അ​ഴി​മ​തി​ക്കാ​രെ ഒ​ന്നൊ​ഴി​യാ​തെ അ​ഴി​ക്കു​ള്ളി​ലാ​ക്കാ​ൻ നീ​ക്കം ശ​ക്ത​മാ​ക്കി ‘ന​സ​ഹ’

യാം​ബു: പൊ​തു​രം​ഗ​ത്തെ അ​ഴി​മ​തി വെ​ച്ചു​പൊ​റു​പ്പി​ക്കി​ല്ല എ​ന്ന നി​ല​പാ​ടി​ൽ സൗ​ദി ക​ൺ​ട്രോ​ൾ ആ​ൻ​ഡ്​ ആ​ന്‍റി ക​റ​പ്‌​ഷ​ൻ ക​മീ​ഷ​ൻ (ന​സ​ഹ). സ്​​പെ​ഷ​ൽ സ്‌​കോ​ഡു​ക​ളാ​ണ്​ രാ​ജ്യ​വ്യാ​പ​ക​മാ​യി നി​ര​ന്ത​ര നി​രീ​ക്ഷ​ണ​വും റെ​യ്​​ഡും ന​ട​ത്തു​ന്ന​ത്.

ക​ഴി​ഞ്ഞ മാ​സം മാ​ത്രം 146 പേ​രാ​ണ്​ പി​ടി​യി​ലാ​യ​തെ​ന്ന്​ ക​മീ​ഷ​ൻ വൃ​ത്ത​ങ്ങ​ൾ അ​റി​യി​ച്ചു. മ​ന്ത്രാ​ല​യ​ങ്ങ​ളി​ലെ സ്വാ​ധീ​ന​മു​പ​യോ​ഗി​ച്ച്​ അ​ഴി​മ​തി ന​ട​ത്തു​ന്ന​വ​രാ​ണ്​ കു​ടു​ങ്ങു​ന്ന​വ​രി​ൽ കൂ​ടു​ത​ലും. ആ​ഭ്യ​ന്ത​രം, പ്ര​തി​രോ​ധം, ആ​രോ​ഗ്യം, വി​ദ്യാ​ഭ്യാ​സം, നീ​തി​ന്യാ​യം, മു​നി​സി​പ്പ​ൽ ഗ്രാ​മ ഭ​വ​ന​കാ​ര്യം തു​ട​ങ്ങി​യ വ​കു​പ്പു​ക​ളി​ലെ ഉ​ദ്യോ​ഗ​സ്ഥ​രാ​ണ്​ ക​ഴി​ഞ്ഞ​മാ​സം അ​റ​സ്​​റ്റി​ലാ​യ​ത്.

അ​ഴി​മ​തി വി​രു​ദ്ധ പോ​രാ​ട്ട​ത്തി​ൽ ഒ​രു വി​ട്ടു​വീ​ഴ്ച​യു​മി​ല്ലെ​ന്ന ശ​ക്ത​മാ​യ നി​ല​പാ​ടി​ലാ​ണ്​ ‘ന​സ​ഹ’ മു​ന്നോ​ട്ടു​ നീ​ങ്ങു​ന്ന​ത്. പി​ടി​യി​ലാ​യ​വ​ർ​ക്കെ​തി​രെ ക​ർ​ശ​ന ശി​ക്ഷാ​ന​ട​പ​ടി സ്വീ​ക​രി​ക്കു​ക​യാ​ണെ​ന്ന് ധ​ന​മ​ന്ത്രാ​ല​യ വൃ​ത്ത​ങ്ങ​ൾ അ​റി​യി​ച്ചു.

