മലപ്പുറം പ്രീമിയർ ലീഗ് സീസൺ മൂന്ന് ജഴ്സി പ്രകാശനം അബ്ദുൽ അസീസ്, അബൂ ഫാരിസ്
അൽ-ഖഹ്താനിക്ക്
നൽകി നിർവഹിക്കുന്നു
ദമ്മാം: ദമ്മാം മലപ്പുറം ക്രിക്കറ്റ് കൂട്ടായ്മയുടെ പ്രീമിയർ ലീഗ് ക്രിക്കറ്റ് സീസൺ മൂന്ന് ടൂർണമെൻറിന് വ്യാഴാഴ്ച അൽഖോബാറിലെ സബ്സ ഫ്ലഡ്ലിറ്റ് ഗ്രൗണ്ടിൽ തുടക്കം കുറിക്കും. ടൂർണമെൻറിലേക്കുള്ള എട്ട് ടീമുകളുടെ ജഴ്സി പ്രകാശനം റോയൽ മലബാർ റസ്റ്റാറൻറിൽ നടന്നു. മലപ്പുറത്തിെൻറ സാംസ്‌കാരിക തനിമ വിളിച്ചോതിയ ചടങ്ങിൽ അബ്ദുൽ അസീസ് ടൂർണമെൻറ് ഉദ്ഘാടനം ചെയ്തു.
റൈസിങ് ഡി റെക്സ് വളാഞ്ചേരി, റോമാകാസിൽ കൊണ്ടോട്ടി, വാസ്ക് വേങ്ങര, റോയൽ സ്ട്രൈക്കേഴ്സ് മലപ്പുറം, ഈഗർ ലിയോസ്‌ വളാഞ്ചേരി, അറേബ്യൻ ഈഗിൾസ് മലപ്പുറം, അവഞ്ചേഴ്‌സ് പെരിന്തൽമണ്ണ, നോർത്ത് ഈസ്റ്റ് യുനൈറ്റഡ് മലപ്പുറം എന്നീ ടീമുകളുടെ ജഴ്സികൾ പ്രകാശനം ചെയ്തു. സൗദി സാമൂഹിക പ്രവർത്തകൻ അബു ഫാരിസ് അൽ-ഖഹ്താനി മുഖ്യാതിഥിയായി. ജില്ല കൂട്ടായ്മ ചെയർമാൻ കെ.പി. ശിഹാബ് ടീമുകളെ പരിചയപ്പെടുത്തി.
മലപ്പുറം കൂട്ടായ്മ പ്രസിഡൻറ് നജ്മുസമ്മാൻ ഐക്കരപ്പടി അധ്യക്ഷത വഹിച്ചു. ഫൈസൽ ഇരിക്കൂർ മുഖ്യപ്രഭാഷണം നടത്തി. അബ്ദുൽ സമദ്, നജീം ബഷീർ, ഖദീജ ടീച്ചർ, സാജിദ ഷെമീർ, മുജീബ് കൊളത്തൂർ, സലീം സാഹുദ്ദീൻ, റജീഷ് എന്നിവർ സംസാരിച്ചു. ജനറൽ കൺവീനർ സഹീർ മജദാൽ സ്വാഗതവും ഇസ്മാഈൽ പുള്ളാട് നന്ദിയും പറഞ്ഞു. ദമ്മാം മലപ്പുറം ക്രിക്കറ്റ് കൂട്ടായ്മ ഭാരവാഹികളായ യൂസുഫ് മലപ്പുറം, ആബിദ് വളാഞ്ചേരി, ഷെഫീഖ്, സാബിത്ത് ചിറക്കൽ, കെ.ടി. സാദത്ത്, യൂനസ് വളാഞ്ചേരി, സലീം മൊടവൻ, റാഷിദ്, സഹീർ മുണ്ടോടൻ, സുഹൈർ, വാജിദ് വി.കെ. പടി, നദീം, ജാഫർ ചേളാരി, ജനു ജനാർദനൻ, മൻസൂർ, റുബൈദ്, റംഷാദ്, റിയാസ്, ബൊവാസ് തോമസ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.