മ​സ്ജി​ദു​ന്ന​ബ​വി​യി​ൽ ഭി​ന്ന​ശേ​ഷി​ക്കാ​ർ​ക്കും പ്രാ​യ​മാ​യ​വ​ർ​ക്കും പ്ര​ത്യേ​ക ക​രു​ത​ൽ

മ​ദീ​ന: മ​സ്ജി​ദു​ന്ന​ബ​വി​യി​ൽ സ​ന്ദ​ർ​ശ​ന​ത്തി​നെ​ത്തു​ന്ന ഭി​ന്ന​ശേ​ഷി​ക്കാ​ർ​ക്കും പ്രാ​യ​മാ​യ​വ​ർ​ക്കും പ്ര​ത്യേ​ക ക​രു​ത​ൽ ഏ​ർ​പ്പെ​ടു​ത്തി. പ​ള്ളി​യു​ടെ ഉ​ൾ​ഭാ​ഗ​ത്ത് ഭി​ന്ന​ശേ​ഷി​ക്കാ​ർ​ക്ക് പ്ര​ത്യേ​ക മു​റി ഒ​രു​ക്കി​യി​ട്ടു​ണ്ട്. ഇ​വി​ടെ നൂ​റു​പേ​ർ​ക്ക് ഒ​രേ​സ​മ​യം പ്രാ​ർ​ഥ​ന ന​ട​ത്താ​ൻ ക​ഴി​യും. പ്രാ​യ​മാ​യ​വ​രും ഭി​ന്ന​ശേ​ഷി​ക്കാ​രു​മാ​യ തീ​ർ​ഥാ​ട​ക​ർ​ക്ക് പ്ര​ത്യേ​ക ക​രു​ത​ലാ​യി വി​വി​ധ സേ​വ​ന​ങ്ങ​ളാ​ണ്​ ഇ​രു​ഹ​റം കാ​ര്യാ​ല​യ ജ​ന​റ​ൽ അ​തോ​റി​റ്റി ഒ​രു​ക്കി​യി​രി​ക്കു​ന്ന​ത്. ക​വാ​ട​ങ്ങ​ൾ​ക്ക് സ​മീ​പം 10 നി​യു​ക്ത പ്രാ​ർ​ഥ​ന​യി​ട​ങ്ങ​ൾ, വ​ട​ക്ക്​​ പു​തു​താ​യി കൂ​ട്ടി​ച്ചേ​ർ​ത്ത ഭാ​ഗ​ത്ത്​ നാ​ല് പ്രാ​ർ​ഥ​നാ മു​റി​ക​ൾ, പ​ടി​ഞ്ഞാ​റ്​ വി​ക​സി​പ്പി​ച്ച ഭാ​ഗ​ത്ത്​ മൂ​ന്നു പ്രാ​ർ​ഥ​നാ മു​റി​ക​ൾ എ​ന്നി​വ​യാ​ണ്​ ഒ​രു​ക്കി​യ​ത്.

ഏ​റ്റ​വും മി​ക​ച്ച സേ​വ​ന​ങ്ങ​ൾ ഇ​വ​ർ​ക്ക് ന​ൽ​കു​ന്ന​തി​നും അ​തോ​റി​റ്റി പ്ര​വ​ർ​ത്തി​ക്കു​ന്നു. വെ​ള്ളി​യാ​ഴ്ച​യി​ലെ ജു​മു​അ പ്ര​ഭാ​ഷ​ണ​ത്തി​ന്റെ ഉ​ള്ള​ട​ക്കം മ​ന​സ്സി​ലാ​ക്കാ​നും ഇ​വ​ർ​ക്കാ​യി പ്ര​ത്യേ​ക സം​വി​ധാ​ന​ങ്ങ​ൾ ഏ​ർ​പ്പെ​ടു​ത്തി. കൂ​ടാ​തെ സ​ഞ്ചാ​രം സു​ഗ​മ​മാ​ക്കു​ന്ന​തി​ന് ഇ​ല​ക്ട്രി​ക് ഗോ​ൾ​ഫ് കാ​റു​ക​ളും വീ​ൽ​ചെ​യ​റു​ക​ളും ഒ​രു​ക്കി​യി​ട്ടു​ണ്ട്.