എൻഡോവ്മെന്റ്, മതകാര്യ മന്ത്രാലയത്തിന്റെ ആഭിമുഖ്യത്തിൽ ഇബ്രയിലെ അൽ ശർഖിയ യൂനിവേഴ്സിറ്റിയിൽ സംഘടിപ്പിച്ച ഹിജ്റ ആഘോഷ പരിപാടി
മസ്കത്ത്: ഇസ്ലാമിക ചരിത്രത്തിലെ സുപ്രധാന സംഭവമായ മുഹമദ് നബിയുടെ ഹിജ്റ ഓർമകൾ പുതുക്കി ഒമാൻ.
എൻഡോവ്മെന്റ്, മതകാര്യ മന്ത്രാലയത്തിന്റെ ആഭിമുഖ്യത്തിൽ ഇബ്ര വിലായത്തിലെ അൽ ശർഖിയ യൂനിവേഴ്സിറ്റിയിലായിരുന്നു പരിപാടി സംഘടിപ്പിച്ചത്. മക്കയിൽനിന്ന് മദീനയിലേക്ക് (യസ്രിബ്) പ്രവാചകൻ നടത്തിയ പാലായനത്തിന്റെ പ്രാധാന്യം വിശദീകരിക്കുന്ന പ്രഭാഷണങ്ങളുൾപ്പെടെയുള്ള വ്യത്യസ്ത പരിപാടികൾ നടന്നു.
വടക്കൻ ശർഖിയ ഗവർണർ മഹമൂദ് ബിൻ യഹ്യ അൽ ദഹ്ലിയുടെ മേൽനോട്ടത്തിലായിരുന്നു പരിപാടി. എൻഡോവ്മെന്റ്, മതകാര്യ മന്ത്രാലയം അണ്ടർ സെക്രട്ടറി അഹമ്മദ് ബിൻ സാലിഹ് അൽ റാഷിദി, ഗവർണറേറ്റിലെ നിരവധി ഉദ്യോഗസ്ഥരും പൗരന്മാരും സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.