ദോഹ: ഇതിഹാസങ്ങൾ കളത്തിലിറങ്ങുന്ന റയൽ മാഡ്രിഡ്-ബാഴ്‌സലോണ സ്‌പെഷൽ ലെജൻഡ്സ് എൽ ക്ലാസിക്കോ മത്സരത്തിനായി പ്രത്യേക യാത്ര പാക്കേജ് അവതരിപ്പിച്ച് ഖത്തർ എയർവേസ് ഹോളിഡേയ്‌സ്.ഖലീഫ രാജ്യാന്തര സ്റ്റേഡിയത്തിൽ നവംബർ 28ന് നടക്കുന്ന ലെജൻഡ്സ് എൽ ക്ലാസിക്കോ മത്സരത്തിനായി ഖത്തർ ടൂറിസവുമായി സഹകരിച്ചാണ് ഖത്തർ എയർവേസ് യാത്ര പാക്കേജുകൾ അവതരിപ്പിക്കുന്നത്.
റിട്ടേൺ ൈഫ്ലറ്റുകൾ, താമസം, മത്സര ടിക്കറ്റുകൾ എന്നിവ ഉൾപ്പെടുന്ന പാക്കേജുകളിൽ ആഗോള ആരാധകർക്ക് ദോഹയിലേക്ക് യാത്ര ചെയ്യാനും സ്‌പെയിനിലെ ഏറ്റവും വലിയ കായിക മത്സരമായ എൽ ക്ലാസിക്കോയുടെ വിവിധ കാലഘട്ടങ്ങളിലെ ഇതിഹാസങ്ങൾ കാണാനും കഴിയും.
qatarairways.com/elclasico എന്ന പോർട്ടലിലാണ് പാക്കേജുകൾ അവതരിപ്പിച്ചിരിക്കുന്നത്.
ഫുട്‌ബാൾ ചരിത്രത്തിലെ ഏറ്റവും മികച്ച താരങ്ങളെയാണ് എൽ ക്ലാസിക്കോ അവതരിപ്പിച്ചിരിക്കുന്നതെന്നും ഖത്തർ ടൂറിസവുമായി സഹകരിച്ച് റയൽ, ബാഴ്‌സലോണ ടീമുകളുടെ ഇതിഹാസങ്ങൾ പന്തുതട്ടുന്ന സ്‌പെഷൽ ലെജൻഡ്സ് എൽ ക്ലാസിക്കോ മത്സരം ദോഹയിൽ സംഘടിപ്പിക്കുന്നതിൽ ഏറെ സന്തുഷ്ടരാണെന്നും ഖത്തർ എയർവേസ് ഹോളിഡേസ്, ഡിസ്‌കവർ ഖത്തർ സീനിയർ വൈസ് പ്രസിഡന്റ് സ്റ്റീവൻ റെയ്‌നോൾഡ് പറഞ്ഞു.
ഫോർമുല വൺ ഖത്തർ എയർവേസ് ഖത്തർ ഗ്രാൻഡ് പ്രിക്‌സ് 2024 നടക്കുന്ന അതേ ആഴ്ചയിലാണ് ലെജൻഡ്സ് എൽ ക്ലാസികോ മത്സരവും നടക്കാനിരിക്കുന്നത്. നവംബർ 29 മുതൽ ഡിസംബർ ഒന്നു വരെ ലുസൈൽ ഇൻറർനാഷനൽ സർക്യൂട്ടിലാണ് ഫോർമുല വൺ നടക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.