ഖത്തർ കെ.എം.സി.സി നാദാപുരം മണ്ഡലം കമ്മിറ്റി ആനാണ്ടി മൊയ്തു ഹാജി, മുഹമ്മദ് അസ്ലം അനുസ്മരണം സംസ്ഥാന പ്രസിഡന്റ് ഡോ. അബ്ദുസ്സമദ് ഉദ്ഘാടനം ചെയ്യുന്നു
ദോഹ: കെ.എം.സി.സി ഖത്തർ സ്ഥാപക നേതാക്കളിലൊരാളായ ആനാണ്ടി മൊയ്തു ഹാജി, തൂണേരിയിൽ കൊല്ലപ്പെട്ട മുഹമ്മദ് അസ്ലം എന്നിവരുടെ അനുസ്മരണ ചടങ്ങ് കെ.എം.സി.സി ഖത്തർ നാദാപുരം മണ്ഡലം കമ്മിറ്റിയുടെ ആഭിമുഖ്യത്തിൽ സംഘടിപ്പിച്ചു. കെ.എം.സി.സി ഖത്തർ ഹാളിൽ നടന്ന ചടങ്ങ് സംസ്ഥാന പ്രസിഡന്റ് ഡോ. അബ്ദുസ്സമദ് ഉദ്ഘാടനം ചെയ്തു. എസ്.എ.എം ബഷീർ ആനാണ്ടി അനുസ്മരണവും ശുഐബ് തൂണേരി അസ്ലം അനുസ്മരണ പ്രഭാഷണവും നടത്തി. ഉബൈദ് സി.കെ അധ്യക്ഷത വഹിച്ചു. പി.വി. മുഹമ്മദ് മൗലവി പ്രാർഥന നടത്തി. കെ.കെ. ബഷീർ പ്രസംഗിച്ചു. സ്നേഹ സുരക്ഷ സ്കീം വിശദീകരണം നൗഷാദ് കാഞ്ഞായി നിർവഹിച്ചു.
ടി.ടി.കെ ബഷീർ, അലി മുറയൂർ, സൽമാൻ എളയടം, ഷംസുദ്ദീൻ വാണിമേൽ, മുജീബ് ദേവർകോവിൽ, ഫിർദൗസ് മണിയൂർ, ജാഫർ തയ്യിൽ, പി.എ തലായി, കെ.ടി.കെ. മുഹമ്മദ് ഹാജി എന്നിവർ സംബന്ധിച്ചു. ലത്തീഫ് പാതിരിപ്പറ്റ സ്വാഗതവും സൈഫുദ്ദീൻ കാവിലുംപാറ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.