സ്​കൂളുകളിലെ പ്രതിരോധ പ്രവർത്തനങ്ങൾ വിജയകരം

സ്​കൂൾ തുറന്ന ആദ്യ ദിവസങ്ങളിൽ സ്ഥിരീകരിക്കപ്പെട്ട അധിക കേസുകളും പുറത്തുനിന്ന്​ വന്നത്​

ദോഹ: രാജ്യത്തെ സ്​കൂളുകളിൽ നടപ്പാക്കിയ കോവിഡ്-19 പ്രതിരോധ പ്രവർത്തനങ്ങൾ വിജയകരമായിരു​െന്നന്ന് ഹമദ് ജനറൽ ആശുപത്രി മെഡിക്കൽ ഡയറക്ടർ ഡോ. യൂസുഫ് അൽ മസ്​ലമാനി പറഞ്ഞു.

സ്​കൂൾ തുറന്ന ആദ്യ ദിവസങ്ങളിൽ സ്ഥിരീകരിക്കപ്പെട്ട അധിക കേസുകളും പുറത്തുനിന്നും വന്നതാകാനാണ് സാധ്യത. ഖത്തർ ടി.വിക്ക് നൽകിയ അഭിമുഖത്തിലാണ്​ ഡോ. അൽ മസ്​ലമാനി ഇക്കാര്യങ്ങൾ പറഞ്ഞത്​. വളരെ കുറച്ച് പോസിറ്റിവ് കേസുകളേ സ്​കൂളുകളിൽനിന്ന്​ ഉണ്ടായിട്ടുള്ളൂ. കൃത്യസമയത്ത് അതിനെതിരെ ഉചിത നടപടികൾ സ്വീകരിക്കാനായി. സ്​കൂളുകളിൽ നടപ്പാക്കിയ പ്രതിരോധ നടപടികൾ രോഗവ്യാപനം തടയുന്നതിൽ മുഖ്യപങ്ക് വഹി​െച്ചന്നും അദ്ദേഹം വ്യക്തമാക്കി.

വിദ്യാർഥികളുടെ സുരക്ഷയാണ് ഏറ്റവും പ്രധാനപ്പെട്ടത്​. അധ്യയന വർഷത്തിലുടനീളം വിദ്യാർഥികളുടെ സുരക്ഷക്ക് വലിയ പ്രാമുഖ്യം നൽകും. വളരെ അസാധാരണ സാഹചര്യമാണ് കോവിഡ്-19 കാരണം രൂപപ്പെട്ടിരിക്കുന്നതെന്നും അദ്ദേഹം വിശദീകരിച്ചു.

സ്​കൂളുകളിലെ കോവിഡ് പ്രതിരോധ പ്രവർത്തനങ്ങളുമായി ബന്ധപ്പെട്ട് വിദ്യാർഥികളുടെ സുരക്ഷ ഉറപ്പാക്കുന്നതിന് പൊതുജനാരോഗ്യ മന്ത്രാലയവും വിദ്യാഭ്യാസ ഉന്നത വിദ്യാഭ്യാസ മന്ത്രാലയവും ഏറെ സഹകരിച്ചാണ് പ്രവർത്തിക്കുന്നത്​. വിദ്യാർഥികൾ സ്​കൂൾ ബസുകളിൽ കയറുന്നത് മുതൽ പ്രവൃത്തിദിവസം അവസാനിച്ച് വിദ്യാർഥികൾ മടങ്ങുന്നതു വരെ അധികൃതർ ജാഗ്രതയിലാണ്​. വിദ്യാർഥികൾക്കിടയിൽ രോഗബാധയെ തടയുന്നതിൽ ഇത് ഏറെ സഹായി​െച്ചന്നും അദ്ദേഹം പറഞ്ഞു.

