സൗദിയിൽ കോവിഡ്​ മുൻകരുതൽ നടപടികൾ ലംഘിക്കുന്നവർക്കുള്ള പിഴകൾ പരിഷ്​കരിച്ചു

ജിദ്ദ: സൗദിയിൽ കോവിഡ്​ പ്രതിരോധിക്കാൻ ബന്ധപ്പെട്ട അധികാരികൾ സ്വീകരിച്ച മുൻകരുതൽ പ്രതിരോധ നടപടികൾ (​പ്രോട്ടോക്കോളുകൾ) ലംഘിക്കുന്നതിന്​ നിശ്ചയിച്ച പിഴകൾ​ പരിഷ്കരിക്കുകയും ചിലത്​ കൂട്ടി ചേർക്കുകയും ചെയ്​തതായി ആഭ്യന്തര മന്ത്രാലയ വൃത്തങ്ങൾ വ്യക്തമാക്കി. ആളുകൾ ഒരുമിച്ച്​ കൂടുന്നതിനു നേരത്തെ പ്രഖ്യാപിച്ച ശിക്ഷാനടപടികൾ സംബന്ധിച്ച തീരുമാനങ്ങളുടെ തുടർച്ചയാണിത്​. പുതിയ തീരുമാനമനുസരിച്ച്​ ആളുകൾ ഒരുമിച്ച്​ കൂടിയാൽ സ്ഥാപന ചുമതലയുള്ള ആളും സ്ഥാപന ഉടമയും ശിക്ഷിക്കപ്പെടും.

ഒത്തുച്ചേരലുകൾ:

വീടുകൾ, ​വിശ്രമകേന്ദ്രങ്ങൾ, ഫാമുകൾ പോലുള്ള സ്​ഥലങ്ങളിൽ താമസ ബന്ധമില്ലാത്ത നിശ്ചിത എണ്ണത്തിൽ കൂടുതലാളുകൾ ഒരുമിച്ച്​ കൂടുന്ന ഫാമിലി സംഗമങ്ങൾക്ക്​ 10,000 റിയാൽ പിഴയുണ്ടാകും.

വീടുകൾ, ​വിശ്രമകേന്ദ്രങ്ങൾ, ഫാമുകൾ, തമ്പുകൾ, ഉല്ലാസ കേന്ദ്രങ്ങൾ എന്നിവിടങ്ങളിൽ നിശ്ചിത എണ്ണത്തിൽ ആളുകൾ ഒരുമിച്ച്​ കൂടുന്ന കുടുംബേതര സംഗങ്ങൾക്ക്​ പിഴ 15,000 റിയാലായിരിക്കും.

അനുശോചനം, പാർട്ടികൾ പോലുള്ള സാമൂഹിക ആവശ്യങ്ങൾക്കായുള്ള ഒരുമിച്ചു കൂടുൽ നിശ്ചിത ആളുകൾ കവിഞ്ഞാൻ 40,000 റിയാലായിരിക്കും പിഴ.

വിടുകൾ, നിർമാണത്തിലിരിക്കുന്ന കെട്ടിടങ്ങൾ, വിശ്രമകേന്ദ്രങ്ങൾ, ഫാമുകൾ പോലുള്ള സ്​ഥലങ്ങളിൽ താമസക്കാരല്ലാ​ത്ത അഞ്ച്​ ആളുകളോ, അതിൽ കൂടുതൽ പേരോ ഒരുമിച്ച്​ കൂടിയാൽ പിഴ 50,000 റിയാലായിരിക്കും.

സ്ഥാപനങ്ങൾ:

സ്വകാര്യ മേഖലയിലെ സ്ഥാപനങ്ങൾ ബന്ധപ്പെട്ട വകുപ്പുകൾ നിശ്ചയിച്ച മുൻകരുതൽ നടപടികൾ പാലിച്ചി​ല്ലെങ്കിൽ സ്ഥാപനത്തിനും അതി​​െൻറ ചുമതലയുള്ള ആൾക്കും സ്ഥാപനത്തി​െൻറ വലുപ്പത്തിനും ജീവനക്കാരുടെ എണ്ണത്തിനുമനുസരിച്ച്​ പിഴയുണ്ടായിരിക്കും.

ഒന്നു മുതൽ അഞ്ച്​ വരെ ജീവനക്കാരുള്ള സ്ഥാപനമാണെങ്കിൽ 10,000 റിയാലായിരിക്കും പിഴ. സ്ഥാപനം അഞ്ച്​ ദിവസത്തേക്ക്​ അടച്ചിടും

ആറ്​ മുതൽ 49 വരെ ജീവനക്കാരുള്ള സ്ഥാപനമാണെങ്കിൽ 20,000 റിയാലായിരിക്കും പിഴ. സ്ഥാപനം അഞ്ച്​ ദിവസത്തേക്ക്​ അടച്ചിടും.

50​ മുതൽ 249 വരെ ജീവനക്കാരുള്ള സ്ഥാപനമാണെങ്കിൽ 50,000 റിയാലായിരിക്കും പിഴ. സ്ഥാപനം അഞ്ച്​ ദിവസത്തേക്ക്​ അടച്ചിടും.

250 ൽ കൂടുതൽ ജീവനക്കാരുള്ള സ്ഥാപനമാണെങ്കിൽ ഒരു ലക്ഷം റിയാലായിരിക്കും പിഴ. സ്ഥാപനം അഞ്ച്​ ദിവസത്തേക്ക്​ അടച്ചിടും.

