മസ്കത്ത്: ഒമാനിൽ കോവിഡ് ബാധിച്ച് അഞ്ചുപേർ കൂടി മരിച്ചു. ഇതോടെ ആകെ മരണസംഖ്യ 562 ആയി. 181 പേർക്കാണ് പുതുതായി വൈറസ് ബാധ സ്ഥിരീകരിച്ചത്. ഇതോടെ ആകെ രോഗികളുടെ എണ്ണം 82924 ആയി. 123 പേർക്ക് കൂടി രോഗം ഭേദമായി. 77550 പേരാണ് ഇതുവരെ രോഗമുക്തരായത്. 61 പേരെ കൂടി ആശുപത്രിയിൽ പ്രവേശിപ്പിച്ചു. 462 പേരാണ് ആശുപത്രികളിൽ ചികിത്സയിലുള്ളത്. ഇതിൽ 158 പേർ തീവ്ര പരിചരണ വിഭാഗത്തിലാണ് ഉള്ളത്. മസ്കത്ത് ഗവർണറേറ്റിലാണ് ഇന്ന് പുതിയ രോഗികൾ ഏറ്റവും കൂടുതലുള്ളത്. 76 പേർക്കാണ് ഇവിടെ വൈറസ് ബാധ സ്ഥിരീകരിച്ചത്. സീബ് വിലായത്തിൽ 28 ഉം മസ്കത്തിൽ 25 ഉം ബോഷറിൽ 11ഉം പേർക്ക് കോവിഡ് സ്ഥിരീകരിച്ചത്. 41 പേരുള്ള തെക്കൻ ബാത്തിന ഗവർണറേറ്റാണ് അടുത്ത സ്ഥാനത്ത്. ഇവിടെ ബർക്കയിൽ 27ഉം മുസന്നയിൽ 10ഉം രോഗികളുണ്ട്. വടക്കൻ ബാത്തിനയിൽ 22 പേർക്കും ദാഖിലിയയിൽ 16 ഉം വടക്കൻ ശർഖിയയിൽ ഒമ്പതും തെക്കൻ ശർഖിയയിലും ദോഫാറിലും ആറുപേർക്ക് വീതവും ബുറൈമിയിൽ മൂന്ന് പേർക്കും ദാഹിറയിൽ രണ്ട് പേർക്കും കോവിഡ് സ്ഥിരീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.