ദമ്മാമിൽ സംഘടിപ്പിച്ച കേരള ചാമ്പ്യൻസ് ലീഗ് ക്രിക്കറ്റ് ജഴ്‌സി പ്രകാശനം
ദമ്മാം: സൗദി അറേബ്യയിലെ ക്രിക്കറ്റ് പ്രേമികളെ ആവേശ കൊടുമുടിയിലേറ്റി കേരള ചാമ്പ്യൻസ് ലീഗ് ക്രിക്കറ്റ് മാമാങ്കത്തിന് ഒരുക്കങ്ങൾ പൂർത്തിയായി. സൗദിയിലെ വിവിധ പ്രവിശ്യകളിൽ നിന്നും ജില്ല തലത്തിൽ പങ്കെടുത്തു മത്സരിക്കുന്ന 12 ടീമുകളുടെ ക്രിക്കറ്റ് പോരാട്ടം വ്യാഴം, വെള്ളി ദിവസങ്ങളിൽ ദമ്മാം ഖൂദ ഫ്ലഡ്‌ലിറ്റ് സ്റ്റേഡിത്തിലാണ് നടക്കുക. സൗദി അറേബ്യയിൽ ആദ്യമായി കേരളത്തിലെ ജില്ലകളുടെ അടിസ്ഥാനത്തിൽ നടത്തുന്ന ക്രിക്കറ്റ് ടൂർണമെൻറാണ് ഇത്. കേരള ചാമ്പ്യൻസ് ലീഗിെൻറ ജഴ്‌സി പ്രകാശനം ദമ്മാം റോയൽ മലബാർ റെസ്റ്റാറൻറിൽ നടന്നു. ചടങ്ങിൽ കെ.പി. ശിഹാബ് അധ്യക്ഷത വഹിച്ചു.
ഷഫീഖ് കട്ടുപ്പാറ സ്വാഗതവും യൂസഫ് അലി നന്ദിയും പറഞ്ഞു. കേരള ചാമ്പ്യൻസ് ലീഗ് സീസൺ വൺ ടൂർണമെൻറിൽ വിവിധ ജില്ലകളെ പ്രതിനിധാനം ചെയ്ത് പങ്കെടുക്കുന്ന ടീമുകളായ അനന്തപുരി അറേബ്യൻസ്, ആഷസ് കൊല്ലം, യുനൈറ്റഡ് കൊല്ലം, ആലപ്പി സ്റ്റാഴ്സ്, കൊച്ചിൻ ഹീറോസ്, സ്പാർട്ടൻസ് തൃശൂർ, റൈഡേഴ്‌സ് പാലക്കാട്, അവഞ്ചേഴ്‌സ് മലപ്പുറം, റോയൽ സ്‌ട്രൈക്കേഴ്‌സ് മലപ്പുറം, റെയ്‌ഞ്ചേഴ്‌സ് കാലിക്കറ്റ്, അൽബസ്മ സോൾഡിയേഴ്‌സ് കണ്ണൂർ, കെ.എൽ. 14 കാസറോഡിയൻസ് എന്നീ ടീമുകളുടെ പ്രായോജകരും ക്യാപ്റ്റന്മാരും ചടങ്ങിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.