എസ്.എം.സി എ സംഘടിപ്പിച്ച ഫുട്‌ബാള്‍ ടൂര്ണമെന്റിൽനിന്ന്
മസ്‌കത്ത്: എസ്.എം.സി എ ഫുട്‌ബാള്‍ ടൂര്‍ണമെന്റ് സീനിയര്‍ വിഭാഗത്തില്‍, എസ്.എം.സി.എ എ ടീമും ജൂനിയര്‍ വിഭാഗത്തില്‍ മാര്‍ ഗ്രിഗോറിയോസ് ഓര്ത്തഡോക്സ് മഹാ ഇടവകയും ചാമ്പ്യന്‍മാരായി. ടൂര്‍ണമെന്റില്‍ എട്ട് സീനിയര്‍ ടീമുകളും ആറ് ജൂനിയര്‍ ടീമുകളും പങ്കെടുത്തു. സീനിയേഴ്‌സ് വിഭാഗത്തില്‍ റൂവി സെന്റ് മേരീസ് ജാക്കോബൈറ്റ് സിറിയന്‍ ഓര്ത്തഡോക്സ് പള്ളിയും മസ്‌കത്ത് സെന്റ് എഫ്രേം ക്‌നാനായ പള്ളിയും യഥാക്രമം രണ്ടും മൂന്നും സ്ഥാനങ്ങള്‍ നേടി. ജൂനിയര്‍ വിഭാഗത്തില്‍ എസ്.എം.സി.എയുടെ ബി ടീം ആണ് രണ്ടാം സ്ഥാനം കരസ്ഥമാക്കിയത്. സീനിയേഴ്‌സിന്റെ സെമി ഫൈനലിലെ പെനാല്‍റ്റി ഷൂട്ട് ഔട്ടില്‍ പുറത്തായ ഗാലാ മോര്‍ത്ത്ശ്മൂനി ജാക്കോബൈറ്റ് സിറിയന്‍ ഓര്ത്തഡോക്സ് പള്ളിയുടെ ടീമിന് ഫെയര്‍ പ്ലേ അവാര്‍ഡ് ലഭിച്ചു.
ആരോണ്‍ സജീവ്, എല്‍വിന്‍, ബെന്നറ്റ് സൈമണ്‍, ഇമ്മാനുവേല്‍, സ്റ്റീവന്‍ ബിനോയ് എന്നിവരെ എമേര്‍ജിങ് കളിക്കാരായും സോജി പി. ജോണ്‍, അലന്‍ ജോണ്‍ എന്നിവരെ മികച്ച ഗോള്‍ കീപ്പര്‍മാരായും ലിന്‍സണ്‍, അലന്‍ ബിനു എന്നിവരെ മികച്ച പ്രതിരോധ താരങ്ങളായും പ്രിനു, ഇസിദോര്‍ ബിജു എന്നിവരെ മികച്ച മുന്നേറ്റ താരങ്ങളായും ബേസില്‍, അമിത് അജി എന്നിവരെ മികച്ച താരങ്ങളായും തെരഞ്ഞെടുത്തു
ജോച്ചന്‍ ഡൊമിനിക് ടൂര്‍ണമെന്റ് ഉദ്ഘാടനം ചെയ്തു. ഫാ. ജോര്‍ജി ജോണ്‍ ഫാ. ബിജു വര്‍ഗീസ് വലിക്കോടത്ത് എന്നിവര്‍ സംബന്ധിച്ചു. സമാപന ചടങ്ങില്‍ എസ്.എം.സി.എ ഡയറക്ടര്‍ ഫാ. ജോര്‍ജ് വടുക്കൂട്ട്, ഫാ. ലിജോ ജെയിംസ് എന്നിവര്‍ വിജയികള്‍ക്ക് ട്രോഫികളും അവാര്‍ഡുകളും വിതരണം ചെയ്തു.
പരിപാടി മികച്ച വിജയമാക്കിയ എല്ലാ ടീമുകള്‍ക്കും കാണികള്‍ക്കും ഫാ. ജോര്‍ജ്ജ് ഹൃദയംഗമമായ നന്ദി അറിയിച്ചു.എല്ലാ ടീമുകളെയും ടൂര്‍ണമെന്റ് ജനറല്‍ കണ്‍വീനര്‍ ഷൈന്‍ തോമസ് പ്രശംസിച്ചു. കാണികളുടെ അചഞ്ചലമായ പിന്തുണക്ക് എസ്.എം.സി.എ പ്രസിഡന്റ് മാര്‍ട്ടിന്‍ മുരിങ്ങവന നന്ദി പറഞ്ഞു. കണ്‍വീനര്‍മാരായ ജിജോ കടന്തോട്ട്, ഗോഡ് വിൻ ജോസഫ്, പ്രിന്‍സ് തോമസ്, ബിജു വര്‍ക്കി, ജോര്‍ജ്ജ് നാംപറമ്പില്‍, ടോണി സോജന്‍, ലിജീഷ് ജോസ്, ബിബിന്‍ ജേക്കബ് എന്നിവര്‍ നേതൃത്വം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.