ഐ.സി.എസ് മസ്കത്ത് നടത്തുന്ന മീലാദ് കാമ്പയിനിന്റെ ഉദ്ഘാടനം സമാഇലിൽ നടന്നപ്പോൾ
മസ്കത്ത്: ‘തിരുചര്യ പഠിക്കാം പകർത്താം’ ശീർഷകത്തിൽ ഐ.സി.എസ് മസ്കത്ത് നടത്തുന്ന ഒരുമാസ മീലാദ് കാമ്പയിനിന്റെ ഉദ്ഘാടനം സമാഇൽ നടന്നു.
മൗലിദ് പാരായണത്തിനും സിയാറത്തിനും ഐ.സി.എസ് ചെയർമാൻ അബ്ദുല്ല വഹബി വല്ലപ്പുഴ നേതൃത്വം നൽകി. അബൂബക്കർ ഫലാഹി, മുഹമ്മദ് ഷാ, ഇസ്മായിൽ കോമത്ത്, ആരിഫ് പള്ളിയത്ത്, ജുനൈദ്, മുഹമ്മദ് ഒമ്പതുകണ്ടം, ഇസ്ഹാഖ് തുടങ്ങി നിരവധി നേതാക്കളും പ്രവർത്തകരും സംബന്ധിച്ചു. യൂനുസ് വഹബി വലകെട്ട് സ്വാഗതവും അയൂബ് പള്ളിയത്ത് നന്ദിയും പറഞ്ഞു.
മസ്കത്തിന്റെ പല ഭാഗങ്ങളിലായി പൊതുസമ്മേളനങ്ങൾ, മൗലിദ് സദസ്സുകൾ, ലഘുലേഖ വിതരണം തുടങ്ങിയ പരിപാടികൾ കാമ്പയിനിന്റെ ഭാഗമായി നടക്കും. സമാപന സമ്മേളനം മുവാല മസ്ജിദുൽ ഇസ്ലാം ഓഡിറ്റോറിയത്തിൽ (നിസ്വ റോഡിൽ ബന്ദർ ലുലുവിന് എതിർവശം) നടക്കും. ഒക്ടോബർ 13ന് ഉച്ചക്ക് ഒരു മണിക്ക് നടക്കുന്ന സമാപന സമ്മേളനം എസ്.വൈ.എഫ് സ്റ്റേറ്റ് അധ്യക്ഷൻ ഹാശിം ബാഫഖി തങ്ങൾ ഉദ്ഘാടനം ചെയ്യും. കേരള സംസ്ഥാന ജംഇയ്യതുൽ ഉലമ കാര്യദർശി കെ.കെ. കുഞ്ഞാലി മുസ്‍ലിയാർ മുഖ്യ പ്രഭാഷണം നടത്തും. മത, സാമൂഹിക മേഖലയിലെ പ്രമുഖർ പങ്കെടുക്കും. കാമ്പയിനുമായി ബന്ധപ്പെട്ട വിവരങ്ങൾക്ക് 903 14937, 98151311 എന്നീ നമ്പറുകളിൽ ബന്ധപ്പെടണമെന്ന് സംഘാടകർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.