ഉ​മ്മു​ന്നാ​ർ കാ​ല​ഘ​ട്ട​ത്തി​ലെ ജ​ന​വാ​സ തെ​ളി​വു​മാ​യി 'ബാ​ത്ത്'

മ​സ്ക​ത്ത്: ദാ​ഖി​റ ഗ​വ​ർ​ണ​റേ​റ്റി​ലെ ഇ​ബ്രി​യി​ലെ ബാ​ത്ത് പു​രാ​വ​സ്തു സൈ​റ്റി​ൽ 5000ത്തി​ല​ധി​കം വ​ർ​ഷ​ങ്ങ​ൾ​ക്ക് മു​മ്പ് ജ​ന​വാ​സ​മു​ണ്ടാ​യി​രു​ന്നു​വെ​ന്ന​തി​ന് തെ​ളി​യി​ക്കു​ന്ന നി​ര​വ​ധി തെ​ളി​വു​ക​ൾ ഗ​വേ​ഷ​ക​ർ ക​ണ്ടെ​ത്തി. ബി.​സി 2600-2000നു​മി​ട​യി​ൽ ഏ​റെ ജ​ന​ങ്ങ​ൾ ജീ​വി​ച്ചു​വെ​ന്ന​തി​നു​ള്ള തെ​ളി​വു​ക​ളാ​ണ് ഗ​വേ​ഷ​ക​ർ​ക്ക് ല​ഭി​ച്ച​ത്. ഈ ​കാ​ല​ഘ​ട്ട​ത്തെ ഉ​മ്മു​ന്നാ​ർ കാ​ല​ഘ​ട്ടം എ​ന്നാ​ണ് ഗ​വേ​ഷ​ക​ർ പേ​രി​ട്ടി​രി​ക്കു​ന്ന​ത്. അ​ബൂ​ദ​ബി​യി​ലും ഒ​മാ​ന്‍റെ ചി​ല ഭാ​ഗ​ങ്ങ​ളി​ലും ഉ​മ്മു​ന്നാ​ർ വി​ഭാ​ഗം ദീ​ർ​ഘ​കാ​ലം താ​മ​സി​ച്ചി​രു​ന്നു. പു​രാ​ത​ന ച​രി​ത്ര​ത്തി​ൽ വെ​ങ്ക​ല കാ​ല​ഘ​ട്ടം എ​ന്നാ​ണ് ഈ ​കാ​ലം അ​റി​യ​പ്പെ​ടു​ന്ന​ത്. വാ​ദി​ക്ക് അ​ഭി​മു​ഖ​മാ​യി മ​ല​ഞ്ചെ​രി​വു​ക​ളി​ലെ നി​ര​വ​ധി വീ​ടു​ക​ൾ പു​രാ​വ​സ്തു സൈ​റ്റി​ലു​ണ്ട്. ബാ​ത്ത് സൈ​റ്റി​ന്‍റെ തെ​ക്കു​കി​ഴ​ക്കാ​യി മ​റ്റൊ​രു പു​രാ​വ​സ്തു കേ​ന്ദ്ര​വും ക​ണ്ടെ​ത്തി. ഇ​വി​ടെ ദീ​ർ​ഘ​കാ​ലം മ​ഴ വെ​ള്ളം കെ​ട്ടി​ക്കി​ട​ന്ന​തി​നും തെ​ളി​വു​ക​ളു​ണ്ട്. ഈ ​വീ​ടു​ക​ളെ​ല്ലാം ഒ​റ്റ​നോ​ട്ട​ത്തി​ൽ ഒ​രേ​പോ​ലെ തോ​ന്നും.

ഈ ​പു​രാ​ത​ന അ​ധി​വാ​സ കേ​ന്ദ്ര​ത്തി​ൽ​നി​ന്ന് പു​രാ​ത​ന കാ​ല​ത്തെ അ​ടു​പ്പു​ക​ൾ, ചൂ​ള​ക​ൾ എ​ന്നി​വ​യും കു​ഴി​ച്ചെ​ടു​ത്തി​ട്ടു​ണ്ട്. ഉ​മ്മു​ന്നാ​ർ ക​ല​ഘ​ട്ട​ത്തി​ൽ ജ​ന​ങ്ങ​ൾ എ​ങ്ങ​നെ​യാ​ണ് ജീ​വി​ച്ച​തെ​ന്നും ബാ​ത്ത് മേ​ഖ​ല​യെ ആ​യി​ര​ത്തോ​ളം വ​ർ​ഷം എ​ങ്ങ​നെ സ​മ്പു​ഷ്ഠ​മാ​ക്കി​യെ​ന്നും മ​ന​സ്സി​ലാ​ക്കാ​ൻ ഈ ​തെ​ളി​വു​ക​ൾ ഏ​റെ സ​ഹാ​യി​ക്കു​മെ​ന്നും ഗ​വേ​ഷ​ക​ർ വി​ശ്വ​സി​ക്കു​ന്നു. ദാ​ഖി​റ ഗ​വ​ർ​ണ​റ്റേി​ലെ അ​ൽ ഖ​ത്തം, അ​ൽ​ഐ​ൻ എ​ന്നി​വി​ട​ങ്ങ​ളി​ൽ പ​ര​ന്നു​കി​ട​ക്കു​ന്ന ബാ​ത്ത് പു​രാ​വ​സ്തു സൈ​റ്റ് 1988ലെ ​ലോ​ക പു​രാ​വ​സ്തു പ​ട്ടി​ക​യി​ൽ ഇ​ടം​പി​ടി​ച്ചി​രു​ന്നു. ബി.​സി 3000ൽ ​ത​ന്നെ ഇ​വി​ടെ ഇ​ത് വ​ലി​യ ആ​വാ​സ​കേ​ന്ദ്ര​മാ​യി​രു​ന്നു. ഈ ​കാ​ല​ഘ​ട്ട​ത്തി​ലെ നി​ര​വ​ധി ട​വ​റു​ക​ൾ, ശ​വ​കു​ടീ​ര​ങ്ങ​ൾ എ​ന്നി​വ​യു​ടെ അ​വ​ശി​ഷ്ട​ങ്ങ​ൾ ഇ​വി​ടെ​നി​ന്ന് ല​ഭി​ച്ചി​രു​ന്നു.