നാസർ വേങ്ങരക്ക് ജിദ്ദ ഇന്ത്യൻ സോഷ്യൽ ഫോറം യാത്രയയപ്പ് നൽകിയപ്പോൾ
ജിദ്ദ: മൂന്നു പതിറ്റാണ്ടിലേറെ നീണ്ട പ്രവാസം അവസാനിപ്പിച്ച് മടങ്ങുന്ന ഇന്ത്യൻ സോഷ്യൽ ഫോറം ബലദ് ബ്ലോക്ക് പ്രസിഡൻറ് അബ്ദുന്നാസർ ഇല്ലിക്കോടൻ എന്ന നാസർ വേങ്ങരക്ക് സംഘടന യാത്രയയപ്പ് നൽകി.
സാമൂഹിക, ജീവകാരുണ്യ പ്രവർത്തനങ്ങളിൽ സജീവ സാന്നിധ്യമാവുകയും പൊതുവിഷയങ്ങളിൽ ഇടപെടുകയും ചെയ്യുന്ന നാസർ ഹജ്ജ് സേവന രംഗത്ത് നിരവധി വർഷങ്ങളായി വളൻറിയറായും ഗ്രൂപ് ക്യാപ്റ്റനായും പ്രവർത്തിച്ചിട്ടുണ്ട്. ഷറഫിയ ഹിജാസ് വില്ലയിൽ നടന്ന ചടങ്ങിൽ ഫോറം ജിദ്ദ കേരള സ്റ്റേറ്റ് കമ്മിറ്റി പ്രസിഡൻറ് ഹനീഫ കിഴിശ്ശേരി, ജനറൽ സെക്രട്ടറി കോയിസ്സൻ ബീരാൻകുട്ടി എന്നിവർ നാസറിന് പ്രശംസാഫലകം നൽകി. മുഹമ്മദ് സാദിഖ് വഴിപ്പാറ, മുഹമ്മദലി വേങ്ങര, സി.വി. അഷ്‌റഫ്, യാഹൂട്ടി തിരുവേഗപ്പുറ, അഹമ്മദ് ആനക്കയം, ഹസ്സൻ മങ്കട, ഷാഫി മലപ്പുറം, ഷാഹുൽ ഹമീദ് തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.