അൽഅഹ്സ ഒ.ഐ.സി.സി കുടുംബ സംഗമം റീജനൽ പ്രസിഡൻറ് ബിജു കല്ലുമല ഉദ്ഘാടനം ചെയ്യുന്നു
അൽഅഹ്സ: വൈവിധ്യമാർന്ന കലാപരിപാടികളുടെ അകമ്പടികളോടെ അൽഅഹ്സ ഒ.ഐ.സി.സി കുടുംബ സംഗമം നടത്തി. സാംസ്കാരിക സമ്മേളനം ഒ.ഐ.സി.സി മിഡിൽ ഈസ്റ്റ് കൺവീനറും ദമ്മാം റീജനൽ കമ്മിറ്റി പ്രസിഡൻറുമായ ബിജു കല്ലുമല ഉദ്ഘാടനം ചെയ്തു. ശാഫി കുദിർ അധ്യക്ഷത വഹിച്ചു. അഞ്ചുമാസം നീണ്ട അംഗത്വ കാമ്പയിനിൽ ആദ്യത്തെ മൂന്ന് മാസത്തിൽ അപേക്ഷിച്ചവർക്കുള്ള കാർഡ് വിതരണം എം.ബി. ഷാജുവിന് നൽകി ബിജു കല്ലുമല ഉദ്ഘാടനം ചെയ്തു.
രാഹുൽ ഗാന്ധി നയിച്ച ഭാരത് ജോഡോ യാത്രയിൽ നാലര മീറ്റർ നീളമുള്ള ഇന്ത്യൻ ദേശീയപതാക ബൈക്കിൽ കെട്ടി സാഹസികയാത്ര നടത്തിയ കൊല്ലം സ്വദേശിയും പ്രവാസിയുമായ അക്ബർ ഖാനെയും ആതുരസേവന രംഗത്തേക്ക് കടന്നുവന്ന കോൺഗ്രസ് കുടുംബാംഗവും ജവഹർ ബാലമഞ്ച് പ്രവർത്തകയുമായ ഡോ. ലാമിയ അശ്റഫ് കരുവത്തിനെയും ആദരിച്ചു.
അൽഅഹ്സ ഏരിയയിലെ വിവിധ പ്രദേശങ്ങളിലെ അംഗത്വ കാർഡുകൾ റാഫി കരിമ്പനക്കൽ, ബിനു ഡാനിയേൽ, അഫ്സൽ, ലിജു വർഗീസ്, അഷ്റഫ് സിൽക്ക് സിറ്റി, ഷിബു സുകുമാരൻ എന്നിവർ ഏറ്റുവാങ്ങി. തുർക്കിയ, സിറിയ എന്നിവിടങ്ങളിലുണ്ടായ ഭൂകമ്പ ദുരന്തത്തിൽ ജീവൻ പൊലിഞ്ഞവർക്ക് സമ്മേളനത്തിൽ പ്രാർഥന നടത്തി.
അർശദ് ദേശമംഗലം അനുശോചന പ്രമേയം അവതരിപ്പിച്ചു. റീജനൽ കമ്മിറ്റി ഭാരവാഹികളായ ഇ.കെ. സലീം, ഹനീഫ റാവുത്തർ, ശംസു കൊല്ലം, റീഹാന നിസാം, അർശദ് ദേശമംഗലം, അക്ബർ ഖാൻ, റഫീഖ് സനാഇയ്യ എന്നിവർ സംസാരിച്ചു. നവാസ് കൊല്ലം സ്വാഗതവും നിസാം വടക്കേകോണം നന്ദിയും പറഞ്ഞു.
ഉമർ കോട്ടയിൽ, ഷമീർ പനങ്ങാടൻ, എം.ബി. ഷാജു, മൊയ്തു അടാടി, ലിജു വർഗീസ്, അശ്റഫ് കരുവത്ത്, അഫ്സൽ തിരൂർക്കാട്, ഹരി സോപാനം, അനീഷ് സനാഇയ്യ, ഫ്രെഡിറ്റ് പൊഴിയൂർ, ഷാജി മൊബൈൽ പാർക്ക്, ഷിജോ വർഗീസ്, അഹമ്മദ് കോയ, ബിൻസി, റിനാദ് ഫോക്കസ്, അൻഷദ്, റിജോ വർഗീസ്, മാബിൾ റിജോ, സുധീരൻ കാഞ്ഞങ്ങാട്, രാജാമോൻ ഹമീദ്, ഷിജോമോൻ ജോസ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.