ​ത്മ​വി​ശ്വാ​സം പ്ര​ക​ടി​പ്പി​ച്ചു.

ഭാ​വി​യി​ൽ ഗ​ൾ​ഫ് രാ​ജ്യ​ങ്ങ​ൾ​ക്ക് ഏ​റ്റ​വും മി​ക​ച്ച നേ​ട്ട​ങ്ങ​ളും വി​ക​സ​ന​വും ഉ​ണ്ടാ​കു​മെ​ന്ന് പ്ര​തീ​ക്ഷി​ക്കു​ന്ന ഉ​ച്ച​കോ​ടി​യി​ലെ മ​ന്ത്രി​ത​ല സ​മി​തി​യു​ടെ സെ​ഷ​ന്റെ അ​ധ്യ​ക്ഷ​ത​യി​ൽ കു​വൈ​ത്ത് വി​ദേ​ശ​കാ​ര്യ മ​ന്ത്രി അ​ബ്ദു​ല്ല അ​ൽ യ​ഹ്‍യ​യെ അ​ൽ ബു​ദൈ​വി അ​ഭി​ന​ന്ദി​ച്ചു. ജി.​സി.​സി​യു​ടെ ല​ക്ഷ്യം നി​ല​നി​ർ​ത്തേ​ണ്ട​തി​ന്റെ ആ​വ​ശ്യ​ക​ത അ​ദ്ദേ​ഹം ഊ​ന്നി​പ്പ​റ​ഞ്ഞു. കൗ​ൺ​സി​ലി​ലൂ​ടെ​യും അ​തി​ലെ അം​ഗ​ങ്ങ​ളി​ലൂ​ടെ​യും മെ​ച്ച​പ്പെ​ട്ട ഭാ​വി​യി​ലേ​ക്കു​ള്ള പ​ദ്ധ​തി​ക​ൾ ഫ​ല​പ്രാ​പ്തി​യി​ലെ​ത്തു​മെ​ന്നും സൂ​ചി​പ്പി​ച്ചു.