പ്ര​വാ​സ​ത്തി​ൽ സ്നേ​ഹ​പ്പെ​രു​ന്നാ​ൾ

ദോ​ഹ: വ്ര​ത​വി​ശു​ദ്ധി​യു​ടെ 29 ദി​ന​ങ്ങ​ൾ​ക്കു ശേ​ഷം, പെ​രു​ന്നാ​ൾ ആ​ഘോ​ഷ നി​റ​വി​ൽ ഖ​ത്ത​റി​ലെ സ്വ​ദേ​ശി​ക​ളും പ്ര​വാ​സി​ക​ളും ഉ​ൾ​പ്പെ​ടെ വി​ശ്വാ​സി സ​മൂ​ഹം. ഗ​സ്സ​യി​ൽ ഇ​സ്രാ​യേ​ൽ അ​ധി​നി​വേ​ശ സേ​ന​യു​ടെ വം​ശീ​യ ഉ​ന്മൂ​ല​ന​ത്തി​ന് ഇ​ര​യാ​വു​ന്ന ഫ​ല​സ്തീ​നി​ക​ൾ​ക്കാ​യി മ​ന​മു​രു​കി പ്രാ​ർ​ഥി​ച്ചും, റ​മ​ദാ​നി​ൽ നേ​ടി​യെ​ടു​ത്ത ആ​ത്മീ​യ ചൈ​ത​ന്യം ജീ​വി​ത​ത്തി​ൽ നി​ല​നി​ർ​ത്താ​ൻ ആ​ഹ്വാ​നം ചെ​യ്തും പ​ള്ളി​ക​ളി​ലും ഈ​ദ്ഗാ​ഹു​ക​ളി​ലു​മാ​യി ന​ട​ന്ന പെ​രു​ന്നാ​ൾ ന​മ​സ്കാ​ര​ങ്ങ​ളി​ൽ ജ​ന​ല​ക്ഷ​ങ്ങ​ൾ ഒ​ത്തു​ചേ​ർ​ന്നു. രാ​വി​ലെ 5.43നാ​യി​രു​ന്നു ഖ​ത്ത​റി​ലു​ട​നീ​ളം പെ​രു​ന്നാ​ൾ ന​മ​സ്കാ​ര​ങ്ങ​ൾ ആ​രം​ഭി​ച്ച​ത്. 

വുകൈർ വലിയ പള്ളിയിൽ ഈദ് നമസ്കാരത്തിനെത്തിയവരുടെ നിര പള്ളിയും നിറഞ്ഞ് പുറത്തേക്ക് നീണ്ടപ്പോൾ -ചിത്രം: നാസർ ആലുവ 

പ്രാ​ർ​ഥ​നാ കേ​ന്ദ്ര​ങ്ങ​ൾ ല​ക്ഷ്യം​വെ​ച്ച് അ​തി​രാ​വി​ലെ ത​ന്നെ ജ​ന​ങ്ങ​ൾ പു​റ​ത്തി​റ​ങ്ങി​യ​പ്പോ​ൾ, കു​റ്റ​മ​റ്റ ഗ​താ​ഗ​ത ക്ര​മീ​ക​ര​ണ​ങ്ങ​ളു​മാ​യി അ​ധി​കൃ​ത​ർ യാ​ത്രാ സൗ​ക​ര്യ​വു​മൊ​രു​ക്കി. ത​ല​സ്ഥാ​ന ന​ഗ​രി​യാ​യ ദോ​ഹ​യി​ലും ന​ഗ​ര​ത്തി​ന് പു​റ​ത്തും വി​ദൂ​ര സ്ഥ​ല​ങ്ങ​ളി​ലു​മാ​യി 730ഓ​ളം സ്ഥ​ല​ങ്ങ​ളി​ൽ ഈ​ദ് ന​മ​സ്കാ​ര സൗ​ക​ര്യം ഒ​രു​ക്കി​യ​താ​യാ​ണ് റി​പ്പോ​ർ​ട്ട്.

