ദോഹ: ഞായറാഴ്ച മുതൽ കുതിച്ചുയർന്ന വേനൽച്ചൂട് ബുധൻ, വ്യാഴം ദിവസങ്ങളിൽ 49 ഡിഗ്രി സെൽഷ്യസിലെത്തുമെന്ന് ഖത്തർ കാലാവസ്ഥ വിഭാഗം അറിയിച്ചു. തിങ്കളാഴ്ച പുറത്തുവിട്ട കാലാവസ്ഥ റിപ്പോർട്ട് പ്രകാരം ഈയാഴ്ചയിലെ വരുംദിനങ്ങളിൽ ചൂട് വർധിക്കും. ബുധനാഴ്ച 43-47 ഡിഗ്രി സെൽഷ്യസിലേക്കും വ്യാഴാഴ്ച 47-49 ഡിഗ്രി സെൽഷ്യസിലേക്കും അന്തരീക്ഷ താപനില ഉയരും. സമീപകാലത്ത് ഖത്തറിലെ ഏറ്റവും ഉയർന്ന താപനില കൂടിയാണിത്.
ചൂടും ഹുമിഡിറ്റിയും വർധിക്കുന്നതിന്റെ അടയാളമായ അൽഹന നക്ഷത്രം ഞായറാഴ്ച ഉദിച്ചുയർന്നതായി കാലാവസ്ഥ വിഭാഗം നേരേത്ത അറിയിച്ചിരുന്നു. ഇതിന്റെ തുടർച്ചയായി 13 ദിവസങ്ങളിൽ ക്രമാനുഗതമായി വർധിക്കുമെന്നും അറിയിച്ചു. 47 ഡിഗ്രിയായിരുന്നു തിങ്കളാഴ്ച ദോഹയിൽ രേഖപ്പെടുത്തിയ താപനില.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.