ലോകകപ്പ് ക്രിക്കറ്റ് ട്രോഫി കൺനിറയെ കണ്ട് കുവൈത്ത്; ആഘോഷമാക്കി ക്രിക്കറ്റ് പ്രേമികൾ

കു​വൈ​ത്ത് സി​റ്റി: ര​ണ്ടു ദി​വ​സ​ങ്ങ​ളി​ലാ​യി കു​വൈ​ത്തി​ലെ​ത്തി​യ ലോ​ക​ക​പ്പ് ക്രി​ക്ക​റ്റ് ട്രോ​ഫി ആ​രാ​ധ​ക​ർ​ക്ക് സ​മ്മാ​നി​ച്ച​ത് നി​ർ​വൃ​തി​യു​ടെ നി​മി​ഷ​ങ്ങ​ൾ. ടി.​വി സ്ക്രീ​നി​ൽ മാ​ത്രം ക​ണ്ട ലോ​ക കി​രീ​ടം അ​ടു​ത്തു​നി​ന്നു കാ​ണാ​നും കൂ​ടെ ഫോ​ട്ടോ എ​ടു​ക്കാ​നും ക​ഴി​ഞ്ഞ​തി​ന്റെ സ​ന്തോ​ഷ​ത്തി​ലാ​ണ് കു​വൈ​ത്തി​ലെ ക്രി​ക്ക​റ്റ് പ്രേ​മി​ക​ൾ. ജീ​വി​ത​ത്തി​ൽ അ​പൂ​ർ​വ​മാ​യി മാ​ത്രം ല​ഭി​ക്കു​ന്ന അ​വ​സ​രം അ​വ​ർ ശ​രി​ക്കും വി​നി​യോ​ഗി​ച്ചു. വെ​ള്ളി​യാ​ഴ്ച സു​ലൈ​ബി​യ ക്രി​ക്ക​റ്റ് ഗ്രൗ​ണ്ടി​ലേ​ക്ക് നൂ​റു​ക​ണ​ക്കി​ന് പേ​രാ​ണ് ലോ​ക കി​രീ​ടം കാ​ണാ​നാ​യി എ​ത്തി​യ​ത്.

വൈ​കീ​ട്ട് അ​ഞ്ചു മു​ത​ലാ​ണ് പ്ര​ദ​ർ​ശ​ന​വും ഫോ​ട്ടോ എ​ടു​ക്കാ​നു​ള്ള അ​വ​സ​ര​വും ഒ​രു​ക്കി​യ​ത്. ഇ​തി​നു​മു​മ്പേ ത​ന്നെ നീ​ണ്ട വ​രി ആ​രം​ഭി​ച്ചി​രു​ന്നു. രാ​ത്രി ഏ​റെ വൈ​കി​യും പ്ര​ദ​ർ​ശ​നം തു​ട​ർ​ന്നു. ഒ​രു മ​ണി​യോ​ടെ​യാ​ണ് അ​വ​സാ​നി​പ്പി​ച്ച​ത്.ഇ​ന്ത്യ, പാ​കി​സ്താ​ൻ, ബം​ഗ്ലാ​ദേ​ശ് എ​ന്നി​വി​ട​ങ്ങ​ളി​ൽ നി​ന്നു​ള്ള പ്ര​വാ​സി​ക​ളു​ടെ വ​ലി​യ നി​ര ​ട്രോ​ഫി കാ​ണാ​നെ​ത്തി. മ​ല​യാ​ളി​ക​ളും അ​വ​സ​രം ആ​ഘോ​ഷ​മാ​ക്കി.

