ഗ്രീ​ൻ സൗ​ദി ഇ​നീഷ്യേ​റ്റി​വ് ഫോ​റം; നാ​ലാ​മ​ത് സ​മ്മേ​ള​നം​ റി​യാ​ദി​ൽ ഡി​സം​ബ​ർ മൂ​ന്ന്, നാ​ല്​ തീ​യ​തി​ക​ളി​ൽ

റി​യാ​ദ്​: സൗ​ദി അ​റേ​ബ്യ​യെ ഹ​രി​ത​വ​ത്​​ക​രി​ക്കാ​ൻ കി​രീ​ടാ​വ​കാ​ശി അ​മീ​ർ മു​ഹ​മ്മ​ദ് ബി​ൻ സ​ൽ​മാ​ൻ ആ​രം​ഭി​ച്ച ‘ഗ്രീ​ൻ സൗ​ദി ഇ​നി​ഷ്യേ​റ്റി​വ് ഫോ​റ​ത്തി’​​ന്റെ നാ​ലാ​മ​ത് സ​മ്മേ​ള​നം​ റി​യാ​ദി​ൽ ഡി​സം​ബ​ർ മൂ​ന്ന്, നാ​ല്​ തീ​യ​തി​ക​ളി​ൽ ന​ട​ക്കും.

‘ന​മ്മു​ടെ പ്ര​കൃ​തി ഞ​ങ്ങ​ൾ മു​ൻ​കൈ​യെ​ടു​ക്കു​ന്നു’ എ​ന്ന ശീ​ർ​ഷ​ക​ത്തി​ലാ​ണ്​ സ​മ്മേ​ള​നം. ഡി​സം​ബ​ർ ര​ണ്ട്​ മു​ത​ൽ 13 വ​രെ​യു​ള്ള കാ​ല​യ​ള​വി​ൽ ന​ട​ക്കാ​നി​രി​ക്കു​ന്ന മ​രു​ഭൂ​വ​ത്ക​ര​ണ​ത്തെ ചെ​റു​ക്കു​ന്ന​തി​നു​ള്ള യു.​എ​ൻ ക​ൺ​വെ​ൻ​ഷ​ൻ (കോ​പ്​ 16) 16ാം സ​മ്മേ​ള​ന​ത്തോ​ട​നു​ബ​ന്ധി​ച്ചാ​ണ്​ ഇ​ത്​ ന​ട​ക്കു​ന്ന​ത്​.

മ​രു​ഭൂ​വ​ത്ക​ര​ണ​ത്തെ ചെ​റു​ക്കാ​നു​ള്ള ഐ​ക്യ​രാ​ഷ്​​ട്ര​സ​ഭ ക​ൺ​വെ​ൻ​ഷ​നി​ലെ ക​ക്ഷി​ക​ളു​ടെ എ​ക്കാ​ല​ത്തെ​യും വ​ലി​യ യോ​ഗ​മാ​യി​രി​ക്കും റി​യാ​ദി​ലേ​ത്​. മ​ധ്യ​പൗ​ര​സ്​​ത്യ ദേ​ശ​ത്ത്​ ന​ട​ക്കു​ന്ന ഇ​ത്ത​ര​ത്തി​ലു​ള്ള ആ​ദ്യ​ത്തേ​തും രാ​ജ്യം ആ​തി​ഥേ​യ​ത്വം വ​ഹി​ച്ചി​ട്ടു​ള്ള​തി​ൽ ഏ​റ്റ​വും വ​ലി​യ ബ​ഹു​മു​ഖ സ​മ്മേ​ള​ന​വു​മാ​യി​രി​ക്കും. ലോ​ക​മെ​മ്പാ​ടു​മു​ള്ള നൂ​റു​ക​ണ​ക്കി​ന് ന​യ​രൂ​പ​ക​ർ​ത്താ​ക്ക​ളും ബി​സി​ന​സ്​ നേ​താ​ക്ക​ളും വി​ദ​ഗ്​​ധ​രും പ​​ങ്കെ​ടു​ക്കും.

