പുതുതായി അധികാരമേറ്റ ഇന്‍കാസ് ഖത്തര്‍ വനിത വിങ് കമ്മിറ്റി അംഗങ്ങള്‍ സെന്‍ട്രല്‍ കമ്മിറ്റി നേതാക്കള്‍ക്കൊപ്പം
ദോഹ: ഇന്‍കാസ് ഖത്തര്‍ സെന്‍ട്രല്‍ കമ്മിറ്റിയുടെ കീഴില്‍ വനിത വിങ് രൂപവത്കരിച്ചു. ഐ.സി.സി മുംബൈ ഹാളില്‍ ചേര്‍ന്ന രൂപവത്കരണ കണ്‍വെന്‍ഷന്‍ ഇന്‍കാസ് അഡ്വൈസറി ബോര്‍ഡ് ചെയര്‍മാന്‍ ജോപ്പച്ചന്‍ തെക്കെകൂറ്റ് ഉദ്ഘാടനം ചെയ്തു.
സിനില്‍ ജോര്‍ജിന്‍റെ നേതൃത്വത്തില്‍ നടന്ന കണ്‍വെന്‍ഷനില്‍ ഐ.സി.സി പ്രസിഡന്‍റ് എ.പി മണികണ്ഠന്‍ മുഖ്യ പ്രഭാഷണം നടത്തി.
ഇന്‍കാസ് വനിത വിങ് നാഷനല്‍ കമ്മിറ്റി അഡ്ഹോക് കമ്മിറ്റിയുടെ ചീഫ് പാട്രണ്‍ ആയി അഞ്ജന മേനോനെയും ജനറല്‍ കണ്‍വീനറായി സിനില്‍ ജോര്‍ജിനെയും തിരഞ്ഞടുത്തു. 25 അംഗ കോഓഡിനേറ്റിങ് കമ്മിറ്റിയും സെറിന അഹദ്, ജിഷ ജോര്‍ജ്, അഡ്വ. മഞ്ജുഷ ശ്രീജിത്, ഷീജ ഷാനവാസ് എന്നിവര‍‍ടങ്ങിയ അഡ്വൈസറി ബോര്‍ഡും നിലവില്‍ വന്നു.
ഇന്‍കാസ് സെന്‍ട്രല്‍ കമ്മിറ്റി പ്രസിഡന്‍റ് ഹൈദര്‍ ചുങ്ങങ്കത്തറ അധികാര കൈമാറ്റം നിർവഹിച്ചു.
ഐ.സി.സി സെക്രട്ടറി അബ്രഹാം കെ. ജോസഫ്, ഇന്‍കാസ് സെന്‍ട്രല്‍ കമ്മിറ്റി ഭാരവാഹികളായ ബഷീര്‍ തുവാരിക്കല്‍, വി.എസ്. അബ്ദുറഹ്മാന്‍, അബ്ദുല്‍ മജീദ് പാലക്കാട്, ഈപ്പന്‍ തോമസ്, സര്‍ജിത് കുട്ടം പറമ്പത്ത്, ആന്‍റണി ജോണ്‍, പി.കെ റഷീദ്, ജെറ്റി ആഷ തുടങ്ങിയവര്‍ സംബന്ധിച്ചു. ജിഷ ജോര്‍ജ് നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.