ക​ഴി​ഞ്ഞ കാ​ല​യ​ള​വി​ൽ അ​തോ​റി​റ്റി​യു​ടെ മു​ന്നി​ലെ​ത്തി​യ നി​ര​വ​ധി ക്രി​മി​ന​ൽ, സി​വി​ൽ കേ​സു​ക​ളു​ടെ ന​ട​പ​ടി​ക​ൾ പൂ​ർ​ത്തി​യാ​ക്കാ​ൻ ക​ഴി​ഞ്ഞ​താ​യും അ​വ​ർ​ക്കെ​തി​രാ​യ നി​യ​മ​ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​യി​ക്കൊ​ണ്ടി​രി​ക്കു​ക​യാ​ണെ​ന്നും ന​സ​ഹ വ്യ​ക്ത​മാ​ക്കി. ആ​ഭ്യ​ന്ത​ര മ​ന്ത്രാ​ല​യം, ധ​ന​മ​ന്ത്രാ​ല​യം, പ​രി​സ്ഥി​തി ജ​ല കൃ​ഷി മ​ന്ത്രാ​ല​യം എ​ന്നി​വ​യു​ടെ സ​ഹ​ക​ര​ണ​ത്തോ​ടെ അ​തോ​റി​റ്റി പ്ര​മാ​ദ​മാ​യ ധാ​രാ​ളം കേ​സു​ക​ൾ പ്ര​ത്യേ​കം പ​രി​ശോ​ധി​ക്കു​ക​യും ന​ട​പ​ടി​ക​ൾ പൂ​ർ​ത്തി​യാ​ക്കു​ക​യും ചെ​യ്​​തു​വ​രു​ന്ന​താ​യി മ​ന്ത്രാ​ല​യം അ​റി​യി​ച്ചു.

അ​ധി​കാ​ര ദു​ർ​വി​നി​യോ​ഗ​ത്തെ​യും അ​ഴി​മ​തി​യെ​യും​കു​റി​ച്ച്​ 980 എ​ന്ന ടോ​ൾ ഫ്രീ ​ന​മ്പ​റി​ലോ 01144 20057 എ​ന്ന ഫാ​ക്സ് ന​മ്പ​റി​ലോ അ​റി​യി​ക്ക​ണ​മെ​ന്ന്​ സ്വ​ദേ​ശി​ക​ളും വി​ദേ​ശി​ക​ളു​മാ​യ രാ​ജ്യ​വാ​സി​ക​ളോ​ട്​ ‘ന​സ​ഹ’ വൃ​ത്ത​ങ്ങ​ൾ അ​റി​യി​ച്ചു. ക​ഴി​ഞ്ഞ മാ​സം പി​ടി​യി​ലാ​യ​വ​രെ വി​ചാ​ര​ണ​ക്ക് ഹാ​ജ​രാ​ക്കു​ന്ന​തി​നു​ള്ള ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​യ​താ​യി ക​മീ​ഷ​ൻ അ​റി​യി​ച്ചു.

കൈ​ക്കൂ​ലി, അ​ധി​കാ​ര ദു​ർ​വി​നി​യോ​ഗം, ക​ള്ള​പ്പ​ണം വെ​ളു​പ്പി​ക്ക​ൽ, പൊ​തു ഫ​ണ്ടു​ക​ൾ ദു​രു​പ​യോ​ഗം ചെ​യ്യ​ൽ, സ​ങ്കു​ചി​ത താ​ൽ​പ​ര്യ​ങ്ങ​ൾ​ക്ക​നു​സ​രി​ച്ച് വ്യാ​ജ രേ​ഖ ഉ​ണ്ടാ​ക്ക​ൽ എ​ന്നി​വ​യാ​ണ് പ്ര​തി​ക​ൾ​ക്കെ​തി​രെ ചു​മ​ത്തി​യ കു​റ്റ​ങ്ങ​ൾ.

പ്ര​തി​ക​ളി​ൽ ചി​ല​ർ ഉ​പാ​ധി​ക​ളു​ടെ അ​ടി​സ്ഥാ​ന​ത്തി​ൽ ജാ​മ്യ​ത്തി​ൽ ഇ​റ​ങ്ങി​യി​ട്ടു​ണ്ടെ​ന്നും ക​മീ​ഷ​ൻ അ​റി​യി​ച്ചു. ജൂ​ലൈ ആ​ദ്യം മു​ത​ൽ വി​വി​ധ മ​ന്ത്രാ​ല​യ​ങ്ങ​ളി​ലെ ഓ​ഫീ​സു​ക​ളി​ലും സ​ർ​ക്കാ​ർ സ്ഥാ​പ​ന​ങ്ങ​ളി​ലു​മാ​യി അ​തോ​റി​റ്റി 3,010 പ​രി​ശോ​ധ​ന​ക​ൾ ന​ട​ത്തി. അ​നു​ബ​ന്ധ​മാ​യി 266 അ​ന​ന്ത​ര അ​ന്വേ​ഷ​ണ​ങ്ങ​ളും ന​ട​ത്തി.