പി.സി.ഡബ്ല്യു.എഫ് വനിത കമ്മിറ്റി നേതൃത്വത്തിൽ നടത്തിയ രക്തദാന ക്യാമ്പിൽ പങ്കെടുത്തവർ
ദോഹ: പൊന്നാനി കൾചറൽ വേൾഡ് ഫൗണ്ടേഷൻ ഖത്തർ വനിത കമ്മിറ്റി ഹമദ് ഹോസ്പിറ്റൽ, ഷൈൻ ടുഗെതർ, ടോസ്റ്റ് മാസ്റ്റേഴ്സ് ക്ലബ് എന്നിവരുമായി സഹകരിച്ച് രക്തദാന ക്യാമ്പ് സംഘടിപ്പിച്ചു. ഹമദ് ഹോസ്പിറ്റൽ ബ്ലഡ് ഡോണർ സെന്‍ററിൽ നടന്ന ക്യാമ്പിൽ സ്വദേശി പൗരൻ ഉൾപ്പെടെ നിരവധി പേര് പങ്കെടുത്തു. ഖത്തർ വനിത കമ്മിറ്റി നേതാക്കളായ ഷൈനി കബീർ, സഫിയ ഗഫൂർ, റസിയ, ഷാഹിന ഖലീൽ എന്നിവർ പരിപാടിക്ക് നേതൃത്വം നൽകി. ഖത്തർ പി.സി.ഡബ്ല്യൂ.എഫ് ഭാരവാഹികളായ ബിജേഷ് കൈപ്പട, ഖലീൽ റഹ്മാൻ, ശരീഫ്, ബാദുഷ എന്നിവർ സന്നിഹിതരായിരുന്നു. പരിപാടിയുടെ സംഘാടന മികവിനെ ഹമദ് ടീം പ്രശംസിച്ചു. ചടങ്ങിനു ശേഷം ഹമദ് ഹോസ്പിറ്റലിന്‍റെ പ്രശംസ പത്രം പി.സി.ഡബ്ല്യു.എഫ് പ്രതിനിധികൾ ഏറ്റുവാങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.