കൊതുകിനെ തുരത്തൽ; കാമ്പയിനുമായി മസ്കത്ത്​ മുനിസിപ്പാലിറ്റി

മ​സ്ക​ത്ത്​: ഡെ​ങ്കി​പ്പ​നി വ്യാ​പ​ന​ത്തി​ന്​ കാ​ര​ണ​മാ​കു​ന്ന ഈ​ഡി​സ് ഈ​ജി​പ്തി കൊ​തു​കി​നെ തു​ര​ത്താ​നു​ള്ള കാ​മ്പ​യി​ന്​ മ​സ്ക​ത്ത്​ മു​നി​സി​പ്പാ​ലി​റ്റി തു​ട​ക്ക​മി​ട്ടു. ആ​രോ​ഗ്യ​മ​ന്ത്രാ​ല​യ​ത്തി​ന്റെ​യും മ​റ്റു യോ​ഗ്യ​ത​യു​ള്ള അ​ധി​കാ​രി​ക​ളു​ടെ​യും സ​ഹ​ക​ര​ണ​ത്തോ​ടെ, സീ​ബ്, മ​ത്ര, ബൗ​ഷ​ർ എ​ന്നീ വി​ലാ​യ​ത്തു​ക​ളി​ലാ​ണ്​ കാ​മ്പ​യി​ൻ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​ത്​. പ്ര​വ​ർ​ത്ത​ന​ങ്ങ​ൾ മേ​യ്​ 28 വ​രെ തു​ട​രും. കൊ​തു​ക് നി​യ​ന്ത്ര​ണ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​തി​നാ​യി വീ​ടു​ക​ളി​ലും പാ​ർ​പ്പി​ട യൂ​നി​റ്റു​ക​ളി​ലും ടാ​സ്‌​ക് ടീ​മു​ക​ളെ പ്ര​വേ​ശി​ക്കാ​ൻ അ​നു​വ​ദി​ക്ക​ണ​മെ​ന്ന് മു​നി​സി​പ്പാ​ലി​റ്റി ക​മ്യൂ​ണി​റ്റി അം​ഗ​ങ്ങ​ളോ​ട് അ​ഭ്യ​ർ​ഥി​ച്ചു.

ഈ ​കാ​മ്പ​യി​ൻ വി​ജ​യി​പ്പി​ക്കു​ന്ന​തി​ന് കൂ​ട്ടാ​യ പ​രി​ശ്ര​മം ന​ട​ത്തേ​ണ്ട​തി​ന്റെ ആ​വ​ശ്യ​ക​ത മ​സ്ക​ത്ത് മു​നി​സി​പ്പാ​ലി​റ്റി ഊ​ന്നി​പ്പ​റ​യു​ക​യും ആ​ത്യ​ന്തി​ക ല​ക്ഷ്യം കൈ​വ​രി​ക്കാ​ൻ വ​ർ​ക്ക് ടീ​മു​ക​ളു​മാ​യി കൈ​കോ​ർ​ക്കാ​ൻ പൊ​തു​ജ​ന​ങ്ങ​ൾ ത​യാ​റാ​ക​ണ​മെ​ന്നും ആ​വ​ശ്യ​​പ്പെ​ട്ടു. ആ​ളു​ക​ളു​ടെ ആ​രോ​ഗ്യ​വും സു​ര​ക്ഷ​യും നി​ല​നി​ർ​ത്താ​നും രോ​ഗാ​ണു​ക്ക​ളു​ടെ സ്രോ​ത​സ്സു​ക​ളെ ചെ​റു​ക്കാ​നും രോ​ഗ വ്യാ​പ​നം ത​ട​യു​ന്ന​തി​നു​ള്ള അ​വ​ബോ​ധം വ​ർ​ധി​പ്പി​ക്കാ​നു​മു​ള്ള മ​സ്‌​ക​ത്ത്​ മു​നി​സി​പ്പാ​ലി​റ്റി​യു​ടെ ബാ​ധ്യ​ത​യി​ൽ​നി​ന്നാ​ണ് ഇ​ത്ത​രം പ്ര​വ​ർ​ത്ത​ന​ങ്ങ​ളെ​ന്ന്​ അ​ധി​കൃ​ത​ർ വ്യ​ക്ത​മാ​ക്കി.

