സൗ​ദി എ​ൻ​സൈ​ക്ലോ​പീ​ഡി​യ​യു​ടെ ചൈ​നീ​സ് പ​തി​പ്പ് പു​റ​ത്തി​റ​ക്കി

റി​യാ​ദ്​: സൗ​ദി എ​ൻ​സൈ​ക്ലോ​പീ​ഡി​യ​യു​ടെ (സൗ​ദി​പീ​ഡി​യ) ചൈ​നീ​സ് പ​തി​പ്പ് പു​റ​ത്തി​റ​ക്കി. വാ​ർ​ത്താ​വി​ത​ര​ണ മ​ന്ത്രി സ​ൽ​മാ​ൻ അ​ൽ​ദോ​സ​രി​യു​ടെ ചൈ​ന സ​ന്ദ​ർ​ശ​ന​ത്തി​നി​ടെ സൗ​ദി പീ​ഡി​യ ചൈ​നീ​സ്​ പ​തി​പ്പ്​ ലോ​ഞ്ച്​ ചെ​യ്തു. സൗ​ദി-​ചൈ​നീ​സ് മാ​ധ്യ​മ പ​ങ്കാ​ളി​ത്ത​പ​ദ്ധ​തി​യു​ടെ ഭാ​ഗ​മാ​യാ​ണി​ത്​.

ഇ​രു​രാ​ജ്യ​ങ്ങ​ളും ത​മ്മി​ൽ നി​ര​വ​ധി ക​രാ​റു​ക​ളു​ടെ ഒ​പ്പി​ട​ലും എ​ക്സി​ക്യൂ​ട്ടി​വ് പ്രോ​ഗ്രാ​മു​ക​ൾ, വ​ർ​ക്​​ഷോ​പ്പു​ക​ൾ എ​ന്നി​വ​യും സ​ന്ദ​ർ​ശ​ന​ത്തി​നി​ടെ ന​ട​ന്നു. മാ​ധ്യ​മ മേ​ഖ​ല​യി​ലെ നി​ര​വ​ധി ചൈ​നീ​സ് ഉ​ദ്യോ​ഗ​സ്ഥ​ർ, ഡ​യ​റ​ക്ട​ർ ബോ​ർ​ഡ് ചെ​യ​ർ​മാ​ന്മാ​ർ, സി.​ഇ.​ഒ​മാ​ർ, മാ​ധ്യ​മ വ്യ​വ​സാ​യ നി​ക്ഷേ​പ​ക​ർ എ​ന്നി​വ​രു​മാ​യി അ​ൽ​ദോ​സ​രി​യു​ടെ നേ​തൃ​ത്വ​ത്തി​ലു​ള്ള ഔ​ദ്യോ​ഗി​ക പ്ര​തി​നി​ധി സം​ഘം കൂ​ടി​ക്കാ​ഴ്ച ന​ട​ത്തി.

മാ​ധ്യ​മ സാ​ങ്കേ​തി​ക​മേ​ഖ​ല​യി​ലും അ​തി​​ന്റെ വി​വി​ധ ശാ​ഖ​ക​ളി​ലും സ​ഹ​ക​ര​ണം വ​ർ​ധി​പ്പി​ക്കു​ന്ന​തി​നൊ​പ്പം മാ​ധ്യ​മ സ​ഹ​ക​ര​ണ​ത്തി​നു​ള്ള സാ​ധ്യ​ത​ക​ളും അ​ത് വി​ക​സി​പ്പി​ക്കാ​നു​ള്ള വ​ഴി​ക​ളും ഇ​രു​പ​ക്ഷ​വും ത​മ്മി​ലു​ള്ള അ​നു​ഭ​വ​ങ്ങ​ൾ കൈ​മാ​റ​ലും അ​വ​യി​ൽ​നി​ന്ന് പ്ര​യോ​ജ​നം നേ​ട​ലു​മ​ട​ക്കം മു​ഴു​വ​ൻ വി​ഷ​യ​ങ്ങ​ളും ച​ർ​ച്ച ചെ​യ്തു.

