കെ.എം.സി.സി പാലക്കാട് ജില്ല കമ്മിറ്റി സംഘടിപ്പിച്ച ഹജ്ജ്
വളന്റിയർമാര്‍ക്കുള്ള സ്നേഹാദരവ് പരിപാടി അഹമ്മദ്
പാളയാട്ട് ഉദ്ഘാടനം ചെയ്യുന്നു
ജിദ്ദ: കെ.എം.സി.സി പാലക്കാട് ജില്ല കമ്മിറ്റി ‘സ്നേഹ സംഗമം 2024’ എന്ന പേരിൽ ഈ വർഷത്തെ ഹജ്ജ് സേവനത്തിന് പോയ വളന്റിയർമാര്‍ക്കുള്ള സ്നേഹാദരവും പ്രവർത്തക സംഗമവും സംഘടിപ്പിച്ചു. പരിപാടി കെ.എം.സി.സി സൗദി നാഷനൽ ട്രഷററും ഹജ്ജ് സെൽ ചെയർമാനുമായ അഹമ്മദ് പാളയാട്ട് ഉദ്ഘാടനം ചെയ്തു. പാലക്കാട് ജില്ലാ പ്രസിഡന്റ് ഹബീബുല്ല പട്ടാമ്പി അധ്യക്ഷത വഹിച്ചു.
ജിദ്ദ സെൻട്രൽ കമ്മിറ്റി പ്രസിഡന്റ് അബൂബക്കർ അരിമ്പ്ര മുഖ്യപ്രഭാഷണം നടത്തി. ഫിർദൗസ് വാഫി കൂട്ടിലങ്ങാടി ഉദ്ബോധന പ്രസംഗം നടത്തി. സെൻട്രൽ കമ്മിറ്റി ആക്ടിങ് ജനറൽ സെക്രട്ടറി ഇസ്ഹാഖ് പൂണ്ടോളി, ജില്ലാ ചെയർമാൻ ടി.പി. ഷുഹൈബ്, സെൻട്രൽ കമ്മിറ്റി ഭാരവാഹികളായ നാസർ മച്ചിങ്ങൽ.
ശിഹാബ്‌ താമരക്കുളം, സിറാജ് കണ്ണവം, ഹുസൈൻ കരിങ്കറ, സക്കീർ നാലകത്ത്, അഷറഫ് താഴേക്കോട്, ലത്തീഫ് വെള്ളമുണ്ട, സെൻട്രൽ വനിതാ വിങ് വൈസ് പ്രസിഡൻറ് സലീന ഇബ്രാഹീം, ജില്ലാ ഓർഗനൈസിങ് സെക്രട്ടറി യൂസഫലി തിരുവേഗപ്പുറ തുടങ്ങിയവർ സംസാരിച്ചു.
ഈ വർഷത്തെ ഹജ്ജ് വളന്റിയർ സേവനത്തിൽ മികച്ച പ്രവർത്തനം കാഴ്ച വെച്ച സലീന ഇബ്രാഹീമിനുള്ള ഉപഹാരം അഹമ്മദ് പാളയാട്ട് നൽകി. പാലക്കാട് ജില്ലയിൽ നിന്നും സേവനത്തിന് പോയ വളന്റിയർമാർക്കുള്ള സർട്ടിഫിക്കറ്റ് വിതരണവും ചടങ്ങിൽ നടന്നു. ജില്ല ജനറൽ സെക്രട്ടറി കുഞ്ഞിമുഹമ്മദ് കോട്ടോപ്പാടം സ്വാഗതവും ട്രഷറർ ഷഹീൻ തച്ചമ്പാറ നന്ദിയും പറഞ്ഞു.
അൻവർ ഫൈസി കാഞ്ഞീരപ്പുഴ ഖിറാഅത്ത്‌ നടത്തി. ജില്ലാ നേതാക്കളായ ടി.പി സലാം, ഉമർ തച്ചനാട്ടുകര, ഷൗക്കത്ത് ഷൊർണൂർ, മുഹമ്മദലി കാഞ്ഞിരപ്പുഴ, അബ്ദുല്ലക്കുട്ടി എടപ്പലം, സലിം പാലോളി, റഷീദ് കൊമ്പം, ജലീൽ കാഞ്ഞിരപ്പുഴ, ഷാജി പാലക്കടവ്, ഇല്യാസ് പൂരമണ്ണിൽ, യാസർ മാരായമംഗലം, സുഹൈൽ നാട്ടുകൽ.
സൈനുദ്ദീൻ തോട്ടശ്ശേരി, റഫീഖ് പാലക്കാട്, റഹീം തരൂർ, നാസർ ആനക്കര ആബിദ് പട്ടാമ്പി, ഫാരിസ് തച്ചമ്പാറ, ബഷീർ നാലകത്ത്, മുസ്തഫ പട്ടാമ്പി, ഹനീഫ അലനല്ലൂർ, യൂനുസ് തൃത്താല, മുജീബ് എടത്തനാട്ടുകര, റാഫി എ.കെ കൊപ്പം, സൈനുൽ ആബിദ് ഒറ്റപ്പാലം, ഫവാസ് ഷൊർണൂർ, സി.പി. നൗഫൽ, സി.പി നജ്മുദ്ദീൻ, റിയാസ് എടത്തനാട്ടുകര, അബ്ദുൽ വാഹിദ് എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.