ഒ.ഐ.സി.സി അൽ ഖസീം സെൻട്രൽ കമ്മിറ്റി ഫുട്ബാൾ ടൂർണമെൻറിെൻറ ലോഗോ അബ്ദുറഹ്മാൻ തിരൂരും സുഹൈൽ തങ്ങളും ചേർന്ന് പ്രകാശനം ചെയ്യുന്നു
ബുറൈദ: ഒ.ഐ.സി.സി അൽ ഖസീം സെൻട്രൽ കമ്മിറ്റി ഏപ്രിൽ 18 ന് നടത്തുന്ന രാജീവ് ഗാന്ധി മെമ്മോറിയൽ ട്രോഫിക്കുവേണ്ടിയുള്ള ഫുട്ബാൾ ടൂർണമെന്‍റിന്‍റെ ലോഗോ പ്രകാശനം ചെയ്തു. അൽ ഖസീം ഇന്ത്യൻ ഫുട്ബാൾ അസോസിയേഷൻ (ഖിഫ) ബുറൈദ അൽ വുസൈത്തി സ്റ്റേഡിയത്തിൽ സംഘടിപ്പിച്ച ഫുട്ബാൾ ടൂർണമെൻറിനിടെ നടന്ന ചടങ്ങിൽ ഒ.ഐ.സി.സി സെൻട്രൽ കമ്മിറ്റി പ്രസിഡന്‍റ് അബ്ദുറഹ്മാൻ തിരൂരും ഖിഫ പ്രസിഡൻറ് സുഹൈൽ തങ്ങളും ചേർന്ന് പ്രകാശനം നിർവഹിച്ചു.
സെൻട്രൽ കമ്മിറ്റി ഉപദേശക സമിതി ചെയർമാൻ സക്കീർ പത്തറ, ജനറൽ സെക്രട്ടറി പ്രമോദ് കൂര്യൻ കോട്ടയം, സ്പോർട്സ് വിഭാഗം ചെയർമാൻ സുധീർ കായംകുളം, വൈസ്പ്രസിഡന്‍റുമാരായ അബ്ദുറഹ്മാൻ കാപ്പാട്, അസീസ് കണ്ണൂർ, മുജീബ് ഒതായി, ജനറൽ സെക്രട്ടറി പി.പി.എം. അശ്റഫ് കോഴിക്കോട്, ട്രഷറർ അനസ് ഹമീദ് തിരുവനന്തപുരം എന്നിവർ സംസാരിച്ചു.
സിറാജുദ്ദീൻ തട്ടയിൽ, വിനീഷ് ചെറിയാൻ, ഷിയാസ് കണിയാപ്പൂരം, ബഷീർ വെങ്ങാലിയിൽ എന്നിവർ നേതൃത്വം നൽകി. ഖിഫ സംഘടിപ്പിച്ച ഫുട്ബാൾ ടൂർണമെൻറിന്‍റെ ഫൈനൽ മൽസരത്തിൽ റിയൽ സ്റ്റാർ ബുറൈദയെ തോൽപ്പിച്ച റോക്കിങ് സ്റ്റാർ ഉനൈസ ടീമിന് ഖിഫ പ്രസിഡൻറ് സുഹൈൽ തങ്ങൾ കപ്പ് സമ്മാനിച്ചു.
ഒ.ഐ.സി.സി സ്പോൺസർ ചെയ്ത ബെസ്റ്റ് പ്ലയർ, ബെസ്റ്റ് ഗോൾകീപ്പർ, ബെസ്റ്റ് സ്റ്റോപ്പർ എന്നിവർക്കുള്ള കപ്പുകൾ സെൻട്രൽ കമ്മിറ്റി സ്പോർട്ട്സ് വിഭാഗം ചെയർമാനും ഖിഫ ജോയിൻറ് സെക്രട്ടറിയുമായ സുധീർ കായംകുളം സമ്മാനിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.