ക​ണ്ണു​നി​റ​ച്ച്​ 'ഒ​രു നി​റ​ക​ൺ ചി​രി​യി​ൽ'

ജു​ബൈ​ൽ: പ്ര​വാ​സി അ​ധ്യാ​പ​ക​ൻ ത​​ന്റെ സ്കൂ​ൾ​ജീ​വി​ത​ത്തി​ലെ ഹൃ​ദ​യ​സ്പ​ർ​ശി​യാ​യ അ​നു​ഭ​വ​ങ്ങ​ളെ അ​ടി​സ്ഥാ​ന​മാ​ക്കി ഒ​രു​ക്കി​യ 'ഒ​രു നി​റ​ക​ൺ ചി​രി​യി​ൽ' എ​ന്ന ഹ്ര​സ്വ​ചി​ത്രം ശ്ര​ദ്ധേ​യ​മാ​കു​ന്നു. സൗ​ദി ജു​ബൈ​ൽ ഇ​ന്ത്യ​ൻ വി​ദ്യാ​ല​യ​ത്തി​ലെ അ​ധ്യാ​പ​ക​നും പ​ന്ത​ളം സ്വ​ദേ​ശി​യു​മാ​യ എ​ൻ. സ​നി​ൽ​കു​മാ​ർ തി​ര​ക്ക​ഥ​യും സം​ഭാ​ഷ​ണ​വു​മെ​ഴു​തി അ​ന​സ് പ​ത്ത​നം​തി​ട്ട സം​വി​ധാ​നം ചെ​യ്ത ഹ്ര​സ്വ​സി​നി​മ പ്ര​വാ​സ​ലോ​ക​ത്തും നാ​ട്ടി​ലും ജ​ന​പ്രീ​തി നേ​ടു​ക​യാ​ണ്.

പി​താ​വി​​ന്റെ അ​മി​ത​പ്ര​തീ​ക്ഷ​യു​ടെ ഭാ​രം ചു​മ​ലി​ലേ​റി സ​മ്മ​ർ​ദ​ങ്ങ​ൾ​ക്ക്​ അ​ടി​മ​പ്പെ​ട്ടു ക​ഴി​യേ​ണ്ടി​വ​രു​ന്ന മ​ക​ന്റെ​യും അ​വ​ന്റെ ന​ല്ല ഭാ​വി എ​ന്ന ല​ക്ഷ്യ​ത്തി​നാ​യി ജീ​വി​ക്കു​ക​യും യ​ഥാ​ർ​ഥ സ്നേ​ഹം ന​ൽ​കാ​ൻ മ​റ​ന്നു​പോ​വു​ക​യും ചെ​യ്യു​ന്ന അ​ച്ഛ​ന്റെ​യും ക​ഥ 17 മി​നി​റ്റി​ൽ ഒ​തു​ക്കി​പ്പ​റ​യു​ക​യാ​ണ് ഈ ​സി​നി​മ.

ഇ​രു​വ​രു​ടെ​യും സം​ഘ​ർ​ഷ​ങ്ങ​ൾ​ക്കി​ട​യി​ൽ ഒ​ര​ധ്യാ​പ​ക​ന് എ​ങ്ങ​നെ സ​മ​ർ​ഥ​മാ​യി ഇ​ട​പെ​ടാ​മെ​ന്നും ചി​ത്രം കാ​ണി​ച്ചു​ത​രു​ന്നു. ചോ​ദി​ക്കു​ന്ന​തെ​ല്ലാം വാ​ങ്ങി​ന​ൽ​കി​യി​ട്ടും മ​ക്ക​ൾ എ​ന്തേ ഇ​ങ്ങ​നെ എ​ന്ന് ചോ​ദി​ക്കു​ന്ന ര​ക്ഷി​താ​ക്ക​ൾ​ക്ക് ഈ ​ഹ്ര​സ്വ​ചി​ത്ര​ത്തി​ൽ ഉ​ത്ത​ര​മു​ണ്ട്. കു​ട്ടി​ക്ക് ആ​വ​ശ്യ​മു​ള്ള​തെ​ന്ത് എ​ന്ന​തി​നെ​ക്കു​റി​ച്ച് ര​ക്ഷി​താ​ക്ക​ൾ​ക്ക് കൃ​ത്യ​ത​യി​ല്ല. പ്ര​വാ​സ​ലോ​ക​ത്ത് മാ​ത്ര​മ​ല്ല, എ​ല്ലാ സ്ഥ​ല​ങ്ങ​ളി​ലും കു​ട്ടി​ക​ളും ര​ക്ഷി​താ​ക്ക​ളും നേ​രി​ടു​ന്ന സ​മ​കാ​ലി​ക പ്ര​ശ്ന​മാ​ണി​ത്. മ​ക്ക​ളു​ടെ പ്ര​ശ്ന​ങ്ങ​ൾ എ​ന്തെ​ന്ന് സ്നേ​ഹ​പൂ​ർ​വം ചോ​ദി​ച്ച​റി​യേ​ണ്ട​വ​ർ​ക്ക് അ​തി​ന് ക​ഴി​യാ​തെ പോ​കു​ന്നു. ജീ​വി​ക്കാ​നു​ള്ള ഓ​ട്ട​പ്പാ​ച്ചി​ലി​നി​ട​യി​ൽ ര​ക്ഷി​താ​ക്ക​ൾ ഇ​ത്ത​രം കാ​ര്യ​ങ്ങ​ൾ അ​വ​ഗ​ണി​ക്കു​ക​യാ​ണ്. പ​ക്ഷേ, അ​തി​നു ന​ൽ​കേ​ണ്ടി​വ​രു​ന്ന വി​ല ഗു​രു​ത​ര​മാ​ണെ​ന്ന് സ​മീ​പ​കാ​ല സം​ഭ​വ​ങ്ങ​ൾ തെ​ളി​യി​ക്കു​ന്നു.

മ​ക്ക​ൾ​ക്കും ര​ക്ഷി​താ​ക്ക​ൾ​ക്കു​മി​ട​യി​ൽ ആ​രോ​ഗ്യ​ക​ര​മാ​യ ജീ​വി​ത​സാ​ഹ​ച​ര്യം വ​ള​ർ​ത്തി​യെ​ടു​ക്കാ​ൻ ബോ​ധ​പൂ​ർ​വം ശ്ര​മി​ക്കേ​ണ്ട​തി​​ന്റെ ആ​വ​ശ്യ​ക​ത​യാ​ണ് ചി​ത്രം ന​ൽ​കു​ന്ന ഗു​ണ​പാ​ഠം. ഇ​ടു​ക്കി ജി​ല്ല​യി​ലെ വാ​ഗ​മ​ൺ, പൈ​ൻ വാ​ലി, പാ​ഞ്ചാ​ലി മേ​ട് എ​ന്നി​വി​ട​ങ്ങ​ളി​ലാ​ണ് ചി​ത്രീ​ക​ര​ണം പൂ​ർ​ത്തി​യാ​ക്കി​യ​ത്. കാ​മ​റ പ്രി​ൻ​സ് ത​ട​ത്തി​ൽ. അ​ന​സ് പ​ത്ത​നം​തി​ട്ട, എ​ൻ. സ​നി​ൽ​കു​മാ​ർ, അ​ഖി​ൽ ജി​ത്ത്, ദേ​വ​ജി​ത്, സ​ത്യ​ജി​ത്ത് തു​ട​ങ്ങി​യ​വ​രാ​ണ് ചി​ത്ര​ത്തി​ൽ അ​ഭി​ന​യി​ച്ചി​രി​ക്കു​ന്ന​ത്