സമസ്ത ഇസ്‌ലാമിക് സെൻറർ സൗദി നാഷനൽ കമ്മിറ്റി ജിദ്ദയിൽ സംഘടിപ്പിച്ച
കോൺക്ലേവ് മീറ്റ് ജിഫ്രി മുത്തുക്കോയ തങ്ങൾ ഉദ്ഘാടനം ചെയ്യുന്നു
ജിദ്ദ: സമസ്ത കേരള ജംഇയ്യതുൽ ഉലമയെ ശക്തിപ്പെടുത്തുന്നതിലും പദ്ധതികൾ വിജയിപ്പിക്കുന്നതിലും പ്രവാസികൾ വഹിക്കുന്ന പങ്ക് നിസ്തുലമാണെന്ന് സമസ്ത കേരള ജംഇയ്യതുൽ ഉലമ പ്രസിഡന്‍റ് മുഹമ്മദ് ജിഫ്രി മുത്തുക്കോയ തങ്ങൾ പറഞ്ഞു.
സമസ്ത ഇസ്‌ലാമിക് സെന്‍റ്ർ സൗദി നാഷനൽ കമ്മിറ്റി ജിദ്ദയിൽ സംഘടിപ്പിച്ച കോൺക്ലേവ് മീറ്റ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സമസ്ത നൂറാം വാർഷിക ഉപഹാരമായി എസ്.ഐ.സി സൗദി നാഷനൽ കമ്മിറ്റി അട്ടപ്പാടിയിൽ സ്ഥാപിക്കുന്ന വിദ്യാഭ്യാസ പദ്ധതി കാലഘട്ടത്തിന്‍റെ അനിവാര്യ സംരംഭമാണെന്ന് അദ്ദേഹം പറഞ്ഞു.
സമസ്തയുടെ വയനാട് ദുരിതാശ്വാസ നിധിയിലേക്കും എസ്.ഐ.സി പദ്ധതിയായ അട്ടപ്പാടി ആക്സസ് പദ്ധതിയിലേക്കും വിവിധ കമ്മിറ്റികൾ സ്വരൂപിച്ച സഹായ നിധികൾ തങ്ങൾക്ക് വിവിധ കമ്മിറ്റി പ്രതിനിധികൾ കൈമാറി. സമസ്ത ഇസ്‌ലാമിക് സെന്‍റ്ർ നാഷനൽ കമ്മിറ്റി അംഗങ്ങൾക്കു വേണ്ടി ഏർപ്പെടുത്തുന്ന ക്ഷേമനിധി പ്രഖ്യാപനവും തർത്തീൽ ഖുർആൻ കാമ്പയിൻ മത്സര വിജയികൾക്കുള്ള സമ്മാന വിതരണവും ജിഫ്രി മുത്തുക്കോയ തങ്ങൾ നിർവഹിച്ചു.
രാവിലെ നടന്ന മുഖദ്ദിമ സെഷനിൽ നാഷനൽ കമ്മിറ്റി ജനറൽ സെക്രട്ടറി മുഹമ്മദ് റാഫി ഹുദവി ആമുഖ പ്രഭാഷണം നടത്തി. നാഷനൽ കമ്മിറ്റി പ്രസിഡന്‍റ് ഉബൈദുല്ല തങ്ങൾ ഐദറൂസി അധ്യക്ഷത വഹിച്ചു. മുഹമ്മദ് ജിഫ്രി മുത്തുക്കോയ തങ്ങൾ ഉദ്ഘാടനം ചെയ്തു. സമസ്ത കേരള ജംഇയ്യത്തുൽ ഉലമാ സെക്രട്ടറി എം.ടി അബ്ദുല്ല മുസ്‌ലിയാർ മുഖ്യപ്രഭാഷണം നടത്തി. വിദ്യാഭ്യാസ ബോർഡ് മാനേജർ കെ. മോയിൻകുട്ടി മാസ്റ്റർ സംസാരിച്ചു. സൈദലവി ഫൈസി ത്വാഇഫ്, അബ്ദുന്നാസ്വിർ ദാരിമി എന്നിവർ പ്രസീഡിഡിയം നിയന്ത്രിച്ചു. ഇബ്രാഹീം ഓമശേരി നന്ദി പറഞ്ഞു.
മശ് വറ സെഷനിൽ മാഹിൻ വിഴിഞ്ഞം ആമുഖപ്രഭാഷണം നടത്തി. ബശീർ ബാഖവി അധ്യക്ഷത വഹിച്ചു. അലവിക്കുട്ടി ഒളവട്ടൂർ ഉദ്ഘാടനം ചെയ്തു. അട്ടപ്പാടി പ്രൊജക്റ്റ്, ക്ഷേമനിധി, നാഷനൽ ആർട്ട് ഫെസ്റ്റ് എന്നിവയിൽ നടന്ന ചർച്ചയിൽ സുഹൈൽ ഹുദവി ക്രോഡീകരണം നടത്തി. നൗഫൽ തേഞ്ഞിപ്പലം നന്ദി പറഞ്ഞു. ഉച്ചക്കുശേഷം നടന്ന ഇഖ്‌തിതാം സെഷനിൽ സംഘാടക സമിതി കൺവീനർ അയ്യൂബ് ബ്ലാത്തൂർ സ്വാഗതം പറഞ്ഞു. സാബിഖ് അലി ശിഹാബ് തങ്ങൾ ഉദ്ഘാടനം ചെയ്തു.
എസ്.ഐ.സി ക്ഷേമനിധി പ്രഖ്യാപനം ജിഫ്രി മുത്തുക്കോയ തങ്ങളും, ഡിജിറ്റൽ മാഗസിൻ പ്രഖ്യാപനം എം.ടി അബ്ദുല്ല മുസ്‌ലിയാരും, നാഷനൽ ആർട്ട് ഫെസ്റ്റ് സർഗവസന്തം പ്രഖ്യാപനം കെ. മോയിൻ കുട്ടി മാസ്റ്ററും നിർവ്വഹിച്ചു. ഫഖ്റുദ്ദീൻ തങ്ങൾ അൽ ഹസനി സമാപന സന്ദേശം നൽകി. അട്ടപ്പാടി പ്രൊജക്റ്റ് വിശദീകരണവും വീഡിയോ പ്രസൻറ്റേഷനും അബ്ദുർറഹ്മാൻ മൗലവി അറക്കൽ നിർവ്വഹിച്ചു. സംഘാടക സമിതി കൺവീനർ അബൂബക്കർ ദാരിമി ആലമ്പാടി നന്ദി പറഞ്ഞു. ശിഹാബുദ്ദീൻ ബാഖവി, നജ്‌മുദ്ദീൻ ഹുദവി, സുലൈമാൻ ഹാജി, ദിൽഷാദ് തലാപ്പിൽ എന്നിവർ പ്രസീഡിയം നിയന്ത്രിച്ചു. സുപ്രഭാതം കൗണ്ടർ, അട്ടപ്പാടി ആക്സസ് പദ്ധതി കൗണ്ടർ എന്നിവ ശ്രദ്ധേയമായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.