പക്ഷിയുമായി കൂട്ടിയിടിച്ച് യന്ത്രത്തകരാറിലായ ഫ്ലൈനാസ് വിമാനം തുർക്കിയയിൽ തിരിച്ചിറക്കുന്നു
ജിദ്ദ: പക്ഷിയുമായി കൂട്ടിയിടിച്ച് യന്ത്രത്തകരാറുണ്ടായതിനെ തുടർന്ന്, ജിദ്ദയിലേക്ക് പുറപ്പെട്ട ഫ്ലൈനാസ് വിമാനം തുർക്കിയയിൽ അടിയന്തിരമായി തിരിച്ചിറക്കി. തുർക്കിയിലെ ട്രാബ്സൺ വിമാനത്താവളത്തിൽ നിന്ന് ജിദ്ദയിലേക്ക് പറക്കുന്നതിനിടെയാണ് വിമാനത്തിന്റെ എൻജിനിൽ പക്ഷി വന്നിടിച്ചത്. യാത്രക്കാരുടെ സുരക്ഷ പരിഗണിച്ച് വിമാനം ഉടനെ ട്രാബ്‌സോൺ വിമാനത്താവളത്തിലേക്ക് തന്നെ തിരിച്ചുവിട്ടു പൈലറ്റ് അടിയന്തിര ലാൻറിങ് നടത്തുകയായിരുന്നു.
വിമാനത്തിന്റെ എൻജിനുള്ളിൽ മിന്നൽ അനുഭവപ്പെട്ടുവെന്നും ഇതേ തുടർന്ന് വിമാനം ട്രാബ്‌സോൺ വിമാനത്താവളത്തിലേക്ക് മടങ്ങാനും അടിയന്തര ലാൻഡിങ് നടത്താനും പൈലറ്റ് നിർബന്ധിതനാകുകയായിരുന്നുവെന്നും റിപ്പോർട്ടുണ്ട്. സെപ്തംബർ ആറിന് ട്രാബ്‌സോണിൽ നിന്ന് ജിദ്ദയിലേക്ക് പുറപ്പെട്ട ഫ്ലൈറ്റ് നമ്പർ എക്സ്.വൈ 622 വിമാനമാണ് ക്യാപ്റ്റൻ തിരികെ അതേ വിമാനത്താവളത്തിൽ സുരക്ഷിതമായി ഇറക്കിയതെന്ന് ഫ്ലൈനാസ് അധികൃതർ പ്രസ്താവനയിൽ പറഞ്ഞു. യാത്രക്കാരുടെ സൗകര്യം ഉറപ്പാക്കാൻ ആവശ്യമായ എല്ലാ നടപടികളും ഫ്ലൈനാസ് ടീം സ്വീകരിച്ചിരുന്നതായും ഫ്ലൈനാസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.