ഖസീം ഗവർണർ അമീർ ഡോ. ഫൈസൽ ബിൻ മിശ്അൽ ബിൻ സഊദ് ഇന്ത്യൻ അംബാസഡർ ഡോ. ഔസാഫ് സഈദിനെ സ്വീകരിച്ചപ്പോൾ
ബുറൈദ: ഖസീം പ്രവിശ്യാ ഗവർണർ അമീർ ഡോ. ഫൈസൽ ബിൻ മിശ്അൽ ബിൻ സഊദും ഇന്ത്യൻ അംബാസഡർ ഡോ. ഔസാഫ് സഈദും കൂടിക്കാഴ്ച നടത്തി. ഖസീം ഗവർണറേറ്റ് ആസ്ഥാനത്തെത്തിയ അംബാസഡറെ ഗവർണർ ഊഷ്മളമായി വരവേറ്റു. തുടർന്ന് ഇരുവരും ചർച്ച നടത്തി.
പൊതുതാൽപ്പര്യമുള്ള നിരവധി വിഷയങ്ങളും ഇരു രാജ്യങ്ങളും തമ്മിലുള്ള ബന്ധം മെച്ചപ്പെടുത്തുന്നതിനുള്ള വഴികളും ചർച്ചാ വിധേയമായി. ഇരുരാജ്യങ്ങൾ തമ്മിലുള്ള ഉഭയകക്ഷി ബന്ധത്തിന്‍റെ ശക്തിയും വിവിധ മേഖലകളിൽ നിലവിലുള്ള സഹകരണത്തിന്‍റെ വ്യാപ്തിയും ഗവർണർ ചൂണ്ടിക്കാട്ടി.
ഊഷ്മളമായ സ്വീകരണത്തിന് ഇന്ത്യൻ അംബാസഡർ ഗവർണർക്ക് നന്ദി പറഞ്ഞു. ഖസിം പ്രവിശ്യയുടെ വിവിധ ഭാഗങ്ങളിലെ ജനോപകാരപ്രദമായ വികസനത്തെ അംബാസഡർ പ്രശംസിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.