മസ്കറ്റ് : ഗ്ലോബൽ ഹ്യൂമൺ പീസ് യൂനിവേഴ്സിറ്റി ഡൽഹിയിൽ വെച്ച് ഡോക്ടറേറ്റും ഡോ. എ.പി.ജെ അബ്ദുൽ കലാം സോഷ്യൽ വർക്ക് എക്സലൻസ് അവാർഡും നേടിയ അൽ സലാമ പോളി ക്ലിനിക് എം.ഡി ഡോ. സിദ്ദീഖ് തേവർതൊടിയെ ആദരിച്ച് നേതാജി എഫ്.സി മൊബേല. രണ്ടു പതിറ്റാണ്ടിലേറെ ഹോസ്പിറ്റൽ അഡ്മിനിസ്ട്രേറ്റീവ് രംഗത്തും സമൂഹത്തിലെ ജീവകാരണ്യപ്രവർത്തനത്തിലും മികച്ച പ്രകടനം കാഴ്ചവെച്ച് സജീവസാന്നിധ്യമായി പ്രവർത്തിക്കുന്നയാളാണ് ഡോ. സിദ്ദീഖ്.
നേതാജി എഫ്.സിക്ക് തുടക്കം മുതൽ എല്ലാ സപ്പോർട്ടും നൽകി വരുന്ന ഡോ. സിദ്ദീഖിന് മൊബേല ഫുട്ബാൾ ഗ്രൗണ്ടിൽ വെച്ചാണ് നേതാജി ടീം ഊഷ്മളമായ വരവേൽപ്പും ആദരവും നലകിയത്. വരുൺ, രഞ്ജിത്ത്, ബാലകൃഷ്ണൻ, രതീഷ്, സതീഷ്, അസിം, ഷാഫി, റാഷിക് തുടങ്ങിയവർ ആശംസകളും നന്ദിയും അറിയിച്ചു. ഒക്ടോബർ 25ന് നടക്കുന്ന സീസൺ നാല് ടൂർണമെന്റ് പോസ്റ്റർ നേതാജിയുടെ അഫ്രാദും ഡോ.സിദ്ദീഖും ചേർന്ന് പ്രകാശനം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.