നിയമലംഘനം ആവർത്തിച്ചാൽ മുമ്പ്​ ചുമത്തിയ പിഴയുടെ ഇരട്ടിയായി രണ്ട്​ ലക്ഷം റിയാൽ വരെയുണ്ടാകും. സ്ഥാപനം ആറ്​ മാസത്തേക്ക്​ അടച്ചിടും.

സ്ഥാപനത്തി​െൻറ ചുമതലയുള്ള ആൾക്ക്​ അയാളുടെ സ്ഥാപനത്തി​െൻറ വലുപ്പത്തിനനുസരിച്ചായിരിക്കും പിഴ . നിയമലംഘനം ആവർത്തിച്ചാൽ മുമ്പ്​ ചുമത്തിയ പിഴ ഇരട്ടിയായി ഒരു ലക്ഷം റിയാൽ വരെയെത്തും.

രണ്ടാം തവണയും നിയമലംഘനം ആവർത്തിച്ചാൽ സ്ഥാപന ചുമതലയുള്ള ആളെ പബ്ലിക്​ പ്രോസിക്യൂഷനു മുമ്പാകെ ഹാജറാക്കും. തുടർന്നുള്ള നിയമ നടപടികൾക്കനുസൃതമായി ജയിലടക്കമുള്ള ശിക്ഷ നേരിടേണ്ടിവരും.

റ​േസ്​റ്റാറൻറുകൾ, കഫേകൾ എന്നിവയെ മുകളിൽ സൂചിപ്പിച്ച അടപ്പിക്കൽ കാലയളവിൽ നിന്ന്​ ഒഴിവാക്കിയിരിക്കുന്നു. നിയമലംഘനം ആദ്യതവണയാണെങ്കിൽ 24 മണിക്കൂറായിരിക്കും സ്ഥാപനം അടച്ചിടുക. രണ്ടാംതവണയാണെങ്കിലും 48 മണിക്കൂറും മൂന്നാംതവണയാണെങ്കിൽ ഒരാഴ്​ചയും നാലാം തവണയാണെങ്കിൽ രണ്ടാഴ്​ചയും അഞ്ചാം തവണയാണെങ്കിൽ ഒരു മാസമോ അതിലധികമോ സ്​ഥാപനം അടച്ചിടും.

വ്യക്തികൾ:

മുൻകരുതൽ നടപടികൾ ലംഘിക്കുന്നത്​ വ്യക്തികളാണെങ്കിൽ പിഴ ആദ്യ തവണ 1000 റിയാലായിരിക്കും. നിയലംഘനം ആവർത്തിച്ചാൽ​ പിഴ 10,000 വരെയുണ്ടാകും. മാസ്​ക്​ ധരിക്കാതിരിക്കുക, മാസ്​ക്​ ധരിക്കു​േമ്പാൾ മുഖവും മൂക്കും മൂടാതിരിക്കുക, സാമൂഹിക അകലം പാലിക്കാതിരിക്കുക, ശരിരോഷ്​മാവ്​ പരിശോധന നിരസിക്കുക തുടങ്ങിയവ നിയമലംഘനങ്ങളിലുൾപ്പെടും.

അനുമതി പത്രമില്ലാതെ ഹറമിൽ നമസ്​കാരത്തിനെത്തുന്നവർക്ക്​ 1000 റിയാൽ പിഴയുണ്ടാകും.

നിയമംലംഘിച്ചുള്ള ഒരുച്ചേരലുകളിൽ ഹാജരാകുന്ന ഒരോ വ്യക്തിക്കും 5,000 റിയാൽ പിഴയുണ്ടാകും. നിയമലംഘനം ആവർത്തിച്ചാൽ ഒരു ലക്ഷം വരെ പിഴയുണ്ടാകും. മൂന്നാംതവണ ആവർത്തിച്ചാൽ പബ്ലിക്​ പ്രോസിക്യൂഷനു മുമ്പാകെ ഹാജറാക്കി ​ നിയമപ്രകാരമുള്ള ശിക്ഷ നടപടികളുണ്ടാകും.

നിയമംലംഘിച്ച ഒത്തുച്ചേരലുകൾക്ക്​ ക്ഷണിക്കുകയോ, സംഘടിപ്പിക്കുകയോ ചെയ്യുന്നവർക്ക്​ 10,000 റിയാൽ പിഴയുണ്ടാകും. ആവർത്തിച്ചാൽ ശിക്ഷ ഇരട്ടിയാകുകയും ഒരു ലക്ഷം റിയാൽ വരെ പിഴ ഉണ്ടാകുകയും ചെയ്യും. മൂന്നാം മൂന്നാംതവണ ആവർത്തിച്ചാൽ പബ്ലിക്​ പ്രോസിക്യൂഷനു മുമ്പാകെ ഹാജറാക്കി നിയമപ്രകാരമുള്ള ശിക്ഷ നടപടികളുണ്ടാകും.

കോവിഡ്​ വ്യാപനം കുറക്കാൻ ആളുകളുടെ ഒത്തുച്ചേരലുകൾ കുറക്കാനും സാമൂഹിക അകലം പാലിക്കാനും ലക്ഷ്യമിട്ടുള്ളതാണെന്ന് പരിഷ്​കരിച്ച​ ശിക്ഷാനടപടികളെന്ന്​ ആഭ്യന്തര മന്ത്രാലയം വ്യക്തമാക്കി. മുഴുവനാളുകളും ബന്ധപ്പെട്ട വകുപ്പുകൾ പുറപ്പെടുവിച്ച ആരോഗ്യ മുൻകരുതൽ നടപടികൾ പാലിക്കണമെന്നും നിയമലംഘിച്ചുള്ള ഒത്തുച്ചേരലുകൾ നടത്തരുതെന്നും ആഭ്യന്തര മന്ത്രാലയം ഉണർത്തി.