മസ്കത്ത്: രാജ്യത്തെ പിൻവലിക്കുന്ന നോട്ടുകൾ മാറ്റിയെടുക്കാനുള്ള സമയം ഡിസംബർ അവസാനത്തോടെ തീരും. രാജ്യത്ത് ഉപയോഗത്തിലുള്ള ചില നോട്ടുകൾ പിൻവലിക്കുകയാണെന്ന് സെൻട്രൽ ബാങ്ക് ഓഫ് ഒമാൻ (സി.ബി.ഒ) ജനുവരി ഏഴിനാണ് സർക്കുലർ വഴി അറിയിച്ചത്.
ഡിസംബർ അവസാനത്തിനുള്ളിൽ മാറ്റിയെടുക്കണമെന്ന് അറിയിക്കുകയും ചെയ്തിരുന്നു. ഇതിനുശേഷം ഇത്തരം നോട്ടുകളുടെ ഉപയോഗം നിയമവിരുദ്ധമായി കണക്കാക്കും.
2020ന് മുമ്പ് സി.ബി.ഒ പുറത്തിറക്കിയ കറൻസികളിൽ ചിലതാണ് അധികൃതർ പിൻവലിക്കുന്നത്. എന്നാൽ, പിൻവലിക്കുന്ന നോട്ടുകൾ ഉപയോഗിച്ച് നിശ്ചയിച്ച കാലാവധി വരെ ഇടപാടുകൾ നടത്തുന്നതിന് തടസ്സമുണ്ടാകില്ല. വാണിജ്യ സ്ഥാപനങ്ങളിൽനിന്നും മറ്റും സാധനങ്ങൾ വാങ്ങുന്നതിനും ഉപയോഗിക്കാം.
ഔദ്യോഗിക ബാങ്കുകളിൽനിന്നും പണമിടപാട് സ്ഥാപനങ്ങളിൽനിന്നും നോട്ടുകൾ മാറ്റിയെടുക്കാവുന്നതാണ്. നോട്ടുകൾ പിൻവലിക്കാനുള്ള സമയപരിധി അടുത്തതോടെ ചില സ്ഥാപനങ്ങൾ ഇത്തരം നോട്ടുകൾ സ്വീകരിക്കുന്നില്ലെന്ന് പരാതിയുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.