ഒ.ഐ.സി.സി ബിഷ ഏരിയ കമ്മിറ്റിയുടെ നേതൃത്വത്തിൽ നടന്ന ഉമ്മൻ ചാണ്ടി അനുസ്മരണ സമ്മേളനം
ബിഷ: ഒ.ഐ.സി.സി ബിഷ ഏരിയ കമ്മിറ്റിയുടെ നേതൃത്വത്തിൽ ഉമ്മൻ ചാണ്ടി അനുസ്മരണ സമ്മേളനം സംഘടിപ്പിച്ചു. അസീർ റീജിയൻ മേഖല വൈസ് പ്രസിഡൻറ് ഈശോ കുര്യൻ അധ്യക്ഷത വഹിച്ചു. ബിഷയിൽ കാറപകടത്തിൽ നാലുപേർ മരിക്കാനിടയായ സംഭവത്തിൽ ജയിലിൽ അകപ്പെട്ട മലയാളി ഷാജി മോന്റെ മോചനത്തിന് ഉമ്മൻ ചാണ്ടി ചെയ്ത സഹായത്തെക്കുറിച്ച് പ്രസംഗകർ വിവരിച്ചു. പ്രസിഡൻറ് മോൻസി ജോൺ മുഖ്യപ്രഭാഷണം നടത്തി.
കെ.എം.സി.സി പ്രസിഡൻറ് ഹംസ ഉമർ, യാസ് ക്ലബ് പ്രസിഡൻറ് രതീഷ് ബാബു, ജാസി, ലത്തീഫ്, ഫായിസ് മലപ്പുറം, ഹമീദ് ലുലു, ഷാഹിദ് കൊടകിൽ തുടങ്ങിയ ബിഷയിലെ സാംസ്കാരിക സാമൂഹിക പ്രവർത്തകർ അനുശോചനം അറിയിച്ചു. ശിഹാബ് മലപ്പുറം, സന്തോഷ് ചിറ്റാർ, പോൾ തൃശൂർ, ഷിയാസ് കൊല്ലം, സജീവ് തുടങ്ങിയവർ നേതൃത്വം നൽകി. സെക്രട്ടറി ഹുസൈൻ സ്വാഗതവും ബിജു കാരമൂട്ടിൽ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.