പൊതുജനാരോഗ്യ മന്ത്രാലയവുമായി ചേർന്ന് വിദ്യാഭ്യാസ മന്ത്രാലയം നടപ്പാക്കിയ പ്രതിരോധ പ്രവർത്തനങ്ങൾ വിജയകരമായിരു​െന്നന്ന്് വിദ്യാഭ്യാസ മന്ത്രാലയം ആരോഗ്യ സുരക്ഷാ വിഭാഗം മേധാവി മുഹമ്മദ് അബ്​ദുല്ല അൽ മറാഗി പറഞ്ഞു. സ്​കൂളുകളിൽ നടപ്പാക്കിയ കോവിഡ്-19 േപ്രാട്ടോകോൾ പാലിക്കുന്നുണ്ടെന്ന് ഉറപ്പുവരുത്തുന്നതിന് രാജ്യത്തെ സ്വകാര്യ, പൊതു സ്​കൂളുകളിൽ മിന്നൽ പരിശോധനകൾ നടത്തുന്നുണ്ട്​. എന്തിനും സന്നദ്ധരായ മികച്ച ടീം ഇതിനു പിന്നിൽ പ്രവർത്തിക്കുന്നുണ്ടെന്നും അൽ മറാഗി ഖത്തർ ടി.വിക്ക് നൽകിയ അഭിമുഖത്തിൽ വ്യക്തമാക്കി.

കഴിഞ്ഞ സെപ്​റ്റംബർ ഒന്നുമുതലാണ്​ രാജ്യത്തെ സ്​കൂളുകൾ വീണ്ടുംതുറന്നുപ്രവർത്തിച്ചത്​.

എന്നാൽ, കോവിഡ്​ ഭീഷണി പൂർണമായും ഇല്ലാതാകുന്നതിന്​ മു​േമ്പ സ്​കൂളുകൾ തുറക്കുന്നതിനെതിരെ രക്ഷിതാക്കൾക്ക്​ എതിർപ്പുണ്ടായിരുന്നു. സ്​കൂൾ തുറന്ന്​ ആദ്യആഴ്​ചക്കുള്ളിൽതന്നെ വിവിധ സ്​കൂളുകളിൽ കോവിഡ്​ സ്ഥിരീകരിക്കുകയായിരുന്നു. ഇതിനെ തുടർന്ന്​ ചില സ്​കൂളുകളിലെ ചില ക്ലാസ്​ റൂമുകൾ താൽക്കാലികമായി പൂട്ടിയിരുന്നു.

ഇതോടെയാണ്​ തങ്ങളുടെ കുട്ടികൾക്ക്​ ഓൺ​ൈലൻ ക്ലാസ്​ മാത്രം മതിയോ അതോ ക്ലാസ്​ റൂം പഠനം വേണോയെന്ന്​ രക്ഷിതാക്കൾക്ക്​ തീരുമാനിക്കാനുള്ള അവകാശം മന്ത്രാലയം നൽകിയത്​. ഇൗ തീരുമാനം​ അന്തിമമായിരിക്കുമെന്നും അത്​ പിന്നീട്​ 2020^21 അധ്യയനവർഷത്തി​െൻറ ആദ്യ സെമസ്​റ്ററിൽ തിരുത്താൻ സാധ്യമല്ലെന്നും മന്ത്രാലയം അറിയിച്ചിരുന്നു.

സ്​കൂളിലെത്തിയുള്ള പഠനം ദുഷ്കരമായ ആരോഗ്യപ്രശ്​നങ്ങളുള്ള വിദ്യാർഥികൾ ക്ലാസുകളിൽ നേരി​ട്ടെത്തേണ്ടതുമില്ല.

2020-21 അധ്യായന വർഷത്തിലേക്ക് സ്​കൂൾ തുറക്കുന്നതിെൻറ ഭാഗമായി ആദ്യത്തെ രണ്ടാഴ്ച വിദ്യാർഥികൾക്ക് മന്ത്രാലയം േഗ്രസ്​ പീരിയഡ് നൽകിയിരുന്നതിനാൽ ഹാജർ അടയാളപ്പെടുത്തിയിരുന്നില്ല.

പിന്നീട്​ എല്ലാ വിദ്യാർഥികൾക്കും ഹാജർ രേഖപ്പെടുത്താനും തുടങ്ങിയിരുന്നു. എന്നാൽ നവംബർ ഒന്നുമുതൽ എല്ലാ സ്​കൂളുകളിലും റെ​ാട്ടേഷൻ പഠനസ​മ്പ്രദായം നടപ്പാക്കാനാണ്​ ഇപ്പോൾ തീരുമാനിച്ചിരിക്കുന്നത്​.