ഒ​ക്ടോ​ബ​ർ അ​ഞ്ചു മു​ത​ൽ ന​വം​ബ​ർ 19 വ​രെ ഇ​ന്ത്യ​യി​ൽ ന​ട​ക്കു​ന്ന ലോ​ക​ക​പ്പി​ന്റെ മു​ന്നോ​ടി​യാ​യി ക്രി​ക്ക​റ്റ് ട്രോ​ഫി ടൂ​റി​ന്റെ ഭാ​ഗ​മാ​യാ​ണ് ലോ​ക കി​രീ​ടം കു​വൈ​ത്തി​ൽ എ​ത്തി​യ​ത്. വ്യാ​ഴാ​ഴ്ച റാ​ഡി​സ​ൺ ബ്ലൂ ​ഹോ​ട്ട​ലി​ൽ കു​വൈ​ത്തി​ലെ ഇ​ന്ത്യ​ൻ അം​ബാ​സ​ഡ​ർ ഡോ. ​ആ​ദ​ർ​ശ് സ്വൈ​ക, കു​വൈ​ത്ത് ക്രി​ക്ക​റ്റ് പ്ര​സി​ഡ​ന്റ് ഹൈ​ദ​ർ അ​ബ്ബാ​സ് ഫ​ർ​മാ​ൻ, ഐ.​സി.​സി ഡെ​പ്യൂ​ട്ടി ചെ​യ​ർ​മാ​ൻ ഇ​മ്രാ​ൻ ഖാ​ജ തു​ട​ങ്ങി​യ​വ​ർ ചേ​ർ​ന്നാ​ണ് ട്രോ​ഫി കു​വൈ​ത്തി​ൽ അ​വ​ത​രി​പ്പി​ച്ച​ത്.

കു​വൈ​ത്ത് ക്രി​ക്ക​റ്റ് അ​സോ​സി​യേ​ഷ​ൻ ഭാ​ര​വാ​ഹി​ക​ൾ, ടീം ​അം​ഗ​ങ്ങ​ൾ, ഐ.​സി.​സി പ്ര​തി​നി​ധി​ക​ൾ, പ​ബ്ലി​ക് അ​തോ​റി​റ്റി ഫോ​ർ സ്പോ​ർ​ട്സ് ഭാ​ര​വാ​ഹി​ക​ൾ എ​ന്നി​വ​ർ ര​ണ്ടു ദി​വ​സ​വും ട്രോ​ഫി​യെ അ​നു​ഗ​മി​ച്ചു.ലോ​ക കി​രീ​ടം കു​വൈ​ത്തി​ൽ എ​ത്തി​ക്കാ​നാ​യ​തി​ൽ വ​ലി​യ സ​ന്തോ​ഷ​മു​ണ്ടെ​ന്ന് കു​വൈ​ത്ത് ക്രി​ക്ക​റ്റ് അ​സോ​സി​യേ​ഷ​ൻ അം​ഗ​വും മ​ല​യാ​ളി​യു​മാ​യ ന​വീ​ൻ ഡി. ​ധ​ന​ഞ്ജ​യ​ൻ പ​റ​ഞ്ഞു. കു​വൈ​ത്ത് ക്രി​ക്ക​റ്റി​ൽ വ​ലി​യ മ​ത്സ​ര​ങ്ങ​ൾ വ​രാ​നി​രി​ക്കു​ക​യാ​ണെ​ന്നും അ​ദ്ദേ​ഹം സൂ​ചി​പ്പി​ച്ചു.ലോ​ക​ത്തെ 18 രാ​ജ്യ​ങ്ങ​ളി​ൽ ട്രോ​ഫി പ്ര​ദ​ർ​ശി​പ്പി​ക്കു​ന്നു​ണ്ട്. ജി.​സി.​സി​യി​ൽ കു​വൈ​ത്ത്, ബ​ഹ്റൈ​ൻ എ​ന്നി​വി​ട​ങ്ങ​ളി​ലാ​ണ് പ്ര​ദ​ർ​ശ​നം.പ്ര​ദ​ർ​ശ​നം ക​ഴി​ഞ്ഞ് സെ​പ്റ്റം​ബ​ർ നാ​ലി​ന് ട്രോ​ഫി ഇ​ന്ത്യ​യി​ൽ എ​ത്തും.