രാഹുൽ ഗാന്ധിയുടെ ലോക്സഭ അംഗത്വം റദ്ദാക്കിയ കേന്ദ്ര സർക്കാർ നടപടിയിൽ പ്രതിഷേധിച്ച് ബുറൈദയിലെ ഒ.ഐ.സി സി പ്രവർത്തകർ വായ് മൂടിക്കെട്ടി പ്രതിഷേധിക്കുന്നു
ബുറൈദ: രാഹുല്‍ ഗാന്ധിക്ക് ഐക്യദാര്‍ഢ്യം പ്രഖ്യാപിച്ച ഒ.ഐ.സിസി ബുറൈദ സെന്‍ട്രല്‍ കമ്മിറ്റി അദ്ദേഹത്തിെൻറ ലോക്സഭാ അംഗത്വം റദ്ദാക്കിയ നടപടിയിൽ പ്രതിഷേധിച്ചു. ബുറൈദയിലെ ഒ.ഐ.സി.സി ഓഫീസിൽ സംഗമിച്ച പ്രവർത്തകർ രാഹുല്‍ ഗാന്ധിയെ വേട്ടയാടുന്ന കേന്ദ്ര സര്‍ക്കാരിെൻറ ജനാധിപത്യ വിരുദ്ധ നടപടിക്കെതിരെ കറുത്ത തുണി കൊണ്ട്‌ വായ് മൂടി കെട്ടിയാണ് പ്രതിഷേധിച്ചത്.
രാഹുല്‍ ഗാന്ധിയുടെ ലോക്സഭ അംഗത്വം റദ്ദാക്കിയ ദിവസം ഇന്ത്യൻ ജനാധിപത്യത്തിെൻറ കറുത്ത ദിനമായി ചരിത്രം രേഖപ്പെടുത്തുമെന്ന് പ്രതിഷേധ പരിപാടിയിൽ പങ്കെടുത്തവർ പറഞ്ഞു. മോദി, അദാനി ബന്ധത്തെ ചോദ്യം ചെയ്തതിനാണ് രാഹുല്‍ ഗാന്ധിയെ മോദി സർക്കാർ വേട്ടയാടുന്നത്.
ഒ.ഐ.സി.സി ബുറൈദ സെന്‍ട്രല്‍ കമ്മിറ്റി പ്രസിഡൻറ് സക്കീര്‍ പത്തറ, ജനറൽ സെക്രട്ടറി പ്രമോദ് കുര്യൻ കോട്ടയം, വൈസ് പ്രസിഡൻറ് അസീസ് കണ്ണൂര്‍, ജോയിൻറ് സെക്രട്ടറി പി.പി.എം. അഷ്റഫ്, റഹീം കണ്ണൂര്‍, ബാബു വളക്കരപ്പാടം, സക്കീർ കുറ്റിപ്പുറം, സനോജ്, യു.എസ്. അനസ് എന്നിവർ പ്രതിഷേധ പരിപാടിക്ക് നേതൃത്വം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.