കെ.എം.സി.സി സൗദി നാഷനൽ കമ്മിറ്റി പ്രസിഡൻറ് കെ.പി. മുഹമ്മദ് കുട്ടിക്ക് ജിദ്ദ കിങ് അബ്ദുൽ അസീസ് ഇൻറർനാഷനൽ വിമാനത്താവളത്തിൽ സ്വീകരണം നൽകിയപ്പോൾ
ജിദ്ദ: തിരൂരങ്ങാടി മുനിസിപ്പൽ ചെയർമാനായി തെരഞ്ഞെടുത്തതിന് ശേഷം ആദ്യമായി സൗദിയിലെത്തിയ കെ.എം.സി.സി സൗദി നാഷനൽ കമ്മിറ്റി പ്രസിഡൻറ് കെ.പി. മുഹമ്മദ് കുട്ടിക്ക് ജിദ്ദ കിങ് അബ്ദുൽ അസീസ് ഇൻറർനാഷനൽ വിമാനത്താവളത്തിൽ കെ.എം.സി.സി നാഷനൽ, ജിദ്ദ സെൻട്രൽ കമ്മിറ്റി നേതാക്കളും പ്രവർത്തകരും സ്വീകരണം നൽകി. മുസ്ലിം യൂത്ത് ലീഗിെൻറ സമരപോരാട്ട ഭൂമിയിൽ നിന്നും പ്രവാസലോകത്ത് എത്തിപ്പെട്ട കെ.പി. മുഹമ്മദ് കുട്ടി കഴിഞ്ഞ മൂന്നര പതിറ്റാണ്ടായി കെ.എം.സി.സിയെ സൗദി നാഷനൽ തലത്തിൽ നയിച്ചുവരികയായിരുന്നു. വിപുലമായ സ്വീകരണം ജിദ്ദയിൽ സംഘടിപ്പിക്കുമെന്ന് കെ.എം.സി.സി നേതാക്കൾ അറിയിച്ചു.
ജിദ്ദ സെൻട്രൽ കമ്മിറ്റി പ്രസിഡൻറ് അഹമ്മദ് പാളയാട്ട്, നാഷനൽ സെക്രേട്ടറിയറ്റ് അംഗം നാസർ വെളിയങ്കോട്, സെൻട്രൽ കമ്മിറ്റി ഭാരവാഹികളായ ഇസ്മായിൽ മുണ്ടുക്കുളം, ഇസ്ഹാഖ് പൂണ്ടോളി, നാസർ മച്ചിങ്ങൽ, സിറ്റി കമ്മിറ്റി സെക്രട്ടറി റഷീദ് വാഴക്കാട്‌ എന്നിവർ വിമാനത്താവളത്തിലെത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.