കെട്ടിടത്തിൽനിന്ന്​ വീണ് ആലപ്പുഴ സ്വദേശി ഒമാനിൽ മരണപ്പെട്ടു

മസ്കത്ത്​: കെട്ടിടത്തിൽനിന്ന്​ വീണ്​ ആലപ്പുഴ സ്വദേശി ഒമാനിൽ മരണപ്പെട്ടു. നീരാട്ടുപുറം കയ്തവണ സതീഷ് (48) ആണ്​ ബർക്കകടുത്ത് റുസ്​താഖിലെ വാദി മാവിൽ കെട്ടിടത്തുനിന്ന്​ വീണ്​ മരിച്ചത്​. കെട്ടിട നിർമ്മാണ കമ്പനിയിൽ ഫോർമാനായിരുന്നു.

പിതാവ്​: പരേതനായ ശശീധരൻ. ഭാര്യ: സുബിത സതീഷ്. മക്കൾ: ദേവ മാനവ്, ദേവതീർത്ഥ്. ഖുറം ആർ.ഒ.പി ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധുക്കൾ അറിയിച്ചു.