മസ്കത്ത്: അൽ കാമിലിൽ കാർ ഡിവൈഡറിൽ ഇടിച്ചുമറിഞ്ഞുണ്ടായ അപകടത്തിൽ കണ്ണൂർ സ്വദേശി മരിച്ചു. മട്ടന്നൂർ കീച്ചേരി കോളാരി പാലക്കൽ വീട്ടിൽ നാസർ (40) ആണ് മരിച്ചത്. ചൊവ്വാഴ്ച ഉച്ചക്ക് രണ്ടിനായിരുന്നു അപകടം. ലാക്നോർ കമ്പനിയിലെ സെയിൽസ്മാനായിരുന്നു നാസർ. ജോലികഴിഞ്ഞ് സഹപ്രവർത്തകനായ മംഗലാപുരം സ്വദേശി ഹമീദുമൊത്ത് അൽ വാഫിയിലെ ഒാഫിസിലേക്ക് മടങ്ങവേയായിരുന്നു അപകടം. ഉറങ്ങിപ്പോയതാണ് അപകടകാരണമെന്നു കരുതുന്നു. റോഡിലേക്ക് തെറിച്ചുവീണ നാസർ സംഭവസ്ഥലത്തുതന്നെ മരിച്ചതായാണ് അറിയുന്നത്. രണ്ടുവർഷം മുമ്പാണ് നാസർ ഒമാനിലെത്തിയത്. മൃതദേഹം ബുഹസൻ ആശുപത്രിയിലേക്ക് മാറ്റി. കൈക്ക് പരിക്കേറ്റ ഹമീദിനെ ആശുപത്രിയിൽ പ്രവേശിപ്പിച്ചു. ഇബ്രാഹീമിെൻറയും സൈനബയുടെയും മകനാണ് നാസർ. ഭാര്യ: ഹഫ്സത്ത്. രണ്ടു മക്കളുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.