മ​രു​ഭൂ​വ​ത്​​ക​ര​ണ​ത്തെ ത​ട​യാ​നും ഹ​രി​ത​വ​ത്​​ക​ര​ണം ന​ട​ത്താ​നും മി​ക​ച്ച രീ​തി​ക​ൾ പ​ര്യ​വേ​ക്ഷ​ണം ചെ​യ്യു​ന്ന​തി​നും പു​തി​യ ക​ണ്ടു​പി​ടി​ത്ത​ങ്ങ​ളെ​ക്കു​റി​ച്ചു​ള്ള വി​വ​ര​ങ്ങ​ൾ പ​ങ്കു​വെ​ക്കു​ന്ന​തി​നും സം​രം​ഭ​ത്തി​​ന്റെ പു​രോ​ഗ​തി അ​വ​ലോ​ക​നം ചെ​യ്യാ​നും പ്ര​ത്യേ​ക സെ​ഷ​നു​ക​ൾ സ​മ്മേ​ള​ന​ത്തി​ലു​ണ്ടാ​വും.

സ​ഹ​ക​ര​ണ സാ​ധ്യ​ത​ക​ൾ വ​ർ​ധി​പ്പി​ക്കു​ന്ന​തി​നും കൂ​ടു​ത​ൽ സു​സ്ഥി​ര​മാ​യ ഭാ​വി കെ​ട്ടി​പ്പ​ടു​ക്കാ​ൻ ല​ക്ഷ്യ​മി​ട്ടു​ള്ള ശ്ര​മ​ങ്ങ​ളു​ടെ വേ​ഗം വ​ർ​ധി​പ്പി​ക്കാ​നു​മു​ള്ള നി​ര​ന്ത​ര ശ്ര​മ​ങ്ങ​ളു​ടെ ച​ട്ട​ക്കൂ​ടി​നു​ള്ളി​ലാ​ണ് ഗ്രീ​ൻ സൗ​ദി ഇ​നീ​ഷ്യേ​റ്റി​വ്​ ഫോ​റം സം​ഘ​ടി​പ്പി​ക്കു​ന്ന​ത്.

കി​രീ​ടാ​വ​കാ​ശി അ​മീ​ർ മു​ഹ​മ്മ​ദ്​ ബി​ൻ സ​ൽ​മാ​ൻ സു​പ്രീം ക​മ്മി​റ്റി ചെ​യ​ർ​മാ​നാ​യി ഗ്രീ​ൻ സൗ​ദി അ​റേ​ബ്യ സം​രം​ഭം ആ​രം​ഭി​ച്ച​ത്​ മു​ത​ൽ പോ​സി​റ്റി​വ് സ്വാ​ധീ​നം വ്യ​ക്ത​മാ​യി ചെ​ലു​ത്തു​ന്ന​തി​ൽ ഫോ​റം വി​ജ​യി​ച്ചി​ട്ടു​ണ്ട്. ഇ​ത് പു​ന​രു​പ​യോ​ഗി​ക്കാ​വു​ന്ന ഊ​ർ​ജ സ്രോ​ത​സ്സു​ക​ളു​ടെ മൊ​ത്തം ശേ​ഷി നാ​ല്​ ജി​ഗാ​വാ​ട്ടി​ൽ അ​ധി​കം വ​ർ​ധി​പ്പി​ക്കാ​നി​ട​യാ​ക്കി.

9.5 കോ​ടി മ​ര​ങ്ങ​ൾ രാ​ജ്യ​വ്യാ​പ​ക​മാ​യി ന​ട്ടു​പി​ടി​പ്പി​ച്ചു. രാ​ജ്യ​ത്തു​ട​നീ​ളം വം​ശ​നാ​ശ​ഭീ​ഷ​ണി നേ​രി​ടു​ന്ന 1,660ല​ധി​കം മൃ​ഗ​ങ്ങ​ളെ പു​ന​ര​ധി​വ​സി​പ്പി​ച്ചു.

