മദീന: മസ്ജിദുന്നബവിയിൽ പുതുക്കിപ്പണിത ‘ഖിബ്ല’ഭിത്തി ഇരുഹറം കാര്യാലയ മേധാവി ഡോ. അബ്ദുറഹ്മാൻ അൽസുദൈസ് സന്ദർശിച്ചു.
പള്ളിയിലെത്തിയ ഇരുഹറം കാര്യാലയ മേധാവി ചുവർ കാണുകയും പഴമ നിലനിർത്തി ചുവർ പുനർനിർമിച്ച ദേശീയ കമ്പനികളെയും സൗദി പ്രതിഭകളെയും അഭിനന്ദിക്കുകയും ചെയ്തു. അടുത്തിടെയാണ് പള്ളിക്കകത്തെ ‘ഖിബ്ല’ചുവരിെൻറ ഏതാനും ഭാഗത്തുണ്ടായിരുന്ന മരംകൊണ്ടുള്ള അലമാര നീക്കി തനിമ നിലനിർത്തി പരമ്പരാഗത അലങ്കാരപ്പണികളോടെ പുനർനിർമിച്ചത്.
മസ്ജിദുന്നബവി പൈതൃകങ്ങൾ ചരിത്രപരവും കലാപരവുമായ മൂല്യവും ഭംഗിയും ഒട്ടുംചേരാതെ സംരക്ഷിക്കുന്നതിെൻറ ഭാഗമായാണിത്.
മസ്ജിദുന്നബവി കാര്യാലയവും മദീന വികസന അതോറിറ്റിയും സഹകരിച്ച് അന്താരാഷ്ട്ര വിദഗ്ധരുടെയും രാജ്യത്തിനകത്തെ പ്രശസ്ത ആർകിടെക്ടുമാരുടെയും പങ്കാളിത്തത്തോടെയാണ് പദ്ധതി നടപ്പാക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.