യാംബു റീം ഫുട്ബാൾ ക്ലബിന്‍റെ ലോഗോ പ്രകാശനം
ഫിറോസ് മുണ്ടയിൽ നിർവഹിച്ചപ്പോൾ
യാംബു: യാംബുവിൽ പുതുതായി രൂപീകരിച്ച റീം ഫുട്ബാൾ ക്ലബിന്‍റെ ലോഗോയുടെയും ജഴ്‌സിയുടെയും പ്രകാശനം നടന്നു. റീം അൽ ഔല ട്രേഡിങ് കമ്പനി ഓഡിറ്റോറിയത്തിൽ നടന്ന പരിപാടി യാംബു ഫുട്ബാൾ അസോസിയേഷൻ പ്രസിഡന്‍റ് ഷബീർ ഹസ്സൻ ഉദ്‌ഘാടനം ചെയ്തു. ഫുട്ബാൾ മേഖലയിൽ യാംബുവിൽ പുതിയ ക്ലബുകളുടെ ഉദയത്തിലും നിലവാരം പുലർത്തുന്ന വിവിധ ഫുട്ബാൾ മത്സരങ്ങളുടെ വരവിലും ഏറെ അഭിമാനമുണ്ടെന്നും കായിക സേവന മേഖലകളിൽ നല്ല സംഭാവനകൾ ചെയ്യാൻ എല്ലാ ക്ലബുകൾക്കും കഴിയേണ്ടതുണ്ടെന്നും അദ്ദേഹം പറഞ്ഞു. റീം എഫ്.സി പ്രസിഡന്‍റ് സിബിൾ ഡേവിഡ് പാവറട്ടി അധ്യക്ഷത വഹിച്ചു.
റീം എഫ്.സി ലോഗോ പ്രകാശനം ഫാഇസ്‌ മെയ്‌ലബിയും ജഴ്‌സി പ്രകാശനം റീം എഫ്.സി ട്രഷറർ ഫിറോസ് മുണ്ടയിലും നിർവഹിച്ചു. നാസർ നടുവിൽ, വിനയൻ പാലത്തിങ്ങൽ, അസ്‌ക്കർ വണ്ടൂർ, ശങ്കർ എളങ്കൂർ, അനീസുദ്ദീൻ ചെറുകുളമ്പ്, സിദ്ദീഖുൽ അക്ബർ, അയൂബ് എടരിക്കോട്, നിയാസ് യൂസുഫ് എരുമേലി, ഇബ്‌റാഹീം പുലത്ത്, ഫൈസൽ കരുവാരക്കുണ്ട്, യാസിർ കൊന്നോല, ബിഷർ കരുവാരക്കുണ്ട്, അജ്‌മൽ മണ്ണാർക്കാട്, ഉമ്മർക്കോയ എടക്കര എന്നിവർ സംസാരിച്ചു. റീം എഫ്.സി സെക്രട്ടറി ബിഹാസ് കരുവാരകുണ്ട് സ്വാഗതവും കമ്മിറ്റി രക്ഷാധികാരി സമിതിയംഗം സാദിഖ് നെല്ലായ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.