റി​യാ​ദി​ൽ സ​മ്മേ​ള​ന ഭാ​ഗ​മാ​യി 4,000 ച​തു​ര​ശ്ര മീ​റ്റ​ർ വി​സ്തൃ​തി​യി​ൽ പ്ര​ദ​ർ​ശ​നം സം​ഘ​ടി​പ്പി​ക്കും. എ​ല്ലാ തു​റ​ക​ളി​ലു​മു​ള്ള സ​ന്ദ​ർ​ശ​ക​ർ​ക്ക്​ പ്ര​വേ​ശ​നം ന​ൽ​കും. കാ​ലാ​വ​സ്ഥ​യി​ലും പാ​രി​സ്ഥി​തി​ക പ്ര​വ​ർ​ത്ത​ന​ങ്ങ​ളി​ലും സൗ​ദി സ​മൂ​ഹ​ത്തി​ലെ വി​വി​ധ വി​ഭാ​ഗ​ങ്ങ​ളു​ടെ പ​ങ്കാ​ളി​ത്തം സ​ജീ​വ​മാ​ക്കു​ന്ന​തി​നെ അ​ടി​സ്ഥാ​ന​മാ​ക്കി​യു​ള്ള സൗ​ദി​യു​ടെ സ​മീ​പ​ന​ത്തെ ഉ​യ​ർ​ത്തി​ക്കാ​ട്ടു​ന്ന സം​വേ​ദ​നാ​ത്മ​ക അ​നു​ഭ​വ​ങ്ങ​ളു​ടെ പ്ര​ദ​ർ​ശ​ന​മു​ണ്ടാ​കും.

ഗ്രീ​ൻ സൗ​ദി ഇ​നീ​ഷ്യേ​റ്റി​വ് സം​വാ​ദ​ങ്ങ​ളി​ൽ പ​ങ്കെ​ടു​ത്ത് അ​തി​ഥി​ക​ൾ​ക്ക് ആ​ശ​യ​ങ്ങ​ൾ കൈ​മാ​റാ​നാ​കും. കാ​ലാ​വ​സ്ഥ​യി​ലും പാ​രി​സ്ഥി​തി​ക പ്ര​വ​ർ​ത്ത​ന​ത്തി​ലും സ​മൂ​ഹ​ത്തി​ലെ എ​ല്ലാ വി​ഭാ​ഗ​ങ്ങ​ളു​ടെ​യും പ​ങ്ക് സ​ജീ​വ​മാ​ക്കു​ക​യും 2060ഓ​ടെ ന്യൂ​ട്രാ​ലി​റ്റി​യി​ൽ എ​ത്താ​നു​ള്ള സൗ​ദി​യു​ടെ അ​ഭി​ലാ​ഷ​ങ്ങ​ൾ കൈ​വ​രി​ക്കു​ക​യും ചെ​യ്യു​ക​യെ​ന്ന ല​ക്ഷ്യ​ത്തോ​ടെ​യാ​ണ്​ ഗ്രീ​ൻ സൗ​ദി ഇ​നീ​ഷ്യേ​റ്റി​വ്​ ആ​രം​ഭി​ച്ച​ത്.

ഉ​യ​ർ​ന്ന താ​പ​നി​ല, കു​റ​ഞ്ഞ മ​ഴ നി​ര​ക്ക്, മ​ണ​ൽ-​പൊ​ടി​ക്കാ​റ്റു​ക​ൾ, മ​രു​ഭൂ​വ​ത്ക​ര​ണം എ​ന്നി​വ​യു​ൾ​പ്പെ​ടെ മേ​ഖ​ല അ​ഭി​മു​ഖീ​ക​രി​ക്കു​ന്ന പാ​രി​സ്ഥി​തി​ക വെ​ല്ലു​വി​ളി​ക​ളെ അ​ഭി​സം​ബോ​ധ​ന ചെ​യ്യു​ന്ന​തി​നും നി​ല​വി​ലു​ള്ള​തും ഭാ​വി​യി​ലേ​തു​മാ​യ ത​ല​മു​റ​ക​ളു​ടെ ജീ​വി​ത​നി​ല​വാ​രം മെ​ച്ച​പ്പെ​ടു​ത്തു​ന്ന​തി​നു​ള്ള സൗ​ദി​യു​ടെ പ്ര​തി​ബ​ദ്ധ​ത എ​ടു​ത്തു​കാ​ണി​ക്കു​ന്ന​താ​ണ്​ ഗ്രീ​ൻ സൗ​ദി ഇ​നീ​ഷ്യേ​റ്റി​വ്.