നേ​ര​ത്തെ പ​ള്ളി​ക​ളും ഈ​ദ് ഗാ​ഹും ഉ​ൾ​പ്പെ​ടെ 690 ഇ​ട​ങ്ങ​ളെ​ന്നാ​യി​രു​ന്നു ഔ​ഖാ​ഫ് അ​റി​യി​ച്ച​തെ​ങ്കി​ലും ജ​ന​ത്തി​ര​ക്ക് പ​രി​ഗ​ണി​ച്ച് കൂ​ടു​ത​ൽ ഇ​ട​ങ്ങ​ളി​ൽ ന​മ​സ്കാ​രം ന​ട​ന്നു. പെ​രു​ന്നാ​ൾ ന​മ​സ്കാ​ര​ത്തി​നു ശേ​ഷം ന​ട​ന്ന പ്ര​ഭാ​ഷ​ണ​ങ്ങ​ളി​ൽ എ​ല്ലാ​യി​ട​ങ്ങ​ളി​ലും ഇ​മാ​മു​മാ​ർ ഫ​ല​സ്തീ​നി​ക​ളു​ടെ സ​ഹ​ന​വും ജീ​വി​ത​വും ഓ​ർ​മി​ച്ചു​കൊ​ണ്ട് ഉ​ത്ബോ​ധി​പ്പി​ച്ചു. അ​വ​ർ​ക്കു​വേ​ണ്ടി പ്രാ​ർ​ഥ​ന​ക​ളും ന​ട​ന്നു. പ്ര​ധാ​ന ന​മ​സ്കാ​ര കേ​ന്ദ്ര​ങ്ങ​ളാ​യ ഇ​മം മു​ഹ​മ്മ​ദ് ബി​ൻ അ​ബ്ദു​ൽ​വ​ഹാ​ബ് മ​സ്ജി​ദ്, ദോ​ഹ​യി​ലെ അ​ൽ അ​റ​ബി സ്റ്റേ​ഡി​യം, അ​ലി ബി​ൻ അ​ലി പ​ള്ളി, ലു​ലു ഹൈ​പ്പ​ർ​മാ​ർ​ക്ക​റ്റ് പാ​ർ​ക്കി​ങ് ഗ്രൗ​ണ്ട്, എ​ജു​ക്കേ​ഷ​ൻ സി​റ്റി സ്റ്റേ​ഡി​യം, മു​ശൈ​രി​ബ് ഡൗ​ൺ​ടൗ​ൺ, അ​ൽ വു​കൈ​ർ, അ​ൽ വ​ക്റ തു​ട​ങ്ങി​യ കേ​ന്ദ്ര​ങ്ങ​ളി​ലെ ഈ​ദ് ന​മ​സ്കാ​ര​ങ്ങ​ൾ ജ​ന​ബാ​ഹു​ല്യം​കൊ​ണ്ട് ശ്ര​ദ്ധേ​യ​മാ​യി. 

വി​വി​ധ ഇ​ട​ങ്ങ​ളി​ൽ ശൈ​ഖ് അ​ബ്ദു​ല്ലാ​ഹ് ബി​ൻ സ​യ്ദ് ആ​ൽ മ​ഹ്മൂ​ദ് ഇ​സ് ലാ​മി​ക് ക​ൾ​ച​റ​ൽ സെ​ന്റ​ർ ആ​ഭി​മു​ഖ്യ​ത്തി​ൽ പെ​രു​ന്നാ​ൾ ഖു​തു​ബ​യു​ടെ മ​ല​യാ​ള പ​രി​ഭാ​ഷ​യും നി​ർ​വ​ഹി​ച്ചു. വു​കൈ​ർ മ​സ്ജി​ദ് ശൈ​ഖ് അ​ബ്ദു​റ​ഹ്മാ​ൻ ആ​ൽ​ഥാ​നി​യി​ൽ കെ.​ടി മു​ബാ​റ​ക്, അ​ബു​ഹ​മൂ​ർ ജാ​സിം ദ​ർ​വി​ഷ് ഈ​ദ്ഗാ​ഹി​ൽ അ​നൂ​പ് ഹ​സ​ൻ, അ​ൽ​ഖോ​ർ ലു​ലു ഈ​ദ്ഗാ​ഹി​ൽ ജം​ഷീ​ദ് ഇ​ബ്രാ​ഹിം, അ​ൽ അ​റ​ബി സ്റ്റേ​ഡി​യ​ത്തി​ൽ പി.​പി റ​ഹീം, ഡി ​റി​ങ് റോ​ഡ് ലു​ലു ഹൈ​പ്പ​ർ​മാ​ർ​ക്ക​റ്റ് പാ​ർ​ക്കി​ങ് ഗ്രൗ​ണ്ടി​ലെ ഈ​ദ് ഗാ​ഹി​ൽ ഹാ​ഫി​ദ് അ​സ്‍ലം, മു​ൻ​ത​സ പാ​ർ​ക്കി​നോ​ട് ചേ​ർ​ന്നു​ള്ള അ​ബൂ​ബ​ക്ക​ർ സി​ദ്ദീ​സ് സ്കൂ​ളി​ന് സ​മീ​പ​ത്തെ മ​സ്ജി​ദി​ൽ ഉ​മ​ർ ഫൈ​സി എ​ന്നി​വ​ർ പെ​രു​ന്നാ​ൾ ഖു​തു​ബ​യു​ടെ പ​രി​ഭാ​ഷ നി​ർ​വ​ഹി​ച്ചു.

