മസ്കത്ത്: തുണികൊണ്ടുള്ള കഴുകി ഉപയോഗിക്കാവുന്ന മാസ്ക് ധരിച്ചയാളെ ബാങ്ക് ശാഖയിൽ പ്രവേശിപ്പിച്ചില്ല. പ്രാദേശിക ദിനപത്രമാണ് ഇക്കാര്യം റിപ്പോർട്ട് ചെയ്തത്. സർജിക്കൽ മാസ്ക് ധരിച്ചു വരാൻ പറഞ്ഞ് തിരിച്ചുവിടുകയായിരുന്നു. സെക്യൂരിറ്റി ഗാർഡാണ് പ്രവേശനം നിഷേധിച്ചത്. ഇക്കാര്യത്തെ കുറിച്ച് ചോദിച്ചപ്പോൾ സർജിക്കൽ മാസ്ക് ധരിച്ചവരെ മാത്രം അകത്ത് പ്രവേശിപ്പിച്ചാൽ മതിയെന്നത് മാനേജ്മെൻറ് തീരുമാനമാണെന്നാണ് പറഞ്ഞതെന്ന് പ്രവേശനം നിഷേധിക്കപ്പെട്ടയാളെ ഉദ്ധരിച്ചുള്ള റിപ്പോർട്ട് പറയുന്നു. സമാന അനുഭവം നേരിട്ട മറ്റുള്ളവരുമുണ്ട്. ഇത്തരത്തിലുള്ള തീരുമാനങ്ങളെ കുറിച്ച അറിയിപ്പുകൾ, സ്ഥാപനങ്ങൾ പൊതുജനങ്ങളെ അറിയിക്കണമെന്ന് ആവശ്യമുയർന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.