ഹാഇൽ ഒ.ഐ.സി.സി പുതുപ്പള്ളി വിജയാഘോഷ പരിപാടി
ഹാഇൽ: പുതുപ്പള്ളി ഉപതെരഞ്ഞെടുപ്പ് ഫലം സർക്കാറിന്റെ പ്രവർത്തന വിലയിരുത്തലാണെന്ന് ഹാഇൽ ഒ.ഐ.സി.സി. ഉമ്മന്‍ ചാണ്ടിക്ക് പുതുപ്പള്ളി തിരിച്ചുനല്‍കിയ ആദരവുകൂടിയാണ് യു.ഡി.എഫിന്റെ ചരിത്രവിജയമെന്നും വിജയാഹ്ലാദ പരിപാടിയിൽ സംസാരിച്ചവർ അഭിപ്രായപ്പെട്ടു. വോട്ടു ചെയ്തത് പുതുപ്പള്ളിയാണെങ്കിലും ഫലത്തില്‍ പ്രതിഫലിച്ചത് കേരളത്തിന്റെ പൊതുമനസ്സാണ്.
സെൻട്രൽ കമ്മിറ്റിയുടെ ആഭിമുഖ്യത്തിൽ ഹാഇൽ ഹബീബ് മെഡിക്കൽ സെൻറർ ഓഡിറ്റോറിയത്തിൽ നടന്ന വിജയാഘോഷ പരിപാടിയിൽ മധുര പലഹാര വിതരണം ചെയ്തു. സൗദി നാഷനൽ കമ്മിറ്റി ജനറൽ സെക്രട്ടറി സിദ്ദീഖ് കല്ലുപറമ്പൻ ഉദ്ഘാടനം ചെയ്തു.
സെൻട്രൽ കമ്മിറ്റി പ്രസിഡൻറ് ഹൈദർ അലി കാസിം അധ്യക്ഷത വഹിച്ചു. ചാൻസ അബ്ദുറഹ്മാൻ, നിസാം അൽ ഹബീബ്, നൗഷാദ് അത്തോളി, സാബു തേക്കട, അഷ്‌റഫ് ഈറ്റുവെൽ, സദക്കത്ത് വള്ളികുന്നം, മുഹമ്മദ് റാഫി, ഹസ്സൻ, ശിഹാബുദ്ദീൻ, ജോൺ, ജസീല, ഫാത്തിമ, ഇഷ എന്നിവർ പങ്കെടുത്തു. ഹാഇൽ നഗരത്തിൽ ലഡു വിതരണവും നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.