മസ്കത്ത്: കഴിഞ്ഞ മൂന്ന് ദിവസത്തിനിടെ കോവിഡ് ബാധിച്ച് 18 പേർ കൂടി ഒമാനിൽ മരിച്ചു. ഇതോടെ ആകെ മരണസംഖ്യ 780 ആയി. മരണപ്പെട്ടവരിൽ 554 പേർ സ്വദേശികളും 226 പേർ പ്രവാസികളുമാണ്. 1409 പേർക്കാണ് പുതുതായി രോഗം സ്ഥിരീകരിച്ചത്. ഇതോടെ വൈറസ് ബാധ സ്ഥിരീകരിച്ചവരുടെ എണ്ണം 89746 ആയി. 446 പേർക്ക് കൂടി രോഗം ഭേദമായി. 83771 പേരാണ് ഇതുവരെ രോഗമുക്തരായത്. 52 പേരെ കൂടി ആശുപത്രിയിൽ പ്രവേശിപ്പിച്ചു. 470 പേരാണ് ആശുപത്രികളിൽ ചികിൽസയിലുള്ളത്. ഇതിൽ 161 പേർ തീവ്ര പരിചരണ വിഭാഗത്തിലാണുള്ളത്. പുതിയ രോഗികളിൽ കൂടുതൽ പേരും മസ്കത്ത് ഗവർണറേറ്റിലാണ് ഉള്ളത്. 474 പുതിയ രോഗികളാണ് ഇവിടെയുള്ളത്. വിലായത്ത് തലത്തിലെ കണക്കുകൾ നോക്കുേമ്പാൾ സീബിൽ 159 പേർക്ക് പുതുതായി വൈറസ് ബാധ സ്ഥിരീകരിച്ചിട്ടുണ്ട്. ബോഷർ-103, മസ്കത്ത്-96, മത്ര-73, അമിറാത്ത്-31, ഖുറിയാത്ത്-12 എന്നിങ്ങനെയാണ് മറ്റ് വിലായത്തുകളിലെ എണ്ണം. വടക്കൻ ബാത്തിനയിലെ 233 രോഗികളിൽ 151 പേരും സുഹാറിലാണുള്ളത്. സുവൈഖിലും ഷിനാസിലും 22 പേർക്ക് വീതവും സഹത്തിൽ 20 പേർക്കും രോഗം സ്ഥിരീകരിച്ചു. മൂന്നാമതുള്ള ദോഫാറിൽ പുതിയ രോഗബാധിതരുടെ എണ്ണം 203 ആണ്. ഇതിൽ 195 പേരും സലാലയിലാണ്. തെക്കൻ ബത്തിനയിൽ 119 പുതിയ രോഗികളുണ്ട്. ഇതിൽ 72 പേരും ബർക്കയിലാണ്. മുസന്നയിൽ 25 പേർക്കും രോഗം സ്ഥിരീകരിച്ചു. ദാഖിലിയയിലെ 116 പുതിയ വൈറസ് ബാധിതരിൽ 62 പേരും നിസ്വയിലാണ്. ബഹ്ലയിൽ 22 പുതിയ രോഗികളുണ്ട്. തെക്കൻ ശർഖിയയിലെ 79 പേരിൽ 48 പേരും സൂറിലാണ്. വടക്കൻ ശർഖിയയിൽ 57 പുതിയ രോഗികളുണ്ട്. ബുറൈമി-56, ദാഹിറ-50, അൽ വുസ്ത-21, മുസന്ദം-ഒന്ന് എന്നിങ്ങനെയാണ് മറ്റ് ഗവർണറേറ്റുകളിലെ പുതിയ രോഗികളുടെ എണ്ണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.