മസ്കത്ത്: ഇന്ത്യൻ എംബസി കോൺസുലാർ ക്യാമ്പ് 29ന് സലാല‌യിൽ നടക്കും. കോൺസുലാർ, കമ‍്യൂണിറ്റി വെൽഫെയർ, പാസ്‌പോർട്ട്, വിസ, അറ്റസ്റ്റേഷൻ തുടങ്ങിയവയുമായി ബന്ധപ്പെട്ട സേവനങ്ങൾ ലഭ്യമാകും. ഇന്ത്യൻ സോഷ്യൽ ക്ലബ് പരിസരത്ത് 29ന് രാവിലെ 8.30 മുതൽ വൈകിട്ട് 430 വരെയാണ് ക്യാമ്പ്.
സലാലയിലും സമീപ പ്രദേശങ്ങളിലുമുള്ള ഇന്ത്യൻ പൗരന്മാർക്ക് മുൻകൂർ അപ്പോയിന്‍റ്മെന്‍റ് കൂടാതെ ക്യാമ്പിൽ കോൺസുലാർ സേവനങ്ങൾ പ്രയോജനപ്പെടുത്താം. ഇന്ത്യൻ അംബാസഡർ അമിത് നാരംഗിന്‍റെ അധ്യക്ഷതയിൽ ഓപൺ ഹൗസ് വൈകുന്നേരം 5.30മുതൽ രാത്രി ഏഴ് മണി വരെ നടക്കും.
ഓപൺഹൗസിൽ ഇന്ത്യൻ പൗരൻമാർക്ക് തങ്ങളുടെ പരാതികൾ ഉന്നയിക്കാം. അന്വേഷണങ്ങൾക്ക് എംബസി ഹെൽപ്പ് ലൈൻ നമ്പറായ 98282270, ഇന്ത്യൻ സോഷ്യൽ ക്ലബ് സലാല നമ്പർ 91491027 / 23235600 എന്നിവയിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.