കൂട്ടുകാരന്റെ മഖ്ബറയിൽ നാലാമാണ്ടിലും പ്രാർഥനയിലൊരുമിച്ച് റിയാദ് ടാക്കീസ് പ്രവർത്തകർ

റി​യാ​ദ്: ത​ങ്ങ​ളി​ൽ​നി​ന്ന്​ വേ​ർ​പെ​ട്ടു​പോ​യ സു​ഹൃ​ത്തി​​ന്റെ ഖ​ബ​റി​ട​ത്തി​ൽ നാ​ലാ​മാ​ണ്ടി​ലും ഒ​ത്തു​കൂ​ടി റി​യാ​ദ്​ ടാ​ക്കീ​സ്​ പ്ര​വ​ർ​ത്ത​ക​ർ. റി​യാ​ദി​ലെ കു​ഡു ഫാ​സ്​​റ്റ്​ ഫു​ഡ്‌ ക​മ്പ​നി​യി​ൽ ജീ​വ​ന​ക്കാ​ര​നാ​യി​രി​ക്കെ 38ാം വ​യ​സ്സി​ൽ ഹൃ​ദ​യാ​ഘാ​തം മൂ​ലം നാ​ല്​ വ​ർ​ഷം മു​മ്പ്​ മ​രി​ച്ച കാ​യം​കു​ളം സ്വ​ദേ​ശി ഇ​ഞ്ച​ക്ക​ൽ മി​റാ​ഷ് മ​ൻ​സൂ​റി​​ന്റെ റി​യാ​ദി​ലെ ഖ​ബ​റി​ട​ത്തി​ലാ​ണ്​ പ്രാ​ർ​ഥ​ന​​യു​മാ​യി കൂ​ട്ടു​കാ​രെ​ല്ലാം ഒ​ത്തു​കൂ​ടി​യ​ത്. റി​യാ​ദി​ലെ ക​ലാ സാം​സ്കാ​രി​ക ജീ​വ​കാ​രു​ണ്യ പ്ര​വ​ർ​ത്ത​ന​രം​ഗ​ത്ത്​ സ​ജീ​വ സാ​ന്നി​ധ്യ​മാ​യി​രു​ന്നു മി​റാ​ഷ്.

കോ​വി​ഡ് മ​ഹാ​മാ​രി​യി​ലെ 24 മ​ണി​ക്കൂ​ർ ലോ​ക്ഡൗ​ണി​ൽ ആ​ർ​ക്കും പു​റ​ത്തി​റ​ങ്ങാ​ൻ പ​റ്റാ​ത്ത സ്ഥി​തി വ​ന്ന​പ്പോ​ൾ ജോ​ലി​യു​ടെ ഭാ​ഗ​മാ​യി കി​ട്ടി​യ പാ​സ്​ ഉ​പ​യോ​ഗി​ച്ച് പു​റ​ത്തി​റ​ങ്ങി ജോ​ലി​യി​ല്ലാ​തെ ബു​ദ്ധി​മു​ട്ട്​ അ​നു​ഭ​വി​ക്കു​ന്ന​വ​ർ​ക്ക് ഭ​ക്ഷ​ണ സാ​ധ​ന​ങ്ങ​ളും അ​സു​ഖ​ബാ​ധി​ത​ർ​ക്ക് മ​രു​ന്നെ​ത്തി​ക്കാ​നും മാ​സ​ങ്ങ​ളോ​ളം രാ​പ്പ​ക​ൽ വ്യ​ത്യാ​സ​മി​ല്ലാ​തെ സ​ഹാ​യ​മെ​ത്തി​ക്കാ​ൻ മു​ന്നി​ലു​ണ്ടാ​യി​രു​ന്ന ഒ​രാ​ളാ​യി​രു​ന്നു മി​റാ​ഷ്.

മ​രു​ന്നും ഭ​ക്ഷ​ണ​വു​മൊ​ക്കെ ഒ​രി​ക്ക​ലെ​ത്തി​ച്ചാ​ൽ കൃ​ത്യ​മാ​യ ഇ​ട​വേ​ള​ക​ളി​ൽ വീ​ണ്ടും ക്ഷേ​മം അ​ന്വേ​ഷി​ച്ച് അ​വ​ർ​ക്ക് വേ​ണ്ട സ​ഹാ​യ​ങ്ങ​ൾ എ​ത്തി​ക്കു​ന്ന​തി​ൽ മി​റാ​ഷ് കാ​ട്ടി​യ ജാ​ഗ്ര​ത ശ്ര​ദ്ധി​ക്ക​പ്പെ​ട്ടി​രു​ന്നു. അ​തു​കൊ​ണ്ടു ത​ന്നെ അ​ദ്ദേ​ഹ​ത്തി​െൻറ സൗ​ഹൃ​ദ​വ​ല​യ​ങ്ങ​ൾ ഏ​റെ വ​ലു​താ​യി​രു​ന്നു റി​യാ​ദി​ൽ. ആ ​വി​യോ​ഗ​ത്തി​​ന്​ നാ​ലു വ​ർ​ഷം പൂ​ർ​ത്തി​യാ​കു​ന്ന ക​ഴി​ഞ്ഞ ദി​വ​സം വൈ​കീ​ട്ട്​ 4.30ഓ​ടെ റി​യാ​ദ് ടാ​ക്കീ​സ്​ പ്ര​വ​ർ​ത്ത​ക​രും നാ​ട്ടു​കാ​രും റി​യാ​ദ്​ ന​സീ​മി​ലെ ഹ​യ്യു​ൽ സ​ലാം മ​ഖ്ബ​റ​യി​ലെ 104ാം നി​ര​യി​ൽ 19ാമ​ത​നാ​യി അ​ന്ത്യ​വി​ശ്ര​മം കൊ​ള്ളു​ന്ന മി​റാ​ഷി​​ന്റെ അ​ടു​ത്തെ​ത്തു​ക​യാ​യി​രു​ന്നു. ഏ​റ​നേ​രം അ​വി​ടെ ചെ​ല​വ​ഴി​ച്ച്​ പ്രാ​ർ​ഥ​ന​ക​ൾ ന​ട​ത്തി​യാ​ണ്​ പി​രി​ഞ്ഞ​ത്.