ചൈ​നീ​സ് നാ​ഷ​ന​ൽ റേ​ഡി​യോ ആ​ൻ​ഡ് ടെ​ലി​വി​ഷ​ൻ അ​ഡ്മി​നി​സ്ട്രേ​ഷ​ൻ മേ​ധാ​വി കാ​വോ ഷു​മി​ൻ, ബെ​യ്ജി​ങ്​ ലാം​ഗ്വേ​ജ് ആ​ൻ​ഡ് ക​ൾ​ച​ർ യൂ​നി​വേ​ഴ്‌​സി​റ്റി സ​ന്ദ​ർ​ശ​ന വേ​ള​യി​ൽ യൂ​നി​വേ​ഴ്‌​സി​റ്റി ബോ​ർ​ഡ് ഓ​ഫ് ഡ​യ​റ​ക്‌​ടേ​ഴ്‌​സ് ചെ​യ​ർ​മാ​ൻ നി ​ഹൈ​ഡോ​ങ്, ചൈ​നീ​സ് ഭാ​ഷ പ​ഠി​ക്കാ​ൻ സ​ർ​വ​ക​ലാ​ശാ​ല​യി​ലേ​ക്ക് അ​യ​ച്ച സൗ​ദി വി​ദ്യാ​ർ​ഥി​ക​ൾ എ​ന്നി​വ​രു​മാ​യും മ​ന്ത്രി കൂ​ടി​ക്കാ​ഴ്ച ന​ട​ത്തി.

സൗ​ദി പീ​ഡി​യ​യും ബെ​യ്ജി​ങ്​ ലാം​ഗ്വേ​ജ് ആ​ൻ​ഡ് ക​ൾ​ച​റ​ൽ യൂ​നി​വേ​ഴ്‌​സി​റ്റി​യും ത​മ്മി​ൽ ഉ​ള്ള​ട​ക്ക​വും വൈ​ദ​ഗ്ധ്യ​വും കൈ​മാ​റു​ന്ന​തി​നു​ള്ള ക​രാ​റി​ൽ ഒ​പ്പു​വെ​ച്ചു. ‘ബ​യ്​​തു സെ​ർ​ച് എ​ൻ​ജി​ൻ, ഷാ​ങ്ഹാ​യ് മീ​ഡി​യ ഗ്രൂ​പ്പി​​​ന്റെ സി.​എ​ൽ.​എ​സ്​ പ്ലാ​റ്റ്ഫോം, സി.​​ഐ.​സി.​സി ഡേ​റ്റ എ​ക്സ്ചേ​ഞ്ച് ക​മ്പ​നി, ​ഐ.​ഡ​ബ്ല്യു പാ​ർ​ട്ണേ​ഴ്സ് നി​ക്ഷേ​പ ഫ​ണ്ട്’ എ​ന്നി​വ​രു​മാ​യും സ​ഹ​ക​ര​ണ ക​രാ​റി​ൽ ഒ​പ്പു​​​വെ​ച്ചു.

സൗ​ദി-​ചൈ​നീ​സ് ബ​ന്ധ​ത്തി​​​ന്റെ ആ​ഴം സ​ന്ദ​ർ​ശ​ന​ത്തി​നി​ടെ അ​ൽ ദോ​സ​രി ഊ​ന്നി​പ്പ​റ​ഞ്ഞു. പ​ര​സ്പ​ര വി​ശ്വാ​സം, ഉ​റ​ച്ച സൗ​ഹൃ​ദം, ഫ​ല​വ​ത്താ​യ സ​ഹ​ക​ര​ണം എ​ന്നി​വ എ​പ്പോ​ഴും ബ​ന്ധ​ത്തി​​ന്റെ സ​വി​ശേ​ഷ​ത​യാ​ണ്. സൗ​ദി വി​ഷ​ൻ 2030 ൽ ​ചൈ​ന​യെ ഒ​രു പ്ര​ധാ​ന പ​ങ്കാ​ളി​യാ​യാ​ണ് വീ​ക്ഷി​ക്കു​ന്ന​ത്. മാ​ധ്യ​മ​ങ്ങ​ളും സാ​ങ്കേ​തി​ക​വി​ദ്യ​യും ഉ​ൾ​പ്പെ​ടെ വി​വി​ധ മേ​ഖ​ല​ക​ളി​ൽ ചൈ​ന​യു​മാ​യു​ള്ള സ​ഹ​ക​ര​ണം ആ​ഴ​ത്തി​ലാ​ക്കാ​നു​ള്ള സൗ​ദി​യു​ടെ പ്ര​തി​ബ​ദ്ധ​ത അ​ദ്ദേ​ഹം ചൂ​ണ്ടി​ക്കാ​ട്ടി.