ഹെവൻസ് സലാലയിൽ സംഘടിപ്പിച്ച മെഡിക്കൽ ക്യാമ്പിൽ സേവനം ചെയ്തവർക്ക് സജീബ്
ജലാൽ ഉപഹാരം നൽകുന്നു
സലാല: ഹെവൻസ് പ്രീ സ്കൂൾ വിദ്യാർഥികൾക്കായി നടത്തിയ കിഡ്സ് ഫെസ്റ്റിന്റെ സമ്മാനദാനവും മെഡിക്കൽ ക്യാമ്പും സംഘടിപ്പിച്ചു. എജുക്കേഷൻ വിങ്ങിലെ കെ.ഷൗക്കത്തലി മാസ്റ്റർ, ഐ.എസ്.സി മലയാള വിഭാഗം ട്രഷറർ സജീബ് ജലാൽ എന്നിവർ ഉദ്ഘാടനം നിർവ്വഹിച്ചു. ഐഡിയൽ ഹാളിൽ നടന്ന പരിപാടിയിൽ ഐഡിയൽ എജ്യുക്കേഷൻ കൺവീനർ അബ്ദുല്ല മുഹമ്മദ് അധ്യക്ഷത വഹിച്ചു.
വിവിധ മത്സരങ്ങളിൽ വിജയികളായ വിദ്യാർഥികൾക്ക് ചടങ്ങിൽ സമ്മാനങ്ങൾ വിതരണം ചെയ്തു. മെഡിക്കൽ ക്യാമ്പിൽ രക്ഷിതാക്കൾക്ക് പ്രാഥമിക പരിശോധനകളും കുട്ടികൾക്ക് പീഡിയാട്രീഷന്റെ സേവനവും ഉണ്ടായിരുന്നു. ലൈഫ് ലൈൻ ഹോസ്പിറ്റലുമായി സഹകരിച്ചാണ് ക്യാമ്പ് നടത്തിയത്. എജുക്കേഷൻ വിങ് സെക്രട്ടറി കെ.ജെ. സമീർ, വൈസ് പ്രിൻസിപ്പാൽ റജീന, ഷമീല ഇബ്റാഹീം എന്നിവർ സംബന്ധിച്ചു. പ്രിൻസിപ്പാൽ ഷമീർ വി എസ് സ്വാഗതവും സ്റ്റാഫ് സെക്രട്ടറി ഫസ്ന അനസ് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.