ല​ഹ​രി​ക്കെ​തി​രാ​യ സാ​മൂ​ഹി​ക ബോ​ധ​വ​ത്ക​ര​ണ​വും കു​ടും​ബ​ങ്ങ​ളി​ലെ ര​ക്ഷി​താ​ക്ക​ളു​ടെ ഉ​ത്ത​ര​വാ​ദി​ത്ത​വും വി​വി​ധ ഇ​മാ​മു​മാ​ർ ഉ​ത്ബോ​ധി​പ്പി​ച്ചു.

സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ ഈ​ദ് ന​മ​സ്കാ​ര സ്ഥ​ല​ങ്ങ​ളി​ലെ​ത്തി​യ പ്ര​വാ​സി​ക​ൾ പ​ര​സ്പ​രം സ്നേ​ഹം പ​ങ്കി​ട്ടും ഈ​ദാ​ശം​സ​ക​ൾ കൈ​മാ​റി​യു​മാ​ണ് മ​ട​ങ്ങി​യ​ത്. 

പ​തി​നാ​യി​ര​ങ്ങ​ളെ​ത്തി എ​ജു​ക്കേ​ഷ​ൻ സി​റ്റി സ്റ്റേ​ഡി​യം

ദോ​ഹ: തു​ട​ർ​ച്ച​യാ​യി മൂ​ന്നാം വ​ർ​ഷ​വും ഈ​ദ് ഗാ​ഹ് വേ​ദി​യാ​യ എ​ജു​ക്കേ​ഷ​ൻ സി​റ്റി സ്റ്റേ​ഡി​യ​ത്തി​ൽ പ​തി​നാ​യി​ര​ങ്ങ​ളെ​ത്തി. ഇ​സ്‍ലാ​മി​ക മ​ത​കാ​ര്യ മ​ന്ത്രാ​ല​യം ഔ​ഖാ​ഫ്, എ​ജു​ക്കേ​ഷ​ൻ സി​റ്റി പ​ള്ള​യാ​യ മി​നാ​ര​തൈ​ൻ എ​ന്നി​വ​രു​ടെ​യും നേ​തൃ​ത്വ​ത്തി​ലാ​ണ് ഖ​ത്ത​ർ ഫൗ​ണ്ടേ​ഷ​നി​ലെ സ്റ്റേ​ഡി​യ​ത്തി​ൽ ഈ​ദ് ന​മ​സ്കാ​ര​വും വി​നോ​ദ പ​രി​പാ​ടി​ക​ളും ന​ട​ന്ന​ത്. അ​ഹ​മ്മ​ദ് അ​ൽ ദോ​സ​രി ഈ​ദ് ന​മ​സ്കാ​ര​ത്തി​ന് നേ​തൃ​ത്വം ന​ൽ​കി. സ്വ​ദേ​ശി​ക​ളും പ്ര​വാ​സി​ക​ളും ഉ​ൾ​പ്പെ​ടെ ന​മ​സ്കാ​ര​ത്തി​ൽ പ​​ങ്കു​ചേ​ർ​ന്നു. 

റ​മ​ദാ​ൻ വ്ര​ത​ത്തി​നു പി​ന്നാ​ലെ വി​ശ്വാ​സി​ക​ളു​ടെ ഐ​ക്യ​ത്തി​ന്റെ കൂ​ടി പ്ര​തീ​ക​മാ​യാ​ണ് എ​ജു​ക്കേ​ഷ​ൻ സി​റ്റി​യി​ലെ ന​മ​സ്കാ​ര സൗ​ക​ര്യ​മെ​ന്ന് മി​നാ​ര​തൈ​ൻ പ്രോ​ജ​ക്ട് മാ​നേ​ജ​ർ വാ​സി​ഫ് അ​ലി ഖാ​ൻ പ​റ​ഞ്ഞു.

ന​മ​സ്കാ​ര ശേ​ഷം കു​ട്ടി​ക​ൾ​ക്കും കു​ടും​ബ​ങ്ങ​ൾ​ക്കു​മാ​യി വി​വി​ധ വി​നോ​ദ പ​രി​പാ​ടി​ക​ളും ഒ​രു​ക്കി​യി​രു​ന്നു.