മ​ത്സ്യ​ബ​ന്ധ​ന മേ​ഖ​ല പ്ര​തി​സ​ന്ധി​യി​ലെ​ന്ന് യൂ​നി​യ​ൻ

കു​വൈ​ത്ത് സി​റ്റി: ഡീ​സ​ല്‍ ക്ഷാ​മം രൂ​ക്ഷ​മാ​യ​തോ​ടെ മ​ത്സ്യ​ബ​ന്ധ​ന മേ​ഖ​ല പ്ര​തി​സ​ന്ധി​യി​ലാ​ണെ​ന്ന് കു​വൈ​ത്ത് മ​ത്സ്യ​ത്തൊ​ഴി​ലാ​ളി യൂ​നി​യ​ൻ. പ്രാ​ദേ​ശി​ക വി​പ​ണി​യി​ൽ തൊ​ഴി​ലാ​ളി​ക​ളു​ടെ ക്ഷാ​മ​വും ഡീ​സ​ല്‍ ല​ഭ്യ​ത​ക്കു​റ​വും മേ​ഖ​ല​യി​ൽ വ​ലി​യ ആ​ശ​ങ്ക​യാ​ണ് ഉ​ണ്ടാ​ക്കു​ന്ന​ത്. ക​ട​ലി​ൽ പോ​കു​ന്ന ബോ​ട്ടു​ക​ൾ കു​റ​ഞ്ഞ​തോ​ടെ ഷ​ർ​ഖ്, ഫ​ഹാ​ഹീ​ൽ വി​പ​ണി​ക​ളി​ൽ മ​ത്സ്യം ല​ഭി​ക്കാ​ത്ത സാ​ഹ​ച​ര്യ​മാ​ണെ​ന്നും യൂ​നി​യ​ൻ സൂ​ചി​പ്പി​ച്ചു.

ഒ​രു​ത​വ​ണ ക​ട​ലി​ല്‍ പോ​കാ​ന്‍ 400 ദീ​നാ​റി​ല്‍ കൂ​ടു​ത​ലാ​ണ് ചെ​ല​വ്. എ​ന്നാ​ല്‍ ഉ​യ​ർ​ന്ന പ്ര​വ​ർ​ത്ത​ന​ച്ചെ​ല​വും സ​ബ്‌​സി​ഡി ഡീ​സ​ല്‍ ല​ഭി​ക്കാ​ത്ത​തും ചെ​ല​വ് ഇ​ര​ട്ടി​യാ​ക്കു​ന്നു. ഒ​രു കൊ​ട്ട ചെ​മ്മീ​നി​ന്റെ വി​ല 100 ദീ​നാ​റി​ല്‍ എ​ത്തി​യ​താ​യി യൂ​നി​യ​ൻ ചൂ​ണ്ടി​ക്കാ​ട്ടി. സ​ബ്‌​സി​ഡി ക​മ്മി​റ്റി​യു​ടെ തീ​രു​മാ​നം പു​നഃ​പ​രി​ശോ​ധി​ക്ക​ണ​മെ​ന്നും മു​ന്‍ വ​ര്‍ഷ​ങ്ങ​ളി​ലെ പോ​ലെ മു​ഴു​വ​ൻ വി​ഹി​ത​വും വി​ത​ര​ണം ചെ​യ്യാ​നും യൂ​നി​യ​ൻ ആ​വ​ശ്യ​പ്പെ​ട്ടു.

ഡീ​സ​ല്‍ ക്ഷാ​മം കാ​ര​ണം ബോ​ട്ടു​ക​ളി​പ്പോ​ള്‍ ഏ​റെ​നേ​രം ക​ട​ലി​ല്‍ ചെ​ല​വ​ഴി​ക്കാ​റി​ല്ലെ​ന്ന് മ​ത്സ്യ​ത്തൊ​ഴി​ലാ​ളി​ക​ള്‍ പ​റ​ഞ്ഞു. നി​ല​വി​ലെ പ്ര​ശ്‌​ന​ങ്ങ​ൾ പ​രി​ഹ​രി​ക്കു​ന്ന​തി​ന് സ​ർ​ക്കാ​ർ അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്നും ആ​വ​ശ്യ​പ്പെ​ട്ടു.