മദീനയിൽ പെട്രോൾ പമ്പിലുണ്ടായ തീ നിയന്ത്രണവിധേയമാക്കാൻ സിവിൽ ഡിഫൻസ് ശ്രമിക്കുന്നു
മദീന: പെട്രോൾ പമ്പിലെ ഇന്ധന ടാങ്കറിലുണ്ടായ തീപിടിത്തത്തിൽ രണ്ട് തൊഴിലാളികൾക്ക് പരിക്കേറ്റു. മദീന നഗര മധ്യത്തിലെ അൽ-അരീദ് ഡിസ്ട്രിക്റ്റിൽ ഒരു പെട്രോൾ പമ്പിലാണ് തീപിടിത്തമുണ്ടായത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു.
സിവിൽ ഡിഫൻസ് സ്ഥലത്തെത്തിയാണ് തീപിടുത്തം നിയന്ത്രിച്ചത്. തീ തൊട്ടടുത്തേക്ക് പടരാതിരിക്കാൻ സിവിൽ ഡിഫൻസ് സംഘം വേണ്ട മുൻകരുതലെടുത്തതിനാൽ തീ വേഗം നിയന്ത്രണവിധേയമാക്കുന്നതിനും കുറഞ്ഞ സമയത്തിനുള്ളിൽ തീ അണയ്ക്കുന്നതിനും സഹായിച്ചു. സംഭവത്തെക്കുറിച്ച് വിശദമായി അന്വേഷിക്കാൻ ബന്ധപ്പെട്ട വകുപ്പ് ഉദ്യോഗസ്ഥർ സ്ഥലത്തെത്തി നടപടികൾ ആരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.