ബഹ്റൈൻ മലേഷ്യ മത്സരത്തിൽ നിന്ന്
ദോഹ: ഏഷ്യൻ കപ്പിൽ ശനിയാഴ്ച വൈകുന്നേരം നടന്ന മത്സരത്തിൽ ബഹ്റൈന് ജയം. ഗ്രൂപ് ‘ഇ’യിൽ മലേഷ്യയെ ഏകപക്ഷീയമായ ഒരു ഗോളിന് വീഴ്ത്തിയാണ് ബഹ്റൈൻ ആദ്യ ജയവുമായി വിലപ്പെട്ട മൂന്നു പോയൻറ് സ്വന്തമാക്കിയത്. ലോങ് വിസിൽ മുഴങ്ങാനിരിക്കെ ആറാം മിനിറ്റിൽ അലി ജാഫർ മുഹദ്ദ് നേടിയ ഗോളായിരുന്നു വിജയമൊരുക്കിയത്. ആദ്യ കളിയിൽ ദക്ഷിണ കൊറിയയോട് തോറ്റ ബഹ്റൈൻ രണ്ടാം അങ്കത്തിൽ നേടിയ ജയത്തോടെ പ്രീക്വാർട്ടർ പ്രതീക്ഷക്ക് തിളക്കം നൽകി.
സൗദിക്ക് ഇന്ന് രണ്ടാം അങ്കം
ഏഷ്യൻ കപ്പിൽ ആദ്യമത്സരത്തിൽ ഒമാനെ വീഴ്ത്തിയ സൗദി ഞായറാഴ്ച രണ്ടാം മത്സരത്തിൽ കിർഗിസ്താനെതിരെ ബൂട്ടുകെട്ടും. അഹമ്മദ് ബിൻ അലി സ്റ്റേഡിയത്തിൽ രാത്രി 8.30 മുതലാണ് മത്സരം. മറ്റൊരു കളിയിൽ ഒമാൻ തായ്ലൻഡിനെ നേരിടും. ഖലീഫ സ്റ്റേഡിയത്തിൽ 5.30നാണ് മത്സരം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.