ഫലജുകൾ പുനഃസ്ഥാപിക്കുന്നതിനായുള്ള കരാറിൽ ഒപ്പുവെക്കുന്നു
മസ്കത്ത്: പരമ്പരാഗത ജലസ്രോതസ്സായ ഫലജുകൾ പുനഃസ്ഥാപിക്കുന്നതിനായി കൃഷി, ഫിഷറീസ്, ജലവിഭവ മന്ത്രാലയത്തെ പ്രതിനിധീകരിച്ച് ബുറൈമി ഗവർണറേറ്റിലെ ഡയറക്‌ടറേറ്റ് ജനറൽ ഓഫ് അഗ്രികൾച്ചർ ആൻഡ് വാട്ടർ റിസോഴ്‌സ് 24 കരാറുകളിൽ ഒപ്പുവെച്ചു. മഹ്ദ, ബുറൈമി വിലായത്തുകളിലാണ് ഫലജുകളുടെ അറ്റകുറ്റപ്പണികൾ നടത്തുക.
500,000 റിയാൽ മൂല്യമുള്ളതാണ് കരാറുകൾ. ഫലജുകൾ സംരക്ഷിക്കുന്നതിനും പ്രകൃതിദത്ത ജലസ്രോതസ്സുകൾ നിലനിർത്തുന്നതിനുമുള്ള മന്ത്രാലയത്തിന്‍റെ ശ്രമങ്ങളുടെ ഭാഗമായാണ് കരാറുകളിൽ ഒപ്പുവെച്ചതെന്ന് ബുറൈമി ഗവർണറേറ്റിലെ അഗ്രികൾച്ചർ ആൻഡ് വാട്ടർ റിസോഴ്‌സ് ഡയറക്ടർ ജനറൽ എൻജിനീയർ നാസർ അലി അൽ മർഷൂദി പറഞ്ഞു. അൽ മർഷൂദിയും പദ്ധതികൾ ഏൽപ്പിച്ച കമ്പനികളുടെ പ്രതിനിധികളുമാണ് കരാറുകളിൽ ഒപ്പുവെച്ചത്. ചടങ്ങിൽ അബുറൈമി വാലി ശൈഖ് റാഷിദ് സെയ്ദ് അൽ കൽബാനി പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.