സ്‌നേഹതീരം മസ്കത്ത് മലയാളി പ്രവാസി കൂട്ടായ്മയുടെ നേതൃത്വത്തിൽ നടന്ന ഓണാഘോഷം
മസ്കത്ത്: സ്‌നേഹതീരം മസ്കത്ത് മലയാളി പ്രവാസി കൂട്ടായ്മ ‘തുമ്പപ്പുലരി’ ഓണാഘോഷം സംഘടിപ്പിച്ചു. മഹാബലിയുടെ വരവേല്‍പിലൂടെ മസ്കത്ത് പഞ്ചവാദ്യ സംഘത്തിന്റെയും മുത്തുക്കുടകളുടെയും താലപ്പൊലിയുടെയും അകമ്പടിയോടെ അതിഥികളായ സിനിമാതാരം മനോജ് കെ. ജയനെയും ജിതീഷ്‌കുമാര്‍ മാസ്റ്ററെയും സ്‌നേഹതീരം മസ്കത്ത് നിറഞ്ഞ കരഘോഷങ്ങളോടെ ഓണാഘോഷവേദിയിലേക്ക് വരവേറ്റു. മനോജ് കെ. ജയന്‍ ഭദ്രദീപം കൊളുത്തിയതോടെ ഓണാഘോഷച്ചടങ്ങുകള്‍ക്ക് തുടക്കംകുറിച്ചു.
കൂട്ടായ്മയില്‍ ഉള്ളവരും പുറത്തുനിന്നുള്ളവരുമായ ഒട്ടനവധി പ്രവാസി മലയാളികള്‍ ആഘോഷത്തില്‍ പങ്കെടുത്തു. ആര്‍.ജെ.എസ് ഡാന്‍സ് ഇന്‍സ്റ്റിറ്റ്യൂട്ടിന്റെ പ്രകടനം ഓണാഘോഷങ്ങള്‍ക്ക് നിറംപകര്‍ന്നു. കൂട്ടായ്മയിലെ നര്‍ത്തകിമാരും ഗായകരും പങ്കെടുത്ത കുട്ടികളുടെയും മുതിര്‍ന്നവരുടെയും നിരവധി കലാപരിപാടികളും അരങ്ങേറി. തിരുവിതാകൂര്‍ മാതൃകയിലുള്ള ഒട്ടനവധി വിഭവങ്ങള്‍ ഉള്‍പ്പെടെ രുചികരമായ ഓണസദ്യയും ഒരുക്കിയിരുന്നു. ഒമാനില്‍ ചിത്രീകരണം പൂര്‍ത്തിയാക്കിയ അലു എന്റർടെയിൻസിന്റെ ഉടന്‍ റിലീസിന് ഒരുങ്ങുന്ന മെഗാ മൂവി ആയ ‘രാസ്ത’ സിനിമയുടെ പ്രമോഷനും മനോജ് കെ. ജയന്റെ സാന്നിധ്യത്തില്‍ വേദിയില്‍ നടന്നു. കുട്ടികള്‍ക്ക് ജിതീഷ് കുമാര്‍ മാസ്റ്റര്‍ സര്‍ട്ടിഫിക്കറ്റുകള്‍ വിതരണം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.