നോ​ർ​ത്ത്, സൗ​ത്ത് മ​ബേ​ല, നോ​ർ​ത്ത്, സൗ​ത്ത് ഹെ​യി​ൽ, സൗ​ത്ത് മ​വാ​ലെ, അ​ൽ ഖൂ​ദ്, സു​ർ അ​ൽ ഹ​ദീ​ദ്, മ​ത്ര, ബൗ​ഷ​ർ എ​ന്നി​വി​ട​ങ്ങ​ളി​ൽ രാ​വി​ലെ ഏ​ഴു മു​ത​ൽ 11 വ​രെ​യും ഉ​ച്ച​ക​ഴി​ഞ്ഞ് മൂ​ന്നു മു​ത​ൽ വൈ​കീ​ട്ട്​ ആ​റു​വ​രെ​യും ടാ​സ്ക്​ ടീ​മു​ക​ൾ കൊ​തു​ക്​ തു​ര​ത്തു​ന്ന​തി​നു​ള്ള ​പ്ര​വ​ർ​ത്ത​ന​ങ്ങ​ളി​ൽ ഏ​ർ​​പ്പെ​ടും. ഈ​ഡി​സ് ഈ​ജി​പ്തി കൊ​തു​കി​ന്റെ വ്യാ​പ​ന​വും അ​തി​ന്റെ പ്ര​ജ​ന​ന കേ​ന്ദ്ര​ങ്ങ​ളും തു​ട​ർ​ച്ച​യാ​യി ന​ട​ത്തു​ന്ന നി​ർ​മാ​ർ​ജ​ന പ​രി​പാ​ടി​ക​ളി​ലൂ​ടെ​യും ഇ​ല്ലാ​താ​ക്കു​ക എ​ന്ന​താ​ണ് കാ​മ്പ​യി​ൻ ല​ക്ഷ്യ​മി​ടു​ന്ന​ത്.

ത​ല​സ്ഥാ​ന​ന​ഗ​രി​യി​ലെ ചി​ല പ്ര​ദേ​ശ​ങ്ങ​ളി​ൽ ഡെ​ങ്കി​പ്പ​നി പ​ട​രു​ന്ന​ത് ആ​ശ​ങ്ക ഉ​യ​ർ​ത്തി​യി​രു​ന്നു. റൂ​വി, ഹം​രി​യ, ദ​ർ​സൈ​ത്ത് എ​ന്നി​വി​ട​ങ്ങ​ളി​ൽ ചി​ല കേ​സു​ക​ൾ റി​പ്പോ​ർ​ട്ട്​ ചെ​യ്​​ത​തി​നാ​ൽ ജാ​ഗ്ര​താ​നി​ർ​ദേ​ശം ന​ൽ​കി​യി​ട്ടു​ണ്ട്. കൊ​തു​കു​ക​ളു​ടെ വ്യാ​പ​നം ത​ട​യാ​ൻ പൊ​തു​ജ​ന​ങ്ങ​ൾ വീ​ടു​ക​ളും പ​രി​സ​ര​വും വൃ​ത്തി​യാ​യി സൂ​ക്ഷി​ക്ക​ണ​മെ​ന്ന് മ​ന്ത്രാ​ല​യം നി​ർ​ദേ​ശി​ച്ചി​ട്ടു​ണ്ട്. വീ​ട്ടി​ലോ പ​രി​സ​ര​ത്തോ കെ​ട്ടി​നി​ൽ​ക്കു​ന്ന വെ​ള്ള​ത്തി​ന്റെ സാ​ന്നി​ധ്യം കൊ​തു​കി​ന്‍റെ വ്യാ​പ​ന​ത്തി​ന്​ കാ​ര​ണ​മാ​കും. എ​യ​ർ​ക​ണ്ടീ​ഷ​ണ​ർ വെ​ള്ളം ശേ​ഖ​രി​ക്കു​ന്ന ട​ബ്ബു​ക​ൾ, ട​യ​റു​ക​ളി​ൽ അ​ടി​ഞ്ഞു​കൂ​ടി​യ വെ​ള്ളം, ജ​ല​ധാ​ര​ക​ൾ, പാ​ത്ര​ങ്ങ​ൾ, മൃ​ഗ​ങ്ങ​ളു​ടെ വാ​ട്ട​ർ​പ്ലേ​റ്റു​ക​ൾ, ചെ​ടി​ച്ച​ട്ടി​ക​ൾ മു​ത​ലാ​യ​വ​യാ​ണ്​ സാ​ധാ​ര​ണ ഇ​വ​യു​ടെ പ്ര​ജ​ന​ന​കേ​ന്ദ്ര​ങ്ങ​ൾ. ഇ​വ​യി​ൽ ഏ​​തെ​ങ്കി​ലും ഉ​​ണ്ടെ​ങ്കി​ൽ അ​വ ഒ​ഴി​വാ​ക്ക​ണ​മെ​ന്നും അ​ല്ലെ​ങ്കി​ൽ ബ്ര​ഷ് ഉ​പ​യോ​ഗി​ച്ച് പ​തി​വാ​യി വൃ​ത്തി​യാ​ക്ക​ണ​മെ​ന്നും നി​ർ​ദേ​ശി​ച്ചു.

ഈ​ഡി​സ് ഈ​ജി​പ്തി എ​ന്ന കൊ​തു​കി​ന്‍റെ ക​ടി​യി​ലൂ​ടെ​യാ​ണ് ഡെ​ങ്കി​പ്പ​നി പ​ക​രു​ന്ന​ത്. പ​ക​ൽ സ​മ​യ​ത്ത് മാ​ത്രം ക​ടി​ക്കു​ന്ന സ്വ​ഭാ​വ​മു​ള്ള ഇ​വ​യു​ടെ നി​റം ക​റു​പ്പും, മു​തു​കി​ലും മൂ​ന്നു ജോ​ടി കാ​ലു​ക​ളി​ലും വെ​ളു​ത്ത വ​ര​ക​ളും ഉ​ണ്ടാ​കും. പെ​ട്ടെ​ന്നു​ള്ള ക​ഠി​ന​മാ​യ പ​നി, അ​സ​ഹ്യ​മാ​യ ത​ല​വേ​ദ​ന, നേ​ത്ര​ഗോ​ള​ങ്ങ​ളു​ടെ പി​ന്നി​ലെ വേ​ദ​ന, സ​ന്ധി​ക​ളി​ലും മാം​സ​പേ​ശി​ക​ളി​ലും വേ​ദ​ന, വി​ശ​പ്പി​ല്ലാ​യ്മ, രു​ചി​യി​ല്ലാ​യ്മ, മ​നം​പു​ര​ട്ട​ലും ഛർ​ദി​യും എ​ന്നി​വ​യാ​ണ്​ സാ​ധാ​ര​ണ ഡെ​ങ്കി​പ്പ​നി​യു​ടെ ല​ക്ഷ​ണ​ങ്ങ​ൾ. മൂ​ന്നു​നാ​ല് ദി​വ​സ​ത്തെ ശ​ക്ത​മാ​യ പ​നി​ക്കു​ശേ​ഷം ഏ​താ​നും നാ​ൾ രോ​ഗ​ല​ക്ഷ​ണ​ങ്ങ​ൾ ഒ​ന്നും​ത​ന്നെ ഇ​ല്ലാ​തി​രി​ക്കു​ക​യും വീ​ണ്ടും പ​നി പ്ര​ത്യ​ക്ഷ​പ്പെ​ടു​ക​യും ചെ​യ്യു​ക ഈ ​രോ​ഗ​ത്തി​ന്റെ മ​റ്റൊ​രു പ്ര​ത്യേ​ക​ത